ناديتني سيدي (shy)
البارت 22 ✔
حمزه اني عرفت علاوي ابني رنا اني كنت ضحيه مؤامره ..بين رجاء واخوهه ياسر
رنا بقت ساكته والدموع بعيونها
حمزه اتقرب منها اكثر واستنشق عطرهه ..اوووف يارنا كل نفس اخذته قبلج مااحسبه نفس ..كل عطر شميته قبلج مااحسبه عطر.. رنا سامحيني..
رنا اسامحك ع شنوو حمزه ذكرني هن اهواي.. اتهمتني بالخيانه كسرتني وكسرت فرحتي طردتني من بيتك
ماكلت ولا سالت ..هاي اشلون راح اتعيش ويجوز احد يقشمرهه وتروح الغير طريق..
طلعت من بيتك طفله تايهه.. وحامل ماتعرف وين اتروح وين تجي
حمزه رنا انسي كولشي وخلينه نرجع.. انتي بعدج زوجتي..
رنا ..اني مو زوجتك ومستحيل انسى.. الجرح اللي زرعته بداخلي ماجاي يلتأم ..
حمزه رنا جاي احجي وياج باسلوب وبعقل وياريت اتسمعين اللي راح احجيه
اني اكدر اسحب منج ابني مثل الشعره من العجين تقرير زغير للمديريه وشاهدين ..تروحين وره الشمس
وابني يرجعلي.. وخاف ابالج اتشردين يابه لو ترحين للصين الكفج الكفج..
رنا جاي تبتزني بنفوذك
حمزه اجيتج من الباب وكتلج رجعي وياي معززه مكرمه وانتي الرافضه ..
رنا انطيني مهله الباجر..
حمزه بدون مهله باجر بالليل اجي عليج الكاج محظره روحج..
رنا من طلع حمزه رحت ع ام سرمد وحجيتلها كولشي
ام سرمد خاله روحي وياه
رنا اشلون
ام سرمد هذا شكله واصل ويسويهه.. روحي وياه وع كولته عيشي معززه مكرمه وهمين ابنج يربي يم ابوه
رنا خاله اخاف كمين ومن نوصل اهناك يقتلنا
ام سرمد هذولي المخابرات لو رادو يقتلون واحد يقتلوه وهو بفراشه عبالج مايكدر لو صعبه عليه..
رنا.. اي هم صحيح خاله
ام سرمد كومي حظري روحج وباجر رجعي الرجلج
رنا حظرت جنطة ملابسنا اني وعلاوي ..اجه حمزه عليه..
رنا شوف حمزه ارجع وياك بس بشرط..
حمزه طلباتج اوامر ..
رنا اني ارجع ام لابني فقط ..ماكو شي بيني وبينك انسي تتقربلي ..اني وياك كمره ورجال انتهينه ..
والشي الثاني اريد ابقي فوك بمكان رجاء
حمزه موافق.. بس خل نرجع للبصره
رنا رجعنا اني وحمزه وعلاوي ..بالقطار البغداد ومن بغداد للبصره.. وصلت للبيت باوعتله نفس المكان اللي دخلت بيه من ست سنوات.. مغبر وهوسه ومابيه ترتيب
دخلت سلمت ع ام حمزه صايره مره كلش جبيره وتعبانه اكثر ..فرحت بعلاوي وظلت تلعب وياه
رنا اترخصت وصعدت الغرفتي فوك نظفت بيتي ورتبته وخليت خانه بالكنتور للملابس علوش والملابسي
دخلت سبحت ..صحت ع علاوي وهمين سبحته وطلعنا من الحمام مشطنا سوه هو متعلم يمشط شعري
يوكف ع الجربايه ويمشطلي شعري.. واني خربانه من الضحك عليه.. وبعدين اخذت ابني الحظني وغفينا من التعب.. حمزه صعدت فوك ودخلت للغرفه لكيت رنا وعلاوي نايمين حاظنه ابنهه وغافين عبالك ملائكه.. احس البيت صارت بيه روح ..احس الروح رجعتلي
بس بعدني مامرتاح.. الاشتياق دمرني اريد اتقربلها ..بس هي صاير راسهه يابس
علي اتعود ع حمزه وظل يصيح عليه بابا
حمزه كل يوم يجيبله لعبه لو دراجه لو سياره لو قطار ويظلون يلعبون سوه..
