هلاو بالبداية احب اكولكم البارت كئيب اللي ميريد ليقرة اني اكتب وابجي وداعت الي راحت
شايفين الانكسار شلون يصير اني اكولكم شايفين من تشلع وردة وتكطعون ورقة ورقة منها
من الورده تحزن لان اتقطعت بس تبقى فرحانه بعطرها
من يجون يدوسوها وعطرها يروح الورده تبقى بدون اي امل وتنكسر وبعد متنذكر
شايفين من تنحرم من كلمة ماما لو بابا من تحس فراغ جبيييير ويجي واحد يملي الفراغ تحس رحمة ربك شكد جبيرة وعوضك عن العذاب الي شفته جانو اصدقاء بمعنى الكلمة من تحجيلهم معناتك يحسون بيك
لدرجة وحده كامت تسميني بنيتي صار عندي شعور كولش حلو من تكولها حسيت نفسي صدوك بتها
كامت تخاف عليه علمتني شغلات جنت جاهلتها مجنت اعرف اهم شي بحياة البنيه وهي علمتني
جانت صبح وضهر وبليل وعصر تحجي وياي واذا مرديت متمل ترجع تراسل وتسأل وتهتم مع العلم ممكن اهتمامها وودائما تواصلها وياي سبب عدها تقصير بعائلتها واطفالها بس مع هذا جانت اليه ام مو صديقة
جانت متسميني الا ابنيتي جنت اموت ع هاي الكلمة
جانت هاي الكلمة وونصائحها وسؤالها وواهتمامها وتعليمها كولهن اليه حافز ووقوة حتى اكمل شي اني بديت بي حتى اكمل حياتي برغم العثرات الي بيها
جانت تختفي وترجع علمودي برغم مشاكلها جانت قريبة عليه حيل عمري ما سمعت لمشاكلها لان تكولي انتي مناقصة جنت بس اني الي احجي وهي تحشش وتضحك حتى تحسسني بمشاكلي شكد تافهة
وبيوم كالتلي هي مريضة بالسرطان اول مرة اتمنة مرض بيه ولا بيها
اول مرة احس بشي يتكطع بية جنت اكابر واكول جذب ميصير بيها شي
وفجأةة اسمع خبر وفاتها جنت محتاجتها جنت محتاجه كلمة بنيتي افتقدت هاي الكلمة حيل جنت محتاجه تصبيرها اليه من اكوللها ع اطفالي الي وكعو مثل كول مرة وتكولي اخذ بنتج لابني ونضحك
افتقدت كلامها ووضحكها ووتحشيشها
حسيت هاي المرة هم تيتمت ووراح الي جان قريب عليه
عندي صديقات بلسم بس هي غير هي حتى من تبتعد من ترجع ترجع نفس ما هي ما متغيرة عليه نفس كلمة بنيتي والحنيه الي بيها
كولشي يذكرني بيها
مااحب اسمع اي شي بخصوص الامومة او مشاعرها لان افتقدتها مرتين
كمت اكره نفسي لان كول ماااتقرب لواحد لو يعلقني بي فترة ويروح ويخليني اموت الف موتة من اشوف اصدقائي باردين وياي ومجاملين ورسميين ووي غيري عبالك عشرة عمر واني ناسين صداقتي ويموت جزء بيه
لو اتعلق بشخص والقدر يبعدني عنه وهم يموت جزء بيه
لو اتلعق وياخذهم الموت وهم يموت جزء بيه
احس نفسي صرت شبه او بقايا انسان
صرت مااحس ع كد الصدمات صار برووود كرهت نفسي حيل اتمنيت اني الي بمكانها اني الي اموت مو هي
اتمنيت احس بوجعها
ليش راحت هم تشتاقلي لو لا
الانكسار انواع وانكسار الفراك يكتل
الانكسار انواع وانكسار الموت كافر
