وليد. جنه واكفين الشله كلها (اني يوسف وسيف ومحمد ونور )نزلن البنات يدورن على ميرنا كالت الموضفه طلبتها ست سهى معصبه رحنه ركض وصلنه للممر وشفناها طلعت تركض من المكتب تبجي ورحت وراها اركض
وليد. شبيج ميرنا
ميرنا.شسوي اهنا انته روح مااريد اشوف احد ماااريد رووووح
وليد. شبيج احجيلي
ميرنا. وليد اريد ابقه وحدي فدوا
وليد. مستحيل اتركج بهيج حاله
ميرنا. وليد لو انته بمكاني واجه عمك الي اسنين مايدري عنك شسوي
وليد. اولا اني حالي غير عن حالج ثنين لازم اله ضروف سمعي شيريد
ميرنا. مسسستحيلل
وليد. خلاص براحتج الي اشوفي اهم شي راحتج بس فكري زين
ميرنا. (اذكرت من جنت عايشه ويه اهلي مر شريط حياتي كدامي بثواني مع انو اني ماعشت وياهم اهوايه
وبجيت خليت ايدي ع وجهي حته ليتنبه وليد وضليت اشهك اختنكت
وليد. ميرنا لتبجين فدوا وحضنتها
ميرنا. تعبت وليد تعبت حيل جانت الذكريات تقهرني بس من اجه عمي زاد قهري غير تفكيري بلمستقبل شلون من بعد ماما سهى وين اروح
وليد. اني مااتركج وعد
ميرنا. هه انته السنه الجايه تروح 😔
وليد. اني وعدتج مااتركج ابد معليج
ميرنا.(ابتسامه خفيفه)الله كريم
وليد. يلا كومي غسلي
ميرنا. كمت غسلت ورحت للغرفه حجيت للبنات كلشي مااكدر اسكت
ماريا. نكلب الدنيا اذا خذاج منه
ميرنا. اكيد مااقبل اروح اسم الله
مرام. يمه الحب يمه لج وليد يحبج
ماريا. (ضربتها بلمخده) مو وكتج
ميرنا. لج مرام اني بيا حال 😾
ميرنا. وره ماخلصنه سوالف نزلنه للعشه وجان موجود عمي عصبت وكمت مااحجي ويه ماما سهى لان سبق وكتلها مااريد اشوفهم اذا اجو لان جانت دكول يتواصلون وياها دائما ع الاتصالات علساس يعتبروني منهم وذابيني هه اجيت وكعدت يم وليد لان اذا اكعد يم البنات اصير قريبه عليها كعدت وماحجيت شي
سهى. ميرنا تردين ماي
ميرنا. (هزيت راسي بمعنه لا)
سهى. ماشربتي كلش جنتي تشربين ع طول الوجبه
ميرنا. جنت هيج هسه اني مو ميرنا التعرفينها ابد (عليت صوتي شوي)
ماريا. شبيج ميرنا
ميرنا. (وكفت ) من اليوم ورايح راح تشوفون غير ميرنا مو نفسها الي تعرفونها واصلا اني بقالي بس سنه واطلع وتنسوني ف ماداعي تحجون علساس تحبوني كلكم جذابين كلكم
حتصرف غير شي وياكم (بصياح عفتهم وصعدت مالي خلك احد)
وليد. استغربت من تصرف ميرنا شفت خاله سهى شلون انقهرت من حجي ميرنا التمينه عليها وهمست للبنات يصعدن الها حته متضل وحدها واحنه يم خاله سهى
ماريا. ميرنا فتحي الباب
مرام. ميرنا حبابه فتحي
ميرنا. ذنبي صرت طيبه لو شنو هسه اني منين اتلكاها من تفكيري ب مستقبلي لو افكر ب عمي الي مدري شذكره بيه ويمكن ياخذني غصب تضغطون عليه فوك طاقتي كاافي كمت اكسر بلغراض وابجي واصرخ والطم من التعب البيه كلها اجت يم الباب واسمع صوت عمي يكول بنيتي صرخت اني ابوي مااات خلاص تعبت ماكو غير حل واحد
وليد. بعد ماهدت خاله سهى سمعنه صوت صريخ صعدنا ونسمع ميرنا تكسر وتصرخ خاله سهى تبجي وترجف خايفه عليها وعمها مقهور
وليد. اهدو حفتح الباب ابتعدو. دفعت الباب لكيت ميرنا واكعه بلكاع والغرفه خراب والدم حوالينها كاطعه شريانها شلتها ورحنه اني وخاله سهى وعمها وبابا سالم ويانه للمستشفى بسرعه
ميرنا. (فتحت عيوني) اني وين
سهى. حبيبتي انتي بلمستشفى
ميرنا. انتي شجابج روحي مااريد اشوفج روحي الله ياخذني واخلص (ضليت اصرخ وابجي) اجت الممرضه ضربتني الممرضه ورحت بعالم ثاني كلش
