ماذنبي؟

٦

رحنا لبيت عمو جانو كلهم موجودين تعرفون لمة العوائل العراقيه شكد حلو الشقا والضحك والسوالف الحلوة ورا العشاء كمنه احنا والبنات نسوي جاي بعدها رحت اقدم الجاي كلها موجوده الا حبيب قلبي بغرفتا وكلتلي عمه اصعدله الجاي
دكيت الباب
ايهم :منو
اني ادخل
ايهم:تفضلي افونه
جان متمدد يكلب بلفون ولابس برموده رصاصي طوخ وبدي اسود من دخلت ذب الفون وعدل كعدت طبعا مرته جانت عند اهلها
فيان:جبتلك الجاي تفضل
ايهم :خلي يمج ع الميز وتعالي كعدي عندي موضوع وياج
اني ارتبكت لان تقريبا عرفت الموضوع :اي اسمعك
ايهم:افونه تذكرين قبل شهرين من سويت حادث ودخلت بغيبوبه
فيان:اي اتذكر
ايهم:تذكرين انو من صحيت انتي جنتي موجوده وانتي اول وحده شفتها لان بوقتها جنتي بلغرفة مو
فيان:بلي اتذكر ممكن توصل بسرعه للموضوع لان يمكن حنروح طبعا اني احجي وافرك بيدي من الارتباك وبس اريد اعرف شيريد لان متاكده سمعني بذاك اليوم الاسود اني مذكرت الحادث الصار لايهم ومن دخل غيبوبه الله ليعيد هذيج الايام طبعا اني كلبت الدنيا بلبجي والعياط بس محد شك بشي لان هذا شي اعتيادي لان اني وايهم مقربين حيل اكثر من اصدقاء والكل متقبل ااوضوع بحكم علاقتنه كأخوه لان محد يدري بحبي القاتل لايهم  هه بعد الحادث ايهم دخل غيبوبه لاسبوعين بلسبوع الثاني اني رحت لزيارته جان بس اخو موجود ونزل مادري شيجيب وبابا ويا وبقيت اني ويه ايهم بوكتها ضليت ابجي واني اشكي حبي لايهم النايم بلاحراك وعذابي لسنين وهو ميدري بحالي لاقبل ولاهسه واني كاعده واشكيله مااعرف شلون اوصف حالي بوكتها مثل الي تشكي ألم القتل القاتلها وتكله مااجمل الموت وانت قاتلي هيج حالي بوكتها
الحاضر............
ايهم:اصبري  لتقاطعيني جايج الحجي
فيان:اي كمل اسفه لان قاطعتك
ايهم:الي اريد اوصله يا فيان اني بوكتها صحيت من دخلتي للغرفة ومن جنتي تحجين اني جنت صاحي هسه اريد تفسريلي شنو الحجي السمعته هو جان يحجي بهدوء مبطن بعصبية بس حتى هدوءه مكدر يخفي عصبيته بوكتها اخذتني الرجفه والارتباك وماادري شلون طلع الحجي مني
فيان:ايهم السمعته بوكتها مو حقيقي مجرد مشاعره مراهقة خطأت بفهم اهتماك بيها وخطأت بتفسير مشاعرها لان مثل متعرف المراهقه شلون تريد تحب وتنحب وتريد احد يهتم بيها واي اهتمام تفسره على انو هو حب وهذا الشي هسه اتوضحلي واريدك تعتبرانك ماسمعت هذاك الحجي وتنسا الموضوع واتمنى ينسد هذا الموضوع هنا
ايهم:اوك راح اصدك حجيج يافيان وراح انسى الموضوع اتمنى هذا الخطأ ميتكرر وهسه تكدررين تتفضلين
طلعت من الغرفه سديت الباب واتجيت علي اريد اجر نفس واني متجيه احاول اقنع نفسي بلحجي الكلته قبل شويه وانو اني مااحبه بس هيهات شلون اقنع كلبي لتعلق بي من الطفوله مو شرط  المراهقة  يكون حبها وهم او بسبب المشاعر الملخبطه بفترت المراهقه مرات يكون حب صادق وقوي لدرجه انو مينسي ويبقى مدفون بلكلب للموت وهذا حالي راح ابقى دافنه حب هذا القاسي القلب حح اني ادري بي قاسي بس ابد ممتوقعه لهل درجه لان ابد مشايفه قساوته كل الي شفته منه اهتمام وحب ابد مشايفه قساوته وهايه اول مرة اشوف قساوته بيها ممتوقعته قاسي الكلب لهل درجه اوووف شيصبر كلبي بعدها نزلت للاستقبال  لكيت بابا يريد يطلع
بابا:يلا باباتي راح نروح
فيان :اي بابا جاهزه ماعندي شي
بعدها سلمنا وطلعنا طبعا مينتهي يومي اذا مااتعرك ويه ايفان حبيب قلبي
وخلص يومي الحافل بلمفاجأت وممصدكه انتهى الموضوع الجان راعبني لمدة شهرين مااصدك انتهى بهل سهولة اوووف😥