زوجة صديقي

بارت9

وعدت القراء انزل بارت اخر
....
رفيف ..بعد الاحتلال اني انتقلت لبغداد سمعت عثمان معتقليه كلش اتاذيت وسجاد وماما باعو البيت بالعامريه انتقلو لغير منطقه  بقى حبي لعثمان 
سر بقلبي مكدرت انساه لحضه ومن كان ياذيني حسين اتذكر عثمان ومرات احلم بيه هوايه جان يجيني بالحلم عطشان يكلي نفس الحلم من كالو استشهد
...
عثمان ..اول معتقلوني اذوني كلش بابو غريب هم جنت اشوف رفيف تجيني بالحلم وجنت اشتاقلها هوايه بقى حبي الها محد يعلم بيه
نقلوني لبوكا بالبصره شويا ارتاحيت احسن
...
رفيف..حسين من سيء لاسؤ حبلت هماتين مجنت اريد الطفل بس سبحان الله صار صار عندي مرض رحت للطبيبه كالتلي بنتي لو انتي تخونين زوجك لو زوجك يخونك لان مصابه بمرض ينتقل عن طريق الزنا والعياذ بالله وكالت انتي حامل راح يطلع الطفل مشوه وقتها متحملت انفجرت بالبجي كان تقريبا عام 2005 قررت اطلك نهائي من حسين لان هذا شي متاكده منه اني ماخنته بس هو خاني شي اكيد ورحت لبيت ماما وكتلها وكتلها قراري ودزيت على خالي الزغير بلغته قراري مستحيل ارجع لحسين
حسين مكال شي بسرعه طلك اتفقنا اتنازل عن كل حقوقي مقابل احتفظ بابني علي وصار الطلاق
بعد ماتفقنا وعشت لابني علي ولازم انزل الطفل حتى اتعالج من المرض الانتقالي والحمدلله نزلته كان عمره شهر تقريبا وتعالجت وبده الدوام وانشغلت
بيه وعلي يبقى يم ماما داريه بس جنت مشتاقه لعثمان بعد ماصرت حره بيوم بعد الظهر رحت لبيتنا بالعامريه حتى ازور اهل عثمان واشوف اخبارهم
رحت دكيت الباب طلعلي ابو عثمان
رفيف..شلونك عمو
ابو عثمان...
هلا بنتي شجابك شدراج الدرب تعالي اتفضلي
رفيف ..تسلم عمو اجيت اشوفكم مشتاقتلكم
ام عثمان..منو حجي
ابو عثمان..هاي رفيف بنت ابو سجاد الله يرحمه
ام عثمان..هلا بيها هلا بنت الغالين
رفيف..الله يعزكم خطيه كبرانيين كلش ابو عثمان وامه خاله لعد سجى وين
ام عثمان ..تزوجت خاله تجي كل اسبوع تساعدني
رفيف..وعثمان وين خاله طلعت كراسي كعدنا بالحديقه
ام عثمان ..الله يفك سجنه كالو هل الشهر يطلعون وجبه معتقلين بلكي اسمه وياهم
...
رفيف ..كلش انقهرت على حالتهم الحديقه الحلوه يابسه وميته وابوه وامه شياب بالكوه يتحركون
قررت كلما تصير فرصه امر اساعد خاله ام عثمان وهم اطمئن عليهم
بيوم خميس هم رحت نضفت البيت وكعدت غسلت الطرمه وكعدت ارتب السنادين مال عثمان وابو عثمان مكيف بيا فرحان ويعلمني على الورود واخذت علاوي ويايه ام عثمان حبت ابني وتلعب وياه
ام عثمان..والله ياخاله جيتج علينا خففت عنا هوايه صارلنا سنتين عايشين بحزن حتى سجى من تجي تشبع بجي
رفيف..خاله احنا اهل واني ماكطع باهلي وناسي
واني اشتغل بالحديقه ويا عثمان ماسمعت الا يكلي هاي منو 5 الاف هلا  من الفرحه شمرت الي بيدي وحضنته بدون وعي وابجي ابو عثمان هم كام حضنه وامه اجتي تركض تبوس بيه صدك فرحنا هوايه بس عثمان هوايه متغير مو ذاك عثمان ماذيه بابو غريب خابرت ماما كتلها راح اتاخر ويوصلني ابو عثمان
بعدها سجاد اتصل كال اني هم مشتاق لعثمان راح اجي اشوفه وارجعج
ام عثمان رجعت شباب كامت سوت عشا والتمو الجوارين يباركون لعثمان بالصاله واني وام عثمان سوينا شربت للخطار بس عثمان كل شويا يجي بحجه للمطبخ ويفززني 5لاف هلا ونضحك كتبتله رقمي مال الموبايل من اعتقلوه كان ممشتري بعده موبايل وميعرفله واجه سجاد ورجعنا بالليل بعد العشا واني كلش فرحانه بالليل دك رقم ابو عثمان عليا جنت محتفظه بيه جان عنده موبايل ابو عثمان من دك الموبايل رجف كلبي عبالك مراهقه
فتحت اتصال
رفيف..الو الو.ماكو رد
عثمان..بالكوه كلت الو جنت خجلان اول مره اتصل برفيف
رفيف..هلو ليش ساكت خير عمو بخير خاله بخير
عثمان..كلهم بخير اني ردت اتصل ماعرف للموبايل
بابا علمني وكلت اول وحده اتصل بيها انتي
رفيف..حلمت بيك
عثمان..اني هم حلمت بيج يوميه جنت اشوفج
رفيف..والله حلمت بيك يوميه جنت اشوفك ممصدكه اليوم شفتك كدامي
عثمان..الم وعذاب سنتين المعتقل كلهن راحن من حضنتيني وشميت عطرج اليوم انولدت من جديد
باجر لازم اشوفج ماريد اضيع لحضه من عمري دونج
رفيف..اني هم اريد اشوفك عندي كلام عمري كله ميخلص عثمان
عثمان..رفيف ماريد اضيع لحضه بعد من دونك حبك
ظلي وشمسي وراحتي يوم تعبي  مع كل اذان ومع كل تكبيره من المساجد ومع الامواج الي بعيونج
انحني لربي ساجد
واتمنى من الله
ان يجمعني بيج
رفيف..عثمان ماغبت عن بالي لحضه صوتك يغنيلي بمنامي
وصورتك مافاركت خيالي بصحوي ونومي
عثمان..اريد اسئلك سؤال
رفيف..كول اسئل نضر عيني
عثمان ...تحبيني
رفيف..ليش ممبين بلهفتي ممبين بعيوني
عثمان ..احب اسمعها منك بصوتك منك انتي بالذات
كوليها رفيف
رفيف..لا ماكدر
عثمان ..ليش
رفيف..اخجل
عثمان..باجر اشوفج
رفيف ..اي شوكت تحب وين
عثمان..بالمنصور زين
رفيف..صار
عثمان..احبك
رفيف..سكوت
عثمان..اعشقك
رفيف..سكوت
عثمان..الووو
رفيف..تهمس احبك وينكطع الاتصال
خجلت مكدرت كلت احبك بصوت ناصي وقفلت حسيت نفسي مراهقه بس حضنت علي حيل من الفرحه وابوس بيه
عثمان ..كالت احبك وسدته من الفرحه كمت افتر بالبيت بابا وماما نايمين واني رحت للمطبخ ماعرف شسوي طلعت للحديقه دخلت لغرفتي رجعت للحديقه اباوع للنجوم للكمر اشوف صورتها لرفيف بالكمر تبتسملي
سيدتي لا تلوميني ان قلت انك اجمل امراة في الدنيا 
ان قلت في عينيك تجتمع بحور الدنيا 
وانك في شفتيك تحملين رحيق ازهار الدنيا 
وفي يديك تحترق اشعة الشمس 
والنجوم تتكسر على خصرك 
والقمر .. يذبل تحت قدميك 
سيدتي لا تلوميني ان قلت انك اجمل نساء الدنيا 
وانك احتكرت جمال الدنيا 
انا في حبك 
يا سيدتي ... 
تخليت عن كل اسلحتي 
ونمت كلؤلؤة في قلادة .. 
يحضنها لهفة صدرك 

