منقووووولة
لكاتب #قيس_الفيتوري
متابعه طيبه ❤❤
سامي.....ما ازوجتش
انا....لا
سامي....ليش
انا....شي
سامي....لان الي تبيها اجوزت صح
انا....من قالها
سامي....عارف اسراء شن تقعدلي
انا....شنو
سامي.....اسراء تقعد اختي
انا.....انت جاي تجري بيا ولا دازك حد
سامي طلع بطاقته
ووراه ليا وكان فعلا نفس اسم اسراء
سامي.....تأكدت
انا .....تأكدت بس انت ليش جاي وتحكيلي
عليها مدام اجوزت وقاعده مع راجلها
سامي......لان من حقك انت الي تاخدها
انا.....تحكي من جدك
سامي....جد الجد
انا.....بس انت غريب
سامي.....ليش
انا....مشعارف
سامي.....اسمعني ياقيس انا عرفت القصه كلها
وعارف ان عمي راجل مش تمام وعنده شريكه اسمه ناصر
وعندي كل اثبتات الي نقدر نودر بيهن الهادي وناصر وسند
انا......ممكن نسألك انت كيف مصبي معايا هك وانت ماتعرفنش
وكيف مصبي ضد عمك وباتك
سامي....لان عارف ياقيس ان عمي وولده راجل مش كويس
وباتي مابش يعطيك اسراء لان الهادي مهدده وواخد منه الحوش وهدده ان يلزه منه اذا ماعطش اسراء لسند
انا.....غريب راسي داخ انا
سامي......حتي لو ماصدقتش كلامي توا عادي براحتك
بس بعد كم يوم حتصدقه وتقول ياريتني
صبيت مع سامي
انا......لا مصدقك انا بس مستغرب والله
.
.
.
عند سند
اتصل بفرج
سند .....وين يافرج
فرج....كنك شنو في
سند.....تعالي توا في الشاليه
فرج....تم تم قريب منك
ووصل فرج لسند
سند.....فرج نبي منك خدمه
فرج....شنو
سند....نبيك تقتل العيل الي اسمه ساميى
فرج....شنو
سند...تقتل سامي
فرج......امت تحسابه لعبه ولا شنو تي قتل هذا ماهيش
بنت جيبها كسد عليها واطلقها
سند......زي مادرت هذين تقتل ماهو هذا حرام وهذا حرام
فرج....لا مانقدرش
سند.....ماتقدرش كيف انا شاريك بفلوسي ياكلب يعني
الي نقوله لك ديريه انا نئمر وانت تنفذ
فرج......سند لم روحك
سند.....نسيت كيف لميتك من الشارع بعد ماكنت حتي لبسه
ماعندكش نسيت كيف خليتك من شاب محد محترمه ومقدره
لي شاب يهابو فيه كلهم
فرج........انت صح عطيتني فلوس بس مسختني مانفظتنش
وندمت ع اني عرفتك وجيت معاك
سند.....انت واحد كلب وناكر جميل
فرج.....مافي كلب ونذل غيرك انت
سند......عندك حاجه من الاثنين ياتقتل سامي ياما حنودرك
وتخش للحبس معش تطلع
فرج.....نهههههه يعني لو بتبص عليا حتودر روحك معايا
سند....انت عارفني ولد من وكيف نقدر نطلع منها وكيف ماشريتك انت بفلوس نشري الي اكبر منك
فرج......انت راجل امش بلغ فيا
سند...متأكد
فرج......متأكد انا ماضريت حد وكل جرايمي هيا حشيش ومخذرات وسكير يعني نضر في روحي مانضر في حد معاي
سند....هههههه ونسيت البنات
فرج......مالمستش ولا بنت
سند......ساهله نقدر نفبرلك اي تهمه
فرج....عدي ديرها
سند.....ونجيب كم بنت نخليهن يشهدن عليك بالباطل
وحتقعد في حبس وفي فضيحه
فرج حط يده في جيبه وطلع تلفونه قعد يفتح فيه
وحط التلفون ع مقطع
فرج.....حنوريك فيديو بس اصحك انك اتوتر ولا ادير اي فوضه
لان الي بديره مش في صالحك ماااشي ياحلو
سند.....مسك التلفون وقعدت يبحت مصدوم
وعزق التلفون ياولد ال .... وبدا بيضرب فرج
فرج مسكه قتله ماتوترتش
سند طلع مسدس
فرج.....تؤ تؤ تؤ قتلك ماتوترتش ودس المسدس
لانك لو خدشتني ختش واحد
حتلقي الفيديو هذا ع الفيس و اليوتيوب
سند......نذل كلب كلب
فرج.....كما تدين تدان ياسند كنت نقولك فيها
فوت بنات الناس شوف في من جاتك في اختك
سند......انت غدرتني درتك صاحب وخنتني
فرج....ماخنتكش الا بعد جيت بتخوني
نعطيك معلومه عليا
جربت جميع انواع الحرام كل شي يخطر في بالك
جربته بس الا اني نخون هذا مش من اطباع
الرجال وحتي بعد جاني قيس ومحمود
مابيتش نعطي فيك ورغم ان قيس ومحمود شباب
يوزنو بذهب وطلع فرج وسيب سند
يخبط في مكانه ومش عارف شن يدير
.
