#حبيبتي_تخفي_الكثير#البارت الخامس والعشرون
غدير وسام **
هيام سمعته كال هيج كلبي نعصر
هيام شبيك .
احمد ها لا بس ابوج متخربط امشي
هيام ..احمد بابا بي شي
احمد ..مو كتلج متخربط .
اخذني ابجي .الطريق كله وادعي الله لايمتحني بابويه اله بابا ماتحمل
لكيت امي وميس .كاعدات احمد سلم ولحك ازاد للمستشفى .. واحنه ظلينه امي تبجي وتنوح .
وتنذر . طلع الصبح علينه و خواتي اجو والكرايب والجوارين بدت تسمع تجي تواسي اني كلساع اتصل باحمد ..كال ضغطه . وسكره مينخفضن
جابولي ملابسه من المستشفى متقيأ عليهن . وغسلتهن وخليتله غيارات داخليه وملابس ثانيه ابن عمي اخذهن اله .
. هو من بعد موت فضه انتكس كلش اكثر واحد تاذه بينه . .ولان جبير ماتحمل الصدمه جبيره عليه ..
جنت . ابدل لحمودي وسمعت عيطت امي ..هنا عرفت ركن بينته انهد . عرفت اني خلص فقدت السند والاب والصديق ابد مجان يعاملنه بقسوة ولاخشن خاطرنه بكلمه
عيطت . وبجيت بس غصت ابويه تختلف عمرها مطلعت ولاراح تطلع من صدري توفى ويا اذان الضهر وجان يوم جمعه . الكل ترحمتله . لان جان انسان مسالم ..
ابويه.
غدير وسام ****
💐🌸🌸💮💮🏵🌹🌹🥀
بجت عيني عليك بدم الدموع
خسرتك اه ياكبر الخساره
بعدك لاتصدك تحلى دنياي
اظل عايش ياعمري ابمراره
اكابر كوه لكن بعد شيفيد
الخفت منه حصل حركتني ناره
اجه يركض ركض متعني الفراك
خذاك مني وتركني بنص دماره
بعدك لااهل لا صحبه لا ناس
جنت كلهن الي و شوف الخساره
💐🌸💮🏵🌹🌹🥀🥀🥀
خسرنا بفتره اعز اثنين وخسارتهم جانت متتعوض
راح ازاد .. وامي دفنو . الي جان ميغمض اذا ميسمع صوتنه ويطمن علينه . صار جوه تراب وبمكان بعيد .
كلبي .طول الفتره ذيج جان مقبوض جني جنت حاسه راح اخسره . . وفعلا . راح و استعجل حيل على الفراك .
.
.💐🌸💮🏵🏵🌹🌹
ياهو كلالك ترد وتشوفني
ومنهو دلاك بطريق المگبرة
وليش من نكول اسمك نختنك
بعبرة فراكك ونارك موجرة
ماكتبت بقلم بدموعي اجيت
ارد اسالك ولجوابك ناطرة
ليش رحت توسدت ذاك التراب
وليش من نحسب سنينك مانكمل
نوكف بذيج السنه ونرجع ورة
ليش وكفت ذكرياتك
ياضحكتك
انته موميت تره
انته عايش جوة روحي
وعندك بگلبي حديقه مخضرة
💐🌸💮💮🏵🏵🌹🌹🌹
رحت لملابسه الي غسلتهم وتندمت لان محيت اخر انفاس جانت اله بيهم ..لو ادري بيك تموت ماغسلهن يابه بس عبالي ترجع وتلبسهن نظيفات ..
ايام عزا . جانت .عباره عن سواد بكلشي احمد بقه سد مكان ازاد هو وزوج اختي الجبيره .. كلساع يجي يسئل خاله عليه ..
اجتي . خاله ورادت تاخذني ارتاح بغرفتي من البجي . ويا الكرايب والجيران وبدون اكل حتى المي كطعته .. احو يوكفوني هي وميس وكعت باب غرفتي بعد محسيت بس احس ايد احمد يضرب بخدي . انوب شالني للمستشفى بقيت هناك لحد ماصحيت و
احمد ..شلون صرتي
أنت تقرأ
حبيبتي تخفي الكثير
Roman d'amourاخفيت عنك ..هويتي ليس لاني لااثق بك . بل لاني اخاف خسارتك . فكانت . خسارتي محتمه . القسمه والنصيب تتجلى لنا خلال اسطر هذه القصه بشكل غريب . حين يقسم لك الله شيء فلايستطيع احد .ابعاده عنك . وان لم يكن من نصيبك .. فهو . لن يكون لك...