وليد. جنت احجي ويه الممرضه واسمع اصياح دخلنه والممرضه ضربتها ابره طلعنه بره كالت الممرضه لازم ترتاح باجر طلعوها
سالم. ست سهى اخذي عمها ووليد وروحو اني يمها انتو تعبانين
وليد. بابا سالم فدوه خليني يمكم
سهى. مستحيل اتركها هيج
استاذ سالم. ست سهى اهناك محتاجيج اني ووليد اهنا
ست سهى. كل الي صار غصب عني لانو عمها هددني اذا مايشوفها ينتحر خليته يشوفها غصب وشفت ردت فعلها تكطع كلبي ف من رجعنه من المستشفى رحنه بسيارة عمها علي محتاره شسوي هسه اوف ربي
علي. عبالج نسيت كل هلسنين ماناسيج ومن ماتو اهل ميرنا اني دليتهم ع مكانج لان اكيد امنها عندج لان ام سامر الحقيره ماقبلت اجيبها
سهى. قصة حبنه انتهت خلاص
علي.بس اني مانسيتج صح اطريت ازوج بنت عمي غصب عني بس مانسيتج ابد سهى احنه حبنى جبير
سهى. تتصرف مثل المراهقين سد الموضوع مالي خلك اسمع شي
بلمستشفى 💔
ميرنا. كعدت لكيت عمو سالم او وليد جابولي ماي واكل واخذت دوه وليد سهر طول الليل ويايه حته مانام يسولف وياي ويحاول يضحكني بس اني ساكته مااحجي ابد مالي خلك
الصبح ❤
ميرنا. كعدت الصبح لكيتهم ديتريكون خلولي اكل واخذت دوه راح عمو سالم يوقع ع الخروج من المستشفى طلعنه والطريق كله راسي ع الجامه وابجي وصلت دخلو وليد وعمو سالم سلم اني دخلت سلمو عليه اجه عمي يسلم عليه هوه وماما سهى تركتهم وصعدت لان كلش كرهتهم كلش سبحت ونمت كبل
وليد. ميخالف خاله سهى شوي شوي وتتعود وترجع مثل كبل ان شاء الله
سهى. اوف من الجان السبب (باوعت ع علي وصعدت) دخلت للغرفه ابجي، عمره الحب مايرتاح بيه احد
ميرنا. كعدت ب11ونص نزلت لكيتهم كاعدين يسولفون كلهم تركتهم ورحت للحديقه اشتم هوه اجه ورايه وليد (وليد وكفلي وكفت زلم)
وليد. ميرنا اوكفي لحضه
ميرنا. نعم
وليد. عادي امشي وياج
ميرنا. هههه عادي
وليد. شلون صرتي
ميرنا. الحمدلله ع كل حال
وليد. ميرنا انتي لازم تهدين اعصابج مهما كان الموضوع لازم تسمعيهم
ميرنا. شسمعوهم شيردون يكلولي!
وليد. جوز عمج خوش زلمه اما خاله سهى ف مابيدها شي
ميرنا. تكدر اطلعها اي عذر
وليد. هذا الي لازم تفهمي منها
ميرنا. خلاص غير الموضوع
وليد. فكري بس الله يخليج
ميرنا.الله كريم. شوي واجن البنات علمود الغده رحت للغده كعدت يم وليد اكلت بسرعه وصعدت اخذت دوه طبعا عمي يروح ويرجع الدار الايتام مرت يومين نفس الحاله بس تعلقت ب وليد اكثر
ميرنا. فد يوم العصر جنت كاعده بلحديقه ويه البنات وولد جاي ع اتجاهي
الولد. ممكن اكعد
ميرنا. منو انته
الولد. اني سامر ابن عمج
ميرنا. شسوي اهنا وادفع بي
وليد.جنت كاعد يم اصدقائي ورحنه للحديقه لان نعرف البنات هناك حيكونون وصلت للحديقه وشفناهم يم ولد وشفت ميرنا ادفع بيه رحت اركض كضيته من ياخته وادريد اضربه ولولد لازميني حته لااضربه
ميرنا. وليد تره هذا سامر ابن عمي
وليد. (تركته) شيسوي جاي اهنا
سامر. ابوي كلي اجي اشوفج واتعرف عليج وباجر اجيب اختي
ميرنا.مااريد اشوفك لا انته ولا اختك
سامر. ميرنا تره احنه منحجي ويه احد من اولاد عمامي من زمان خلينه نكون اصدقاء واسندج بلحياة ولتخافين امي مو مثل كبل كبرت وتغيرت كلش وهيه الدزتنه
ميرنا. ماعندي اصدقاء غير الي اهنا روح ياخويه انسه عندك بنت عم
سامر. براحتج خيتي
ميرنا. راح سامر وكعدنه نسولف
أنت تقرأ
يتيمات مراهقات
Adventureثلاث فتيات في دار الايتام عاشو في مغامرات مختلفه عن ارض الواقع اما النهايه كانت صادمه (بللهجه العراقيه) تابعوني انستا 0s__9