.
.
عند أسراء واختها
اسراء......عارفه وكأني كنت في قبر مع سند
وكأن كانن جبال فوق صدري
ايمان......معقوله لهدرجه
اسراء......سند هذا كل مابيقرب مني نحس فيه وحش
يفترس ذيب مانشوفش الا هك
ايمان......حتفتكي منه وترتاحي
اسراء....قولتك معش حنردله
ايمان.....لا قصتك حتنحل ع يد سامي
اسراء.....كيف
ايمان.....مشعارفه بس سامي الي حيفكك منه
اسراء.....ان شاءالله
ايمان.....معش شفتي ولا حكيتي مع قيس
اسراء......لا
ايمان....غريبه
اسراء....مهما كنت نحبه بس انا نعتبر ع عصمة راجل اخر
يعني نقدرش نحكي معاه بس
ايمان....بس شنو
اسراء.....بس نعاود نقرأ في محادثات ونحط ع صوره نشوف فيهن
ايمان....صار شي بينك وبين سند
اسراء....لالا زواجنا ع ورقه بس
ايمان......ربي يفكك منه ويعوضك
اسراء....بمن
ايمان....بقيس
اسراء...بعد شنو بعد نقعد مطلقه
ايمان.....مهما كان احساسي انكم حتردو لبعضكم
وحتي لو مطلقه وحتي لو عدت فتره ع فراقكم
يمكن ربي يختبر في صبركم
اسراء.....ان شاءالله
.
.
.
مقعمز انا ومحمود ع البحر
انا....ليش اغلب الي يحبو بعضهم بنيه صافيه
مايجمعش فيهم النصيب
او يمكن مش النصيب
يمكن تفكير او عقلانية حد منهم او من هلهم
تعرف نحس في كلمة نصيب هذي
ماتنطبقش ع الحب
هو في شي اسمه نصيب بس مش في الحب
نحس في ان القراق بين الاثنين الي
يحبو بعضهم ديما يكون شخص
محمود....كيف يعني
انا....يعني الفراق بين اثنين ديما يكون سببه شخص
يعني ياما يخش طرف ثالث في العلاقه
ويخرب بينهم ياما يجي الرفض من بات البنت
او حتي من بات الشاب بسبب مشكله
قديمه بينهم في القبيله
في الحاله هذي شنو قعد سبب الفراق
نصيب ولا شخص
محمود...شخص
انا.....بس ديما نحنا نقولو نصيب عشان نصكرو ع الموضوع
يعني نعالجو في خطا بخطأ اخر
محمود.....عارف احساسي ان نهاية القصه هذي
انا....شنو نهايتها موتي اكيد
محمود....تي خليني نكمل نهايتها تلبس طرحة عريس
واسراء تلبس الابيض وتنزفو مع بعضكم
انا.... هههههه خيالك واسع
محمود.....لالالا ربي يعطيني عمر لعند اليوم هذا وحتقول
حوده قال
انا.....تمام بعد عمر طويل
.
.
.
عند سامي
يكلم في التلفون
سامي.....نهايتك حتكون ع يدي
ناصر.....انت مش تقدر توصلي
سامي.....هههه انا لو تبيني توا حتلقاني في نص
حوشك
ناصر......انت وامثالك صعب توصلني
سامي.....ههههه انت توا حتلقاني قدام حوشك
ناصر......حنشوفو
سامي .....تلقاني نرجا فيك
ناصر....تمام
ومشا سامي للحوش ناصر
واما ناصر فكان مش متوقع ان سامي حيديرها
بس سامي فعلا مشا وقعد يستنا
فيه قدام حوشه لعند جا ناصر
وهو بيفتح باب حوشه.......#يتبع
❤❤❤
.
.
.
.
.
#نورة