لا تلوميني ان قلت انك اجمل واشهى امرأة في الدنيا 
وانك فاكهة لم اتذوقها بعد 
وانك عمر لم اعشه 
وانك لوحة لم ارسمها 
وانك بحر لم تبحر فيه سفينتي بعد 
وانك فصل لم يضاف على الفصول بعد 

حبيبتي انك اجمل نساء الدنيا  
..
رفيف..اه ياحبيبي
...
عثمان..وصلني مسج فتحته
إنت أغلي ما في عالمي ، و أروع ما في دنياي ، و أجمل ما في حياتي .
...
رفيف..وصلني مسج
حبك مثل نسمة الهواء ،لا يمكن العيش بدونه
...
عثمان..مسج
انت فارس احلامي..وملك عمري وقلبي وايامي
...
رفيف..مسج
امات الحب عشاقا وحبك احياني لو خيروني لقلت حبك اوطاني
...
رفيف..مسج 2 من عثمان
ادمنت حبك وادمن القلب هواك رفيفماذا افعل اذا اصبحت نبض قلبي
...
عثمان ..مسج من رفيف
حبك ملئ قلبي وفضحته عيوني واسمك مافارق لساني وطيفك مافارق عيوني بصحوي ونومي
....
خلص رصيدهم انقطعت المسجات
...
بارت سريع كان وقصير لاحبتي القراء لان وعدتهم
انتضر تعليقاتكم بشغف احبتي وتحب اسمع ارائكم