#ألحان مغتصبة1🎶
#بقلم_شيماءعثمان🎶
أعزائي المسافرين ... تعلن الخطوط الجوية الإماراتية عن وصول رحلة رقم 205 القادمة من أبوظبي إلى مطارالخرطوم الدولي ... نتمنى لكم إقامة سعيدة .
- شايفة البنات ديل ياعفاف
عفاف : ما عارفة بتدلعو كده بعملو شنو ..... الله يعيننا على الايام الجاية يانور
نور : ربك يسترها علينا
عفاف : اتفضلي شوفيهم ماشين كيف تقول مطار ابوهم .... بنات ماتتحركو ... اخوك وين يانغم
نغم : ورانا ياماما هسي جاي .... ربى شيلي شنتطتك مني ماممكن انا اشيل كل الحاجات
ربى : نغم اطلعي من راسي والله ماطايقة نفسي
_ نغم ايبادي معاك ؟؟؟
نغم : ايوا ياسامر عندي خلاص بدينا الاهمال
ربى : شوفي السخانة دي كيف ... معقول دا مطار!!! وااي انا نرجع السودان نهائي ليه بس هو قراية الطب اتعدمت في الامارات .... كل معارفنا اولادهم بقرو هناك ... يعني بابا و عمو مجدي يعملو فينا كده ليه
سامر : المشكلة ماهنا المشكلة انا ذنبي شنو انتو عندكم جامعة لكن انا لسا اول ثانوي صغير و ماشفت دنيا
نغم : على فكرة انتو في الموال دا من تلاتة شهور و مافي زول عبركم انسو و اتقبلو الواقع و ثانيا دي بلدكم و مصيركم ترجعو في يوم من الايام ..... بالمناسبة رؤى وين
سامر : ممكن تكون خاته الهيدفون و لسا قاعدة في الطيارة
رؤى و هي بتلعب بتلفونها ردت ببرود .... واقفة وراكم و سامعة النقاش الممل دا
نور : ساعة يابنات عشان تجو ... خلونا نخلص طابور الجوازات دا
ربى : حاضر ماما
نغم : خالتو نور ماما وين
نور : عفاف مشت تشوف قريبكم الشغال في الجمارك عشان الحاجات الجبناها
رؤى : سخانة .. تأخير .. طابور .. واسطة .. محسوبية .. وضع مثالي لدول العالم الثالث
نور : و بعدين معاكم ... ماعايزة طولة لسان
بعد تمو الاجراءات اخدو الشنط واقفين جنب البوابة رؤى سألت امها ... ماما متأكدة طارق بجينا ولدك دا ماسوره خلاص
نور : خليو مايجي عشان أنتف ريشو
سمعت صوت من وراها .... منو دا الريشو يتنتف دبل T مواعيدو تتبظبط بها البيغ بين
نور : إتلهي ياخ
طارق : عاجبك كده ياخالتو عفاف في أم تستقبل ولدها الماشافتو سبعة شهور بالجفا دا
عفاف : هوي يانور طروقي مابرضى فيو
نور : كان عاجبك شديد عرسي ليو بنتك
عفاف : وانا القى لنغم عريس احسن منو وين
نغم : منو دا !! ماما اكيد بتهظري ... انا اتزوج دبل T .... افضل بايرة العمر كلو ولا ارمي روحي الرمية السودا المنيلة بستين نيلة دي
طارق : احمدي ربك انا عاينت ليك اصلا ياقصيرة ياشينة يا المابتشبهي البنات
نغم : أحسن ليك
طارق : بكرة تمشي الجامعة تشوفي المزز تجيك حالة نفسية ياضعيفة ياناشفة
نغم : خالتو شوفي ولدك
نور : بس ياولد عامل سكاكاتك ديل وربي نغم ست البنات خسارة فيك ياصايع يابتاع الحفلات
نغم بتعاين ليه بإبتسامة شريرة مدت لسانها
رؤى : ياجماعة بالجد ما حابة اقطع الحديث الشيق دا لكن ممكن نتحرك الشمس سيحت ام دماغ أهلنا
طارق شال الشنط ختاهم في العربية بعد ما ركبو إلتفت عليهم و قال آل التجاني و آل مجدي مرحبا بكم على أرض الوطن .
أنت تقرأ
ألحان مغتصبة
Romanceأنت َ.... الذي جئت مختلفاً لست صديقاً و لا حبيباً .... لكنك حياة . أنتِ .... كقعطة موسيقى تضخ في وتيني .
