صراع العاشقين

الفصل ١٣

بسم الله الرحمن الرحيم

يجلس كبار العائلة بالقاعة الكبيرة بالمنزل
دخل توفيق اليهم ليتوجه الى والده

توفيق : انا قررت قرار يا بابا ومحتاج دعمكوا

زكريا : خير يا ولدي

توفيق : انا قررت ارجع الجلمعه تاني

حسين : والله يا ابني احسن قرار خدته

توفيق : بس قبل ما ارجع لمجالي تاني محتاج اروح للدكتور اللي كان بيتابع معايا  انا حاسسس اني عندي حماس شديد اني اقوم اقف على رجلي من تاني

ابراهيم : ياما احيلنا عليك يا ولدي تكمل علاجك وانت اللي مخك ناشف

حسين : المهم انه خلاص خد القرار وانا يا ولدي هخلي فهد يكلم الدكتور ويحجزلك معاه

توفيق : ربنا يديك الصحة يا جدي ويحفظك لينا
استاذن انا

وهو في طريقه لغرفته فبعد الحادث اعدت له والدته غرفة بالطابق الاول
نظر الى السلم وجدها تنزل درجات السلم مع اخته وعلى ملامحهم ملامح فرحة وسعاده

خلود : حبيب قلب الفنان بتاعنا

توفيق : حبيبة قلب الفنان بس خلاص ده كان زمان

خلود : اسكت انت متعرفش حاجه اخويا انا اعظم رسام في الدنيا ده كلها

توفيق : ماشي يا بكاشه ليلتفت لها  اذيك يا نغم

نغم : الحمد لله اذيك انت

توفيق انا الحمد لله مش انا قررت ارجع الجامعه تاني

كانت تشعر بسعادة عامرة بداخلها فهي كانت تعشق هذا الفنان الذي كان يتقن عمله بشده بجانب فنه ولكنه للم ترد ان تظهر هذه الفرحة على وجهها لا تريد ان تعطي له حجم اكبر في قلبها مرة اخرى فهي لن تقدر على جرح اخر

نغم باقتضاب :اه مبروك بالتوفيق ان شاء الله

توفيق : وانتو رايحين فين

لتنضم لهم نور في هذا الوقت وتضع يدها على كتفه

نور : حبيب هارتي رايحين فرح وليد فاكره الواد صاحبك الرخم ده

توفيق : الواد صاحبي الرخم ده تصدقي انك انت اللي رخمه

نور : بدلع انا رخمه بردوا يا فوفو

توفيق : بت اتظبطي

نور بجديه : تؤمر ياباشا بس بقولك ايه ماتيجي تروح معانا الفرح يمكن نلاقيلك عروسه حلوة كده تليق بالباشا بتاعنا

توفيق : والله فكرة اهو تغير جو بردوا

كانت هناك عيون تشتعل غيرة من هذا الوضع عيون نغم والتي كادت تبكي من غيرتها

اما العيون الاخرى فكانت تختبي وراء الجدران عيون سيف والذي كاد ان يذهب لهذه الفتاه المشاغبة ويجزبها من شعرها ليقول لها لا تتحدثي بهذه الطريقة مع احد وان لم تتوقف فسيحبسها في غرفتها