جلست فرقة بانجتان يتحدثون عن فتاة أحلامهم
نامجون : دلوقتي انا عايز اعرف مواصفات فتاة احلام كل واحد فيكم
جين : ايه ياعم جايبلنا عروسه ولا ايه
نامجون : لا يا خفيف انا بس زهقان ومش لاقي غيركوا للأسف
جين : تسلم والله
نامجون : ها هنبدأ بمين.. نبدأ بالماكني بتاعنا
جونكوك : مين انا؟
نامجون : لا الست والدتك
جونكوك : ليه كده بس ياعم
جيهوب : يابني هو في ماكني تاني غيرك هنا
جونكوك : اه صح.. بص انا مش محدد بالظبط بس انا عايزها تبقي مغنية صوتها حلو وكيوت كده و قصيره و بتعرف ترقص وكلها كيوت و..
جيمين : و أسمها آيو صح؟
جونكوك : ايه لا ياعم ما انا خلاص نسيتها ومعنتش بفكر فيها ولا مهتم بيها
تاي : خلف انت بتكدب يا خلف
جونكوك : مبكدبش
جين : طب احلف
جونكوك : وحياة زحلف
جيهوب : مش بقول مفيش منه رجا
جونكوك : لا بجد ده انا حتي بقالي زمن مشوفتهاش
شوجا : ايوا إلى هو قد ايه؟
جونكوك : يومين و اربع ساعات و15 دقيقة و22 ثانية
نامجون : واضح فعلا انك مش مهتم بيها
جونكوك : شوفت ازاي
نامجون : بصوا يا جماعه هنعتبره مش معانا احنا بقينا 6 بس
جونكوك : حب الناس والله
نامجون : دورك يا جيمين
جيمين : بص انا مقرر حاجتين اول ما هشوفهم هقول هي دية فتاة أحلامي
جيهوب : ايه هما؟
جيمين : تكون أقصر مني وايديها أصغر من أيدي
تاي : واو ده انت طموحاتك ضعيفة اوي
جيمين : خلاص زود تبقي كيوت
جونكوك : محدش هيعرف يوصل ليفل الكياته بتاعك يا جيمين شي
جيمين : أخرس يالا
جونكوك : حاضر يا معلم
نامجون : ما علينا من جيمين نخش على حد عاقل.. جيهوب
جيهوب : خضتني يا حمزه ايه
نامجون : !!!!
جيهوب : سوري اندمجت شوية.. بص انا عايزها.. عارف الي هو... يعني تبقي كده..
نامجون : لا احنا بنام بدري وانا عندي شغل بكره الصبح
جيهوب : عايزها لذيذه كده
جين : عايز حاجة تاني مع الاوردر يا فندم
جيهوب : لا الحساب كام.. هنهزر يا روح امك
شوجا : يبقي تتكلم عدل انت مش فمطعم عشان تبقي عايزها لذيذه يا لذيذ
جيهوب : خلاص ياعم.. الخلاصه كده عايزها مبهجه وبتضحك على طول و مجنونه
جيمين : عايزها مجنونه ايوا مجنونه
تاي : ماهي الي تحبك فعلا تبقي مجنونه
جيهوب : حبيبي والله
نامجون : نخش علي شوجا على طول نخش علي شوجا
شوجا : عايزها تبقي بتحب النوم و النوم والنوم وعايز احكيلها عن أحلامي
جيمين : يابني انت فاكرها مخده عشان تحكيلها عن أحلامك
شوجا : انا قولت الي عندي تصبحوا علي خير
جونكوك : لطفي استني يا لطفي
جين : لا يا شوجا متسبناش لاااا... ها يا تاي وانت مواصفات فتاة احلامك ايه؟
شوجا : واطي
جين : خمسه امواه
تاي : عايزها عاقلة ورزينه زيي بالظبط في المواصفات
جونكوك : ما شاء الله وعايزها كذابه كمان
تاي : الله يسامحك ياعم
نامجون : متزعلش يا تاي.. بس هو انت عاقل؟!
تاي : وسيد العاقلين.. ده انا حتي امبارح لقيت نملة ماشية لوحدها صعبت عليا اوي
جونكوك : وعملت ايه؟
تاي : قتلتها
جيمين : احنا آسفين اننا سألناك قول انت ياجين
جين : هاااح
جونكوك : ايه انت واكل لبان نعناع ولا ايه
جين : لا يا عبيط ده حب ده.. انا عايزها بتعرف تطبخ وتبقي كيوت كده وبتحب نكت الأجداد وبتحب البمبي وسوبر ماريو
جيمين : قوم يابني شغل I'm the one i should love in this world ده عايز نسخه منه
جين : بعيدا اني عمري ما هلاقي مني تاني بس ممكن اكون عايز حد في نص جمالي كده
نامجون : باااس ما خلاص ياعم بخ انت
جيمين : امال انت عمال تسأل انت وانت وانت ومقلتلناش مواصفات فتاة احلامك يا جميل انت
نامجون : والله فيكي الخير يا هبة احبيبة قلبي
الأعضاء : !!!!!
نامجون : كانت حب حياتي
جيهوب : ده حصل امتى ده؟
نامجون : يا تانية اعدادي يا تالته اعدادي حاجه في الرينج ده
جونكوك : يلا نقوم يا جماعه ده هيشلنا
جين : وبتتريق علينا.. يا شيخ اتنيل
نامجون : يا جماعه.. يا جماعه استنوا طيب احكيلكوا قصة كفاحنا.. اخص يا دنيا علي الي بتعمليه في الحبايب.. ليه حظي معاكي يا دنيا كده في الأحزان تفتكريني
وفي عز الفرحه بتنسيني وارسملك ضحكة تبكيني
الأعضاء : يابني بطل الخره الي انت بتقوله ده بقى
نامجون : أم سو سوري.. تصبحوا على خير
