صراع العاشقين

الفصل ٢٤

بسم الله الرحمن الرحيم

دخلت عهد و سليم الى المنزل

سليم ؛ وهو يستند على باب غرفتها ها هتعملي ايه دلوقتي

عهد : هكون هعمل ايه هنام يا سليم

سليم : لا والله يعني تضيعي علينا اليوم عشان الماتش بتاعك وفي الاخر تقوليلي انام لا يا امي

عهد بنفاذ صبر : عايز ايه يا سليم دلوقتي

سليم : مفيش يا روحي نعد شويه مع بعض نتكلم اقولك كلمتين حلوين تقوليلي كلمتين حلوين
ابصلك تبصيلي يعني حاجات كده يا حياتي

عهد وهي غير مطمئنه له : طب بص انا هدخل اغير هدومي وجيالك على طول

سليم : متتأخريش يا قلبي

عهد؛ انا اتاخر عيب عليك

سليم ؛ عيب عليك هي وصلت لكده عهد يا حبيبتي متعديش مع الواد خلف ده كتير بهت عليكي يا قلبي فضلك شنب وتبقي مذكر

عهد : انا مذكر ماشي يا سليم اوعى بقى خليني اغير هدومي وانام وابقى دورلك على حد تاني يسهر معاك يا سولي

سليم : متقدريش يا قلب  سولي
كادت ترد عليه لو سماعهم لصوت فهد الثائر وهو يطرق الباب بقوة على غرفة وعد

سليم وهو يركض اليه ؛ ايه يا فهد في ايه

فهد : الحقني يا سليم وعد اتخطفت الحقني

سليم:  اهدى يا فهد فهمني ايه اللي حصل

عهد ببكاء : اختي يا فهد اختي فين

فهد ؛ مش عارف انا هتجنن جالي تليفون من عزام الكلب قالي مراتك معانا لو مجبتش كل الورق اللي معاك انساها هقتله هقتله

سليم : اهدي يا فهد متقلقش انا

فهد : لا انت متدخلش انا انا اللي هتصرف

سليم : يا فهد اعقل

فهد : مافيش عقل انا اللي هتصرف اوعى تتدخل هيموتها لو ادخلت يا سليم هيموتها

سليم : وعد مني وعد هتكون هنا انهارده مش بكرة بس انت وريني الرقم اللي. اتصل عليك

فهد: هو ده الرقم

اخذ سليم الرقم ولسوء حظ عزام انه لم يزيل الشريحة فاستطاع سليم ان يحدد مكانه بواسطة ضباط اخرين امر سليم بتحضير حملة للهجوم على هذا المختل هو واخيه

سليم : احنا هتروح دلوقتي يا فهد

فهد: جاي معاك

سليم : لا من الاحسن انك تفضل هنا

فهد : انا مش باخد رايك

عهد: انا كمان جايه

سليم : هي فسحه لا طبعا