زوجة صديقي

الخاتمه

طلعت من منطقتي مستعجل الحك عثمان ماعرف ليش قلبي مقبوض وخايف عليه وبقيت على اتصال وياه لحد مادخل منطقة الطوبجي وصار رمي
امجد..الووو يمعود وينك الوو و جاوب ماكو رد وصوت طلقات وشخير وانين تقريبا 10 دقايق يلا وصلته واني بالطريق خابرت زوجة المعاونه واتصلت بالي اكدر عليه اني اول واحد وصلت لمكان الحادث
لكيت بعدها سيارة عثمان موجوده وعثمان بيها مغطيه الدم والسياره ملخه طلقات فتحت الباب عثمان بعده يشخر بدمه نقلته لمستشفى اليرموك عثمان من صاير رمي منزل راسه الطلقات بظهره واديه ورجليه وصلنا لليرموك التمو الاصدقاء الي اتصلت بيهم دخلوه عمليات احتاج دم وبلازما بقى بالعمليات تقريبا 4 ساعات

..

رفيف ..اني من خابرت عثمان طلبت الطلاك منه مادري بيه اجه ومتعرض لمحاولة قتل فعلا ردت اطلك لان عاطفة الامومه سيطرت عليا اكثر من حبي لعثمان بقيت متهستره وابجي باب المدرسه اجوي امي وسجاد اخذوني للبيت خابرت حسين اتوسل بيه يرجعلي علي اشترط ارجعله سجاد خابر خوالي وخابر ابو حسين واخوته بس حسين معاند ميقبل يرجع علي ومحد يعرف هو وين

...

طلع عثمان من العمليات بقى بغيبوبه وحالته خطره كلش اصدقائنا كلهم التمو والكل يدعي الله يكومه بالسلامه الطبيب كال شايلين تك كلى وطحال وايده ورجله متهشمات العظام مالتهن

...
رفيف..دخلت مرحله هستيريا عصبيه الطم ابجي رجعولي ابني نسيت عثمان نهائي كلما افكر بعلي يصير مثل حسين ادك والطم خابرت حسين كتله موافقه اطلك من عثمان وانطيه تعد ماتزوج نهائي بشرط يرجعه لعلي خابرت ابو حسين كذالك وعدني راح يرجعلي علي 3 يوم اجه ابو حسين جاب علي بعد ماراحت امي وراح سجاد حضنت علي وابجي وقررت اخابر عثمان اطلب الطلاك اخابر تلفونه مغلق
خابرت المعاونه بلكي زوجها يعرف شي
رفيف...الووو شلونج ست
المعاونه هلو حياتي طمنيني شلون صرتي
رفيف ....الحمدلله بخير انتي شلونج
المعاونه..بخير مبروك على رجعت علي
رفيف..ست اخابر على عثمان مغلق موبايله
المعاونه..رفيف عثمان متعرض لمحاولة قتل وحاليا بغيبوبه بالمستشفى
رفيف..شنو شوكت هاي
المعاونه..بيوم الي خابرتيه هو جاي عليج طالعيله جماعه رامين عليه وهسه هو بالمستشفى داخل غيبوبه
رفيف..وين هسه جايه

...

رحتله للمستشفى لكيت امجد واصدقائه وعثمان بالانعاش داخل غيبوبه كل الي صار لعثمان بسببي
بقيت واكفه وابجي ماعرف شنو اسوي سجاد ويايه حضني
امجد..اختي راح يصير الليل والشوارع خطره رجعي واحنا موجودين يمه
رفيف..ماكدر اتركه الي صارله بسببي
امجد..قدر الله وماشاء فعل هذا قضاء الله وقدره
المهم رجعلج ابنج بخير روحي اختي احنا موجودين
رفيف..شلون اتركه لزوجي
امجد..شتكدرين تسويله غير الدعاء روحي للبيت وادعيله
سجاد..كلام امجد صح بقائك ميقدم وياخر
رفيف..ماعرف شسوي الي مر بيه عثمان بسببي لو يخيروني هسه انطيه روحي رجعت للبيت طول الليل اصلي وادعي وابجي
...