زوجة صديقي

بارت الاول

خلي ابطال القصه هم يعرفون عن نفسهم
عثمان:اني عثمان اصلي من الموصل بس جدي قتل ابن عمه واجه لبغداد اعتبر نفسي بغدادي طويل ابيض شعري على شقار عيوني عسليه مواليد1978
كملت سادس علمي وقدمت كليه عسكريه وانقبلت بيها وكنت اقدم الكليه تخرجت عام 99برتبة ملازم وكان صنفي من اقسى الصنوف هو الاستطلاع العميق وانتسبت لاخطر كتيبه بالجيش العراقي كتيبة الموت بما اني اقدم الدوره من حقي اختار الصنف اختاريت هذا الصنف حبا بيه وافتخر اني انتسبت لهذه الكتيبه كتيبة الابطال

رفيف: اني رفيف اصلنا من كربلاء ايضا جدي نزح لبغداد كان تاجر قماش خلصت معهد معلمات من مواليد 80كملت المعهد وتعينت عام 2002 معلمه بمدرسه بالارياف اخويا سجاد هو صديق عثمان والدي مهندس والدتي مدرسه وسكنا بالعامريه ب99وتعرف اخويا سجاد على عثمان وصارو اصدقاء عثمان فرض احترامه وحبه على الكل بادبه والدتي والدي يحبوه والدي اصله من كربلاء درس بروسيا الهندسه كان تفكيره تقريبا اشتراكي وحذرنا من سماسرة الدين والدجالين والدتي بغداديه من الكاظميه مدرسه من عائله متزمته كلش والدي اشترى بيت بالعامريه قبلها كنا بالكاظميه والدي مكان يحبها منطقه شعبيه ومشاكلها هوايه من انتقلنا للعامريه صرنا جوارين بيت عثمان بالليل اندكت الباب طلع اخويا سجاد جاب صينيه دازيها اهل عثمان امي مقبلت ترجع الصينيه فارغه ثاني يوم طلعت جابت جكليت وكرزات خلت بالصينيه ودزتها ام عثمان اصرت ان تعزمنا عدهم ورحنا كلنا اني وبابا وماما وسجاد

اتلكتنا ام عثمان وبنتها وابو عثمان بس عثمان مكان موجود تعشينا يمهم والدي تعرف على ابو عثمان وصارو اصدقاء وامي صارت صديقة ام عثمان واني واخت عثمان هم تعارفنا الزلم كعدو بحد واحنا بحد وره كم يوم نزل عثمان اجازه كل هاي الاحداث بعدني مشايفه عثمان

عثمان:نزلت مجاز كنت توني متخرج برتبة ملازم ودخلت دوره صاعقه انزل تعبان عمري مفكرت ببنيه والدي علمنا من دق باب الناس دق بابه عندي اخت اخاف عليها والدي طبيب والدتي صيدلانيه منحب نختلط بس اكو حقوق للجوارين وتقاليد الجار من ينزل بيت جديد لازم ندزله عشا وهاي كل اهل العراق من شماله لجنوبه عدهم صفة الكرم عرفت من والدي اكو جوارين نزلو جديد خوش ناس وراقين نزلت الخميس طلعت اشتري غراض واودي بدلاتي للمكوى طلعت جوارينا تصيح وتبجي الحكولي راح يروح مني

عثمان..خاله شكو
ام سجاد..زوجي راح يموت عفيه الحكلي
دخلت للبيت اركض صحت والدي جان موجود كتله هذوله الجدد زوجته تبجي تكول زوجي راح يموت طلع بابا يركض عليهم
دخل لبيتهم طلع صاح عليا عثمان جيب السياره الرجال حالته تعبانه جبت سيارتنا وصعدنا اني والدي كدام وام سجاد وابو سجاد وره وصلنا لمستشفى اليرموك للطوارئ والدي صاح الاطباء كال ضاربته جلطه دخلوه للانعاش واني وام سجاد بقينا بالممر
عثمان..خاله روحي ارتاحي اكعدي واني والدي هنا
ام سجاد..يمه خليني هنا ماكدر اعوفه
عثمان ..خاله اجيبلج شي محتاجه شي
ابو عثمان..الحمدلله تلاحكنا اختي لاتقلقين خلي ياخذج عثمان للبيت اني راح ابقى هنا وياه لاخويا
ام سجاد ...لاخويا ماكدر اعوفه اني باقيه وياه هنا خلي عثمان ربي يحرسه يروح للبيت لسجاد يطمئنه ويوصيه على رفيف