" ألـــــهـــاربـة "
للكاتب✍ منتظر الطائي
insta mntzer_97. ـ (فـي أحـدى البـيـوت الفـقيـرة بالـعـاصمــة بـغــداد)
رقـيـة : أگلج يمة تعالي أخبزي بمكاني عندي أمتحان أقتصاد بعد شكم يوم اذا أرسب معناها اعيد السادس كله
ام رقية : والله لوما مفاصل رجلية تعبن ما أخليج تخبزين يابنتي بس شنسوي رزقنا هذا
رقية : ميخالف يمة ،تعاي أخبزي بس هذني 24 شنگـة 14 گرصة لأسواق أبو علي ،و10 گرصات لبيت أم عمر
* اندگت الباب وفاتت جيرانة أم عمر « چنة نخبز بالطرمة .
ام عمر : ها أم رقية الله يساعدج خلصتي خبزاتي رايدة 10 گلت لـ رقية عليهن.
رقية : اي خالة اگعدي هسة 5 دقايق ويصيرن اني رايحة أقرة أمتحاني وأمي راح تخبزهن ألچ ،
أم عمر : روحي اقري خالة وشدي حيلچ ترة هذا دور ثالث بعد اذا وگعتي ترسبين السنة كلها حرامات، الحمدلله أبني عمر« نجح من الدور الأول وهسه بدة يداوم بالجامعة وأنتي بعدچ ! شدي حيلج حته تداومون سوة
رقية : لا هالمرة بلكي الله أنجح وارتاح ادعيلي خالة
ام عمر : الله يوفقچ يا بنتي ويحقق أمرادج
* رحت اقرة وسمعت امي وأم عمر يسولفن عليه
فـ بقيت واگفة واصنط عليهن«
أم رقية : والله يا ام عمر تعبت وما اعرف شسوي وية ولد عم رقية يومية واحد جايني يريد يخطبها واطرده واكثر واحد ضوجني بيهم ابن عمها الچبير سليم »
ام عمر : وهذا سليم مو متزوج وعندة طفل شكو حاط عينة على رقية !
ام رقية : يگول احبها واحب عيونها الزرگ وما تروح لغيري لو تنگلب الدنيا
أم عمر : وهية على منو طالعه عيونها زرگ على ابوها!
ام رقية : لا ابو رقية الله يرحمة عيونة سود بس أمي (جدة رقية) عيونها زرگ انوب جايبتلها العين والحسد
ام عمر : ها عبالي وراثه من عمامهة
ام رقية : لا "بيت رضوان" كلهم عيونهم سود .
* رقية : چنت أسمع أمي تسولف ويه أم عمر بالطرمة واني بالمطبخ أباوعلهم من الشباك جنت اشوفهم بس همه مايشوفني لان الجام مظلل مال شباكنة «
"رضوان" جدنا السادس وكلنه نرجع الة احنة وبيت عمامي واولاد عم بابا الله يرحمه ، وچنة معروفين بيت رضوان بالمنطقة وبيوتنا كلها قريبة واحد بصف الثاني وقليلة البيوت الغريبة يمنا مثل بيت جارتنة ام عمر.
موضوع سليم ادري بي بس اسوي روحي ما ادري امي چانت تطردهم ومتخلي واحد يتعدة حدة علينا،
مات ابويه قبل سنتين بتفجير انتحاري بسوق داخل بغداد ، ومن ذاك اليوم اني وامي اعتمدنا على روحنا وگمنة نخبز ونبيع حته نعيش .
تمنيت عندي اخو يساعدنة بس مصار عند ابويه وامي بس اني ، وامي وحيدة ماعدها احد ،
عفت كلشي ورحت نزعت ثوبي الاسود القديم المتروس عجين يابس وطحين(چنت ألبسة من أخبز ) وبدلت وفتحت كتااب الأقتصاد وگمت أقرة ،
بـعـد مرور كم يوم رحت أمتحنت ، وبعد اسبوع وزعو نتائج الدور الثالث ام عمر اجتي وكالتلي ناجحه ابنها عمر مطلعها من الانترنيت ، فرحتي بذاك اليوم متنوصف اول فرحه بحياتي جانت بعد فرحه نجاحي من الثالث متوسط ورحت رأسا شبگت امي.
طش خبر نجاحي عد بيت رضوان ( گرايبنا ) لان جنت اول بنية عدهم توصل بالدراسة وتنجح من السادس وتريد تروح كليه ،كل البنات البعمري چانن يرسبن بالمتوسطة وأهلهن يزوجوهن،
أجني نسوان عمامي ونسوان ولد عمي وزوجة ابن عمي سليم الرايدني چان أسمها "زمن" دخلن لبيتنا على أساس يباركلي
طبعا جيرانه ام عمر جانت يمنة وفرحانة اكثر منهن«
ام عمر : أگلج ام رقية شبيهن ذني عبالك جايات لفاتحة لا ضحكة ولا سالفة
ام رقية : ضايجات لأن بنتي راح تدخل كلية وبناتهن ما وصلن بالدراسه
*رقية : چنت أصب شربت بالمطبخ اجتي زمن عليه گالت وبعدين وياج انتي ؟
رقية : خير شكو !
زمن : سليم عايفني من وراج ويريد ياخذج علية ولان امج ماتنطيچ يومية يجي سليم سكران الفجر ويصيحلي بأسمج ،كافي عاد والله تعبت
رقية : آني شنو بيدي اصلا مارايدته هوة لازگ بيه
زمن : مو راح ترحين للجامعة شوفيلچ واحد مناك خلي يخطبج وفضينه نريد نخلص
رقية : اي اكتب على گصتي اريد اتزوج وبعدين اني مامفكرة بالزواج هسه وهاي أذا راح يخلوني اداوم بالكلية ننتظر المشكلة الجايتنا من سليم وبقية ولد عمامي. insta : @mntzer_97
* زمن جانت ما تحب زوجها سليم بس باقية وياه لان ساتر عليها وعلمود طفلها ، تدري بي يشرب وتدري بسوالفه تعبانه ، اصلا بأيام الطائفية هواي باگ وهواي سوة شغلات مو زينة بس عايشة وياه غصب ،اني جنت اكرها واموت منة ،ومن افكر اصير زوجته تعلب نفسي واريد أتقيء
أنت تقرأ
الهاربة
Romanceكيف ستنجو رقية بعد ان يتم البحث عليها ومن معها من قبل المجتمع والشرطة ؟ كيف ستتخلص بعد ان حكم عليها بالموت؟ هل سينتصر الحب! ام ستبقى الحقيقة مخفية!
