(( الشـــيــخـه ))
البــــ( 16 )ــــــارت👑
ملاحضه : حبايب اهم شي لايك يعني مو تقره وتنسه لايك حته لْـۆ متقره خلي لايك (laugh) بس الي مايقره هاي القصه عمره خساره (shy)
حسيت بدفو شفافه مااتحملت كربه مني هالدرجه دفعته بثنين اديه بس ماكدرت هو اطول واضخم مني بقيت محصوره بحضنه
وجسمي يرجف كله حجيت بهمس ورجفه
الله يخليك اتركني !
ذياب ...خلت اديها ع صدري وحاولت تزيحني عنها بس ماكدرت لزمتها من خصرها ...كربتها الي اكثر و انااا من زمان منتظر هاي الفرصة وشوفج بين ايدي ! بعدت خصلات شعرها من وجها واخذت بوسه غصب عنها بقوه حتى حسيت انفاسها نكطعت يله بعدت عنها
وخرت مني وهيه تسحب نفسها بالكوه
يله هاي المره نقذج العذر الشرعي مني مره الثانية اسويها! !
جواهر ...كمت اتنفس بصعوبه حسيت روحي ختنكت حصرتني العبره وكلامه خوفني بالزايد
بقيت واكفه ومتجمده بمكاني ماتحركت
ذياب ...نزعت الدشداشه واناا خدران بيها بنت الاوادم اول مره احس بهالحساس الحلوو كربتني من الجنه بطعم شفتها تنهدت يله هيه كدامي العمر كله خل اصبر هالايام ومن ارجع اتصرف وياها وتفرغ الها
شفتها بعدهي واكفه بمكانها ماتحركت
تعاي نامي راح يطر الفجر شني ناويه هيج تبقين الصبح...لو عجبتج البوسه
جواهر ... من كال هيج اجيت اركض كعدت ع طرف الجربايه
ذياب ....اممممم انا مشعول ابو الخلفني وهيه كاعده ع طرف الجربايه ....دتعالي سحبتها ونومتها بحضني . وحضنتها وخصلات شعرها منثوره ع كل جسمي همستلها اول ماشفتج وكعت بغرام عيونج
جواهر ...بقيت اسمع الحجيه وانااا مصدومه !!
ذياب ...وطيفج كل لليلة يمر يخرب واهس نومي بس من شوفج يكوم يدك هذا الكلب البصدري ويوم الماشوفج بي اهيس مضيع رويحتي ..جواهر حبيتج وعاندت كل ناس واولهم عكلي واخذتج
جواهر ...بقيت حابسه العبرة بصدري رجعت بيه الذاكره من جنت احش بالمزرعه اشوفه يوكف ويعاين وجان كل ظني ع الكاع وع زرعة ماخطر بالي اناا المقصوده من وكفته
ذياب .... بقت ساكته وسكوتها دمرني سحبت ايدي منها بهدوء وهيه بقت ع حطتها ظل الشك ياكل براسي رغم كلامي وياها بلطف وحب بس بعدها ترجف وحتى متحجي شي ...بقيت افكر الان نمت!
جواهر ...بقيت كاعده ومحتارة بزماني بعدني خايفه منه وكلامه وكف عكلي !
طار الفجر فززني صوت المنبه بجهازه كام وسويت نفسي نايمه ...لبس ملابسه وطلع
ذياب ...نزلت سحبت وصليت وكعدت ابتهال سوت ريوك تريكت ويا الشيخه
وكعدت ويا بناتي عاينت الساعة صارت 7. وراي سفر
جواهر ...كعدت عدلت الجربايه ونفضت البطانيه وسفطتها وطلعت ثوب لونه بيجي بي ورد وردي لبست ورفعت شعري وخليت شال ع راسي ونزلت. شفتهم متجمعين بالصاله كلهم كاعدين وهو لمحني بقيت واكفه متحيره لابيه ارجع اصعد ولا انزل دنجت راسي
