#بنت العرب_ ابن الجنوب

&بارت الثامن &

البارت... 8

( ابن الجنوب » بنت العرب )

#بقلم (( حنين الجبوري ))

علا بركه الله بعد شكم يوم وردلهم خبر
زينه :
صعدت ع غرفتي حاولت ابقه هاديه كدام اهلي
بس وصلت الغرفه علكتهة كمت اكمز واركص واغني ممصدكه ياربي اشكرك بس بقه بكلبي خوف من عثمان
يارب ابعد الشر عن حسين هاذا روحي اذا صار
علي شي اتخبل اموت والله ماتحمل الفرحه مكملت
اووف شجابك انته الله لا ينطيك
اتصل حسين :
الو
الو هلا حبيبي بشري شكال ابوج :
زينه
اممم ماعرف شكلك
حسين :
زنوو شكووو احجي عاد
زينه :
لا هوة وافق بس اني ماوافقت ( ردت احرك اعصابه )
حسين :
شنوو ماوافقتي بكيفج هية زنوو لتحركين اعصابي
احجي زين تره وعلي بعد مسمعين صوتي
زينه :
هههه اعصابك حبيبي اشاقه وياك هوة اني اكدر ارفضك
مصدكت بابا سألني
حسين :
هيج لعد زنوو تحركين اعصابي واني كاعد ع نار
هينه الج بس خلي اخاذج يمي واني اعلمج هه
زينه :
يااا كمت تهدد حسوني لعد بطلت
ماا ريد ازوج هسة انزل اكل لبابا غيرت
رئيي وبعد ماريد ازوج
حسين :
لااا ولج اشاقه فدوه الج حبيبتي
بقينه نسولف ونضحك ليحد ماغفينه ثنينه
ثاني يوم كعدت من الصبح خايفه كلبي مامرتاح
رحت ساعدت ماما بالشغل شويه ونسمع عياط بره
اسم الله هاي شكو كلش خفت يربي هاذا اكيد عثمان
ولكم تنطوهة لغيري اليوم اله اذبحه منو هاذا كلولي
طلع بابا يركض علي واخواني بالكوه يالله راح
وتحلف قبل لا يروح كال والله اله الكا واذبحه
وعلي محد يفكه مني وشوفون

يمه حسين كلش خفت علي لا يربي بس لا يسويله شي
بقيت خايفه النهار كلهة ماعرف شسوي
هسة اكيد عرف مكان حسين بس لا يأذي ياربي سترك يارب
صارت الدنيه ضهر كلهم راحو ع غرفهم حته ينامون
اني صعدت ركض لغرفتي
اتصلت ع حسين ميرد كمت ابجي تهسترت
حسين بس شوف رقمي فورا يرد ليش هسة
مدا يرد اتصلت 10 مرات ماكو تخبلت شسوي

كمت بس ابجي واشهك يربي فدوه اخذ روحي ولا يصيب
حسين مكروه فدواتك يربي طلبتك
وره ساعه رن التلفون كمزت علي شفت الرقم حسين
الوووو حسين ليش مدا ترد مو اتصلت عليك ليش هيج
الوووو ماترد رد عليه صوت غريب

هههه حسين هسةة يمي ومايكدر يحجي وياج

ويمكن اذبحه مثلا أو احركه
بكيفج شتحبين اسوي بي

زينه :
اني تخبلللت شنوو منو هاذا ليش هيج يحجي
ع حسين وين لكا
انته منووو وينه حسين
:
:
:
الووو لك يا كلب

قفل الخط بوجهي منوو هاذا ليش حسين
يمه وشيرد من حسين يارب ليش هيج
ليش ماتكمل فرحتي يارب ماريد كلشي من الدنيه
بس رجعلي حسين كلشي ماريد بعد
نصدمت كمت بس الوم بنفسي اني
اي اني الي سويت بحسين هيج

لو رفضته من البدايه مجان مصار الي صار
جان هسة هوة بغداد ومرتاح
اووووف يريحه هلي وينك هسةة شدا يصير بيك
رجعت اتصلت ماكو مغلق
اني جوه البطانه وابجي صارت ليل اجت ماما تصيحني
بدون ماشوف وجهي لان مورم من البجي
كتلهة ماريد تعبانه
طلعت وتركتني طلعت الدفتر شفت الورده
الي جابهة حسين يابسه
وكتابته الي كاتبهة
كمت ابجي بعد اكثر اووف وينك من جنه اني وياك
نكعد جوه الشجره
وتبقه سولفلي ع حياتنه سويه شلون ح تكون
اووف يابعد بيتي وينك
بقيت اتصل ع رقم ماكو
شلون اني ماكدر ابقه كاعده تذكرت صديقه محمد
اي هوة داما يحجيلي ع محمد هوة صديق اخويه
عز الدين لازم اخذ رقمه واتصل بي
ماكدر ابقه كاعده ماسوي كلشي
انتضرت ليحد ما الكل ينام نزلت ع كيفي حته محد يفز من النوم
توجهت لغرفه اخواني ع كيفي كلش خايفه وارجف
اذا كعدو شكللهم عود بالكوه امشي
رحت يم عز الدين اخذت تلفونه وطلعت سجلت الرقم
ورجعته من طلعت من غرفتهم اخذت نفس ههف
هم زين محسو عليه
رحت ركض ع غرفتي قفلت الباب

ترددت اتصل لا شلون اتصل علي واني ماعرفهة عيب
اووف ياربي سامحني بس مابيدي شي
خوما ابقه كاعده راح اتخبل لازم اسوي شي
تصلت بقه يرن يله رد يمكن نايم
الو السلام عليكم خويه
محمد :
وعليكم السلام خيتي تفضلي انتي منو شرايده ؟
حجيت كلشي لمحمد وانو تصلت بي وطلعلي هاذا الرجال
محمد :
اي صدك حسين غايب عن البيت كلت خلي يمكن يم اصداقائه خلي ياخذ راحته
من تصلت بيه زينه وحجتلي تخربطت ماعرف شسوي
وين اروح اسأل منو
كلتلهة اني اشوف شسوي انتضري مني خبر
: زينه :
طلع محمد هم ميندل مكانه اويلي شلون ابقه كاعده بلا ماسوي كلشي ياربي ح يروح مني حسين اموت والله
امووت وماتحمل
بقيت لوجه الصبح كاعده محسيت ع نفسي
غفيت شويه
صحيت ع صوت ماما
كومي بنيتي من البارحه ماكلتي كلشي كومي غسلي
وتعاي تريكي
: زينه :
يوم تعبانه فدوه من اجوع اني انزل اكل
براحتج حبيبتي
راحت ماما وتركتني
كمت توضيت وصليت دعيت ربي يرجعلي حسين
بخير وسلامه ماريد كلشي بعد
شويه ورن التلفون

كمت طياره علي كلت بلكي محمد رجعلي خبر
شفت الرقم حسين
كلبي وكع اريد الزم التلفون ماكدر
بالكوه رديت
أاالوو
الو زينه ليش خايفه ههه
مخايفه ليش اخاف انته منو وشلون تعرفني
وشرايد من حسين بس فهمني
تريدين تعرفين

***************
يتبع