#حبيبتي_تخفي_الكثير# البارت التاسع والعشرون
غدير وسام )))*******
احمد دك فوني . زوجة عمي كالت عمك توفى
محسيت على نفسي هذا ابويه الي وعيت عليه من اني صغير ..
باوعت لامي ..
يمه عمي انطاج عمره
هيام ..انا لله وانا اليه راجعون
شو كت متوفي
احمد .ماخذي للمستشفى ومتوفي هسه . ..يله خلي نروح
هيام .. احمد كوه جان يكابر خطيه حسيت الدمعه وكفت بطرف عينه وشفته مكسور تمنيت احضنه واخفف عنه بس مراح يقبل ويتنازل كدام احد
شفته خابر لازاد كله تعال انت والولد وياي
خاله لابسه اسود وياي خطيه . منزعته
احمد .. يباوع خايف عليه بين يريدني ابقه وبين يستحي
خاله روح قبلنه احنه نجي
احمد .. خاله احتمال نبقه يمهم جيبيلج كم لبسه
هيام ..ان شاء الله .
طلعنه عليهم بتكسي .. اول مفتنه خطيه زوجته وبناته شمسوين واني كلبي على ابويه وتذكرت كلشي متت من البجي واجت امي وميس تكابلنه حته تخربطت
امي سكتتني .. وتبوس بيه خاله اجت تحجي
ليش هيج مو زين اذا دره احمد يتخبل هو كوه قبل تجين
هيام ..سكتت بعد ماابجي
.
احمد راح للدفنه ولد عمه باجر يجون من السفر
ولليل ناس تروح وتجي اني كمت وياهن على الجاي غسلت المواعين
اجت . خاله كالت كافي
رحنه كعدنه . هيام ماجه احمد
...لا بعده بلطريق راجعين
سالي منروح للبيت تعبت
خاله..كالت نشوف احمد ..
شويه صارت هوسه عرفنه رجعو من الدفنه بجوو خطيه اني اعرف احساسهم اصعب موقف من يرجعون وحدهم كسره مابعدها كسره شفت بعيونهم نفس نظرتي لازاد من رجع واني اسئله وعين عفت بابا ليش مجبته وياك
شفته من فات كلهم حضنو ويبجون عبالك هو اخوهم وابوهم جان يهدي بيهم ويواسيهن بكلمات حنينه
حاجه خاله وعينه عليه
ترحون لو تبقون اني رايح اغسل وابدل
....ترجع لوتبقه
احمد ..ارجع اهنا هاي الناس كلها بره شلون اعوفهم
باوعلي شلونج انتي ماتعبتي
هزيت راسي لا
ترحين اوديج لاهلج .خاف ممرتاحه هنا
هيام ..لا ابقه وياك
احمد ...موزين عليج
خاله . عيب من بيت عمك هنا يومين نجرعهم شلون مجان
احمد كيفكم يله اروح للبيت . اغسل
هيام اجي وياك خاف تحتاج شي
احمد يله تعاي
سلمنه وطلعته ساكت وكلساع يستغفر ويتحسر . لزمت ايده ..ادعيله بلرحمه . عصر ايدي حيل
