منقووووولة💜💜
لكاتب قيس الفيتوري
متابعه طيبه ❤❤
.
.
عند اسراء وسند
اسراء كانت خاشه للقاعه
وكل خطوه تقدم فيها تحس في روحها
ماشيه للجهنم مش لمسرح ويوم فرحها
مش متخيله ان بعد شوي حيخش
عليها راجل غير حبيبها
حيخش عليها راجل مش قيس حبيبها
بعد شوي حتمشي مع راجل
تكرهه وماطيقش الارض الي يمشي عليها
بعد شوي حتكون فريسه لغريزة شهوة مش اكثر
بعد شوي حتكون ع فراش واحد
مع احقر واوسخ شخص في الكون
كيف بتحمل هذا وكيف بتكمل حياتها مع
الشخص هذا
قعمزت ع المسرح وكل حد يباركلها
وهيا مش فاطنه لشي
جسد بس في القاعه اما العقل والتفكير والقلب
فكانن مع شخص اسمه قيس
شخص بنة احلامها معاه
حلمت ان هاليوم حيكونن معاه
حلمت بطفل منه ويشبهله
حلمت بأن تعيش هيا وياه في حوش واحد
بس جا شخص وحطم احلامها واحلامه
وخش سند للقاعه
والكل يشوفله في نظرة كره وحقد
وبدأ يقرب شوي شوي من اسراء
وهي تشوف فيه يقرب
وكأنه الموت بقرب منها
شعورها متلخبط مابين حقد وكره ونقم
وخوف وقهر وحزن وحسره
وجا سند وقعدت المصوارتيه تصور فيهم
واسراء الدمعه في عيونها
والكل متأثر بيها اقاربها وصاحبتها وهلها
وجيرانها الكل عارفين القصه
الكل عارفين ان مش هذا الي بتحقق معاه
ليلة عمرها
وكملو تصوير وخداها سند طلع هوا وياها
وركبو السياره وعدو
وطلعو وراهم اصحاب سند واعيال خالته
وفرحانين يبيبو
سند....مش كان جيتي بطيب احسن
اسراء....انت لو ماتخافش من البشر خاف من ربي
سند....سند بعد يبي حد يجيبه ولو كان الثمن هو عمره
اسراء...وانت قلتها حيكون الثمن عمرك
سند....هههههه
سند...مش خساره في سماحتك هذي
اسراء.....الي مفكر فيه مش رح يتم
سند....حيتم برضاك او غيره
اسراء.....بعد تقعد راجل حيتم
سند....احترمي نفسك راه نعزقكك من هنا
اسراء...اعزق احسن موتي اشرف من حد نجس كيفك
يلمسني
سند.. قعد يعيط ويصرخ ويعلي في صوته
اسراء...عياطك مايخوفش
سند....انتي كلبه وحنعذبك علي كلامك هذا
اسراء....لو كان الرجوليه بعلو الصوت راهو الكلب ملك الغابه
سند.....تو يبالك تو تشوفي حنخليك اتمني الموت
ووصلو الشقه
خش سند ووراه اسراء
سند كر من علي اسراء الطرحه
هيا فيسع غيري
اسراء....انا قتلك نجوم السماء اقربلك
سند....ضرب اسراء كف
اسراء...اضرب لين تقتلني
وقعد يضرب فيها واسراء مش معدله
اهم شي عندها ماياخدش منها شي بالغصب
لعند دفاتا تعثر وطاح جا راسه ع الكنبه
وانفتح وقعد يصب في دم
واسراء خشت تجري جوه وصكرت علي روحها
وقعمزت وقعدت تبكي
وسند قاعد بره ودمه يصب بنت الحرام انا تسيل مني
دم وربي نكرهك في عيشتك
.
.
عندي أنا
رن التلفون
نضت بحتت القيتا اسراء
مسكت التلفون وقعدت سارح في اسمها ع التلفون
وبعد قريب تنتهي المكالمه فتحت
اسراء....بصوت حزين قيس
انا....نعم
اسراء...مانقدرش مانقدرش مانبيشي انا من بدري نتخايل
فيك انت
انا....ماتزيدهش عليا
اسراء......قيس كون مطمن ان مش حيقربني النذل هذا
انا.....ماهو راجلك توا
اسراء....بس انا مانبيشي وحنردلك وحتاخدني انت
انا....كيف وانتي توا ع اسم غيري
اسراء....مانعرفش كيف بس حتاخدني انت
انا......الي هناك صار توا
اسراء.....قيس انا انحبك انت وبس والله مش متخيله
حد غير يقربني او يلمسني
انا.....هذين قرارات باتك وانا الي درته ومزلت حندير
عشان نبعدك ع اليدين الوسخه هذين
اسراء...انحبببببك ياقيس انخببببك
انا....وانا سكاكين ينغزن في قلبي وانا انموت فيك
وصكرت اسراء
وانا قعدت حايس في مكاني
ونار والعه في صدري
مسكت النقال وبحتت الفيس
القيت اشارات من صديقاتها
ع منشورات مباركه وفرح
قلبت ع الفيس وانا عقلي حايس جوه
ونفكر في حاجات مشعارفهن
شنو هنا اصلا بس نفكر اكيد مارين بيه الشعور هذا
ومر عليا هاليوم من أصعب ايام حياتي
.
