حب في الذاكره 💕:
بقلم :ميساء محمد
لمن فقت لقيت نفسي في سرير ما عارف نفسي وين بس رااقد وفي زول غريب وااقف جنبي سالتو انا وين وانت منو ، قال لي بسم الله ي منذر ، اول شي حمد لله علي سلااامتك ،قلت ليهوو فهمني في شنو وانت منو قال لي كدي صلي ع النبي انا عباس صحبك، قلت ليهو عباس منو!! انا ما بعرفك ولحظتها سكت شويه وقال لي شووويه وجاااييك ، طلع وحا هو والدكتور قال ليهو ي دكتور بقوول انو مت بعرفني!الدكتوور قال لي منذر، سلامتك الف سلااامه ، انت ما متذكر الزول ده؟قلت ليهو ولاشفتو قبل كده،قال لي عباس زي ما اتوقعنا ده فقداان زااكره جزئي، قلت ليهو كيف ي دكتور ، قال لي الحاادث حققك ما كان سااهل وما اتووقعنا انك تعيش ، بس ربنا كتب ليك عمر جديد بس رااسك اضرر وحاليا معاك فقدان ذاكره جزئي وعشان كده ما قادر تتزكر صحبك ، وما حنقدر نعرف انت متزكر لمن وين لمن تلاااقي كل النااس الخشت حيااتك ، وكده بنحدد، قااطعتو قلت ليهو معليش ي دكتوور، احتمال ذااكرتي ترجع ولا لا قال لي دي حاجه بيد ربنا والله اعلم تتزكر ولالا وفي احتمال تاني انو في الفتره الفاتت دي تكون حصلت ليك حااجه قوويه اثرت فيك لو عشتها اوشفتها ممكن تتذكر وغير كده ربنا كريم،وفي ده امي وابوي جو خاااشين سلمو علي وامي حضنتني قالت لي ي منذر ي ولدي ما نبهتك انا من السوااقه السريعه دي ي ولدي قلت ليها ما حصل شي انا كوويس اسي وابوي قال لي حمد لله ع سلاااامتك اهم شي انك هسي بينا ي ولدي، انا كنت متزكر امي وابوي و اخوي علي ، والنااس القديمه بس في حيااتي وفتره الجاامعه والثانوي اتمسسسحت من ذااكرتي نهااااي ، خرجووني من المستشفي ،ومشيت البيت وزي الزوول الرااايحه ليهوو حااجه الاحدااث جاايطه في رااسي وفي ده جا عمي وعبير بتو سلمو علي وقالو لي حمد لله ع السلاامه وكده وابوي قاال ليهم ياااخ حمد لله انو متذكركم الود ده مااااسح عديل ، عمي ضحك وقال ليهو كيف يعني قال لي والله منذر فااقد الزااكره وحاجات كتيرر نسااها وممكن يتذكر تاني وده طبعا احتمال ضعيف في ده عبيرر خشت لي امي جوا وانا استغربت لي ماا شااركتنا الحديث
#يتبع
#ميساء_محمد
