(( الشـــيــخـه ))
تكملت البــــ( 3 )ــــــارت
-يااا شبيك يمه مدوهن ورايح بالك ..المريه الهدوها االك! جنك نسيت
-اها لا ما ناسي سالفتها اكمل شغلي وامر عليج شيخه اخذج تشوفيها
- يمه ابو اسد اخذ اختك يسر ويانه تشوفه لان نجره ونبهه احسن من امها الغبره! !
- يمه مثل ماتشوفين يمج سالفه بعد
حطت صينية ريوك كدامنه ابتهال وكعدت اتريكت وطلعت ع شغلي عندي معرض سيارات بالولايه مسلمه بيد حازم اخوي .....مريت ع بيته وطلعت مرته وهيه بت عمنا سلمت عليها وسئلت ع حازم
...عرفت مارايح الشغل لان مكضيها بس سهر ويا الغجريات ودومه مفشلني بين الناس كعدت ع القنفه. وخليت رجل ع رجل
واهز برجلي بغضب
بعد ماراحت مرته تكعده! !
وره شويه اجه وكف كدامي هله بيك خويه ابو اسد
وينج يمره حضري ريوك الا ابو اسد! !
ذياب.....مايحتاج خيتي ام ماهر
لتفت عليه كلي لشوكت تبطل سوالفك المكسره وطربكه ويا الغجريات ! !!
حازم .....دنجت راسي.
ذياب....انت خوي العود ورفعت راسي ومن بعدي انت تصير جبير عمامك ليش هيج مبهذل روحك ويا الناس الرخاص وموكع سمعتك! وميضع سمعت الشيخ بتصرفاتك الرعنه احجي !! زمخت بي
حازم....ياخوي!
ذياب ......هاي اخر انذار ألك وعتبره تهديد اذا شفتك واصل اطراف القريه واصل يم الغجر. وحك الخلق الخلك ........بهذاك اليوم لا تلوم الي راح اسوي بيك وعتبره تهديد هذا
عفته وطلعت ركبت سيارتي وطلعت واني نار تغلي بداخلي ماعندي اخو ينشد بي الظهر ياربحك ياشيخ كريم واحد يم الغجر والثاني تبع حرمته وسكن بغداد. الحمدلله
ع وعدك يازماني
والثالث يدرس وكل سنة عايدها مادري شوكت ينجح!
شغلت المسجل ع اغنيه فيروز ورخيت اعصابي..... فتت ع المزرعه عندي شغل بيها لازم ارتبه
واني اعبر لمحتها
وهيه متلثمه بسسس عيونها بارزه تنهدت سبحان الخلكج. وخلاج بنص. عكلي شني سحر بعيونج........ هايم بيج. من البارحه. وطيفج .خـــرب. واهس نومي.
نزلت الجامه مالت سياره وطفيت المسجل وبقيت اعاين عليها
جْوَاُهرَ .... طلعنه مثل كل يوم ع الكاع نحرث ونزرع ومعتنين بيها حيل احس روحي مثل فرحه طفله من اشوف يخضر الزرع الازرعه بيدي واحصده
رفعت راسي والشمس بدت تقوه حرارتها وصارت بجبد السمه
نزلت النكاب من وجهي ورحت شربت مي وانيي اشرب شفت سياره مجدمه ع مزرعه واكفه
لمحت واحد بعده بمتقبل العمر كاعد بيها ويعاين صوبي ....ماانتبهت ع ملامحه جانت شمس تضرب ع عيني ما وضحت شوفته
ذياب....وكفت تشرب مي وجنها تنتبهت عليه وعقدة حاجبها ونظره عيونها سبت كلبي سبي نزعت المناظر وترجلت من السيارة وانيي هايم بيها