.
تاني يوم الصبح نظت
دوشت وصليت وفطرت
ونادتني امي
امي.....قعمز ياقيس نبيك شوي
انا....نعم يا الحنونه
امي....ريت ياقيس نا بنفرح بيك هالبنت اجوزت وعدت في
حالها وحياتك مش حتوقف عليها بنفرح بيك نا
انا.....يا امي ربي يسهلها انا مش موقف عليها
وطلعتها من بالي
امي.....نا نعرفك وانت تكذب
انا.....يا امي عطيني فتره وبعدها حنقولك اخطبيلي
امي.....وعد
انا....وعد وحبيت علي يدها وطلعت
ندمت ع اني كيف نوعد امي هك ولو خطبت كيف حنظلم بنت
ناس معايا وانا مش حنقدر نحبها كيف ياقيس حدير
هك اسراء صح اجوزت بس هيا قاعده في قلبك
اسراء جسدها عن حد اخر بس روحها وقلبها عندي
كيف حنقدر نجيب بنت اخره معايا
وقعد عقلي يخبط تخبيط تي شنو درت انا
باهي مرات نمشي نخطب بنت اخره لا نعرفها ولا تعرفني
وتطلع حبيبة حد اخر لا ليش هك ليييش
ووصلت للمحل وانا عقلي موجوج
ومش فاهم شي
محمود....كنك شن فيك
انا.....حايس
محمود....شن في فهمني
انا....بعد نفهم روحي نفهمك
محمود...اا
انا....ادوي كنك
محمود....بجو هك في موضوع بندويه لك
انا....ادوي
محمود....من الدغري نبي انابسك وشوف الحوش
وشاور بيش نجيب هلي
انا....وكنك تقول فيها متخزرط
محمود....لا جو تمام
انا.......خلي الحاجه ترن ع امي
محمود....تمام
.
.
.
عند علي وعبد الهادي
علي ....الي تبيه صار يا الهادي
الهادي....يصير وغصبا عن الكل
علي......يا الهادي انا نحترم فيك لانك خوي الكبير
وضحكت عليا وخديت مني حوشي
وانا مادويتش لانك خوي ولد امي وبوي
وزوجت بنتي لولدك غصبا عنها
والي تبي يجيك
بس لعند هنا بس هذي حاجه ولدك مفروض مايدويهش
ولعند هالكلام مانقدرش نتحملك
الهادي....والزيزه الي لها شهرين وبنتك ماتبش تخلي راجلها
يقربها شن نفهموها ياعلي
علي.....الكلام هذا كبير اكبر مني ومنك يا الهادي
وانت هك انت وولدك طقيتو في شرفي
وعلي هالكلام ماينسكتش
الهادي....تهدد فيا
علي.....كيف ماتبي تفهمها افهمها
وعلي الصوت وقعدو يتعاركو بالدوه هك
وصوتهم عالي
وفجأه يخش سامي
سامي أكبر واحد في أعيال علي من المرأه الاولي
وكانت مسافر ومسيبهم له كم سنه
وهوا كان يقرا بره في حقوق
علي....سامي
سامي....اضبط باته وقعد يحب عليه
وبعدها سلم علي عمه الهادي
وقعمز
شويا والهادي صبا عده
لان مايحبش سامي وسامي هو الي كان
ديما يصبي في وجه عمه
ومايتحشمش منه
وكان يقول الحق لو علي قطع رقبته
.
.
عند الهادي
العيل هذا كيف روح توا وعليش جا
مش كان مسيب بوه وكنت متريح منه ومن وجيجه
توا هو روح بيخرب علي الي درته
العيل رغم هداوته الا ان هوا يقتل عادي
توا قعدت في خطر يا الهادي
قعدت في خطر
الي درته مع علي حياخده مني سامي كله
وسامي حيشكل خطر علي سند
ولو تكاثفو هو والعيل قيس حيديرو فيا
كوارث لازم العيل هذا يموت لازم
.
.
.
وقعمز سامي مع باته شوي
بس علي محكاله شي ع قصص الهادي معاه
خش جوه وقعد يضبط في مراة باته الي هيا مربيته
واخته ويسأل ع اسراء
سامي....وين اسراء
ايمان...اا
سامي...ادوي وين اسراء
ايمان....اجوزت
سامي...كيف ومن وامتا
ايمان...من شهرين اجوزت
سامي..ومن اجوزت
ايمان....سند ولد عمي
سامي ....سند ومالقيتو كان سند تزوزها له
ايمان....راي عمي وباتي كان عليها هيا راهو مغصوبه
سامي.....وكيف انا مانعلمش
ايمان.....عشان.....#يتبع
.
.
#نورة
