#حبيبتي_تخفي_الكثير#البارت السادس عشر
غدير وسام
💐🌸💮🏵🌹🌹🌹🌹🌹🏵💮
سهرت البارحه واتأمل احجي وياك
وانت بكل قساوه صرت ناسيني
وتدريني احبك والله حيل اهواك
وانت بلا ذنب يفلان تأذيني
اني العاهديتك مستحيل انساك
وانت بهل سهوله صرت ناسيني
كون تصير يمي وهسه أتمناك
وتشوف الدمع من يصب من عيني
حبيتك صحيح وماأحب فركاك
وأفديلك ايامي وباقي سنيني
اريد أعزفلك على أوتار الكمان بلكي يحن قلبك وتجي تحاجيني🍁🍁🍁💐💐🌸💮🏵🏵🌹🌹🥀
غدير وسام *****
ورحنه .نعقد محكمه . اني وهو وامه وابويه وامي لبست بنطرون جويتي وستره وبدي جويتي ومطعم بنفسجي وحذاء وجنطه بنفسجي ... مكياجي بنفسجي مال عروس مو مثل كل مره خفيف . خلصنه العقد بس اني منو يشوفني يظل يتلفت الى حضرته ابد مبين رد فعل
.
وراها ...طلعنه لبيتهم عزمونه غدا اخوته وامه جهزو
ياكلون على ميز طعام مو مثلنه بلكاع . احنه مره جبناه وامي اسبوع ورحلته للمخزن متحب نكعد عليه .هههه
خلصنه الكل كعد بلاستقبال واني ويا ظلينه بلصاله
بس يكلب بتلفونه ويخابرعلى شغله
هيام .. عدك شغل روح .
احمد... ...لا مو مهم خلصت مو جنه مكياج اليوم اوفر
هيام . غير عروس واليوم العقد مالتي .
احمد ...ها .. والي تعقد تسوي هيج عجبج يعني الناس تمشي وتباووه عجبج الشباب تباوع عليج وبنطرونج كصيف والبدي والستره قصيره ..اني لوما استحيت مم امج وابوج جان الي غير تصرف ..هذا اللبس ترجعين تذبي تحركي مااعرف
هيام ..مو لهاي الدرجه كصيفات بعدين مشفت احد تجاوز
احمد ..تردين احد يتجاوزن لعد الوياج شنو مو اثنين زلم
بعده يخطب بيه على لبسي بابا دز عليه واني . اسرع من الضوء فلتت لان حسيت عصبي كلش .ورحنه لبيتنه
مياسه ..تعاي سولفي
مياسه تعاي سولفي
هيام شسولف ولج زين مافترسني شبي لبسي الله عليج
مياسه .تخبلين ليش حجه عليه
هيام .مزقني بس حجه لبسج كصيف .مكياجج اوفر
مياسه ....بعد صديق ازاد شتردين يطلع
هيام ..اشو قبل مجان هيج
مياسه .....شمدريج طالعه ويا انتي وشايفته على حجيكم بلتلفون ..
هيام .هم صدك . يله .نعمه من خلاني اكمل هو قبل كال اخطبج ماخليج تكملين
مياسه ..ديري بالج .تخلي يكعدج من الكليه .
هيام ....لا ان شاء الله ميسويها
