حكاية هبااااااااااال _________❤❤❤
كرونيك تهبل روووووعة 😍😍😍❤ #ياسمين_اريس #منقولة
الحلقة الاولى...............................................................
ياسمين طفلة في عمرها 18سنة من نهار لي زادت فيه والدنيا ضالمتها كي كانت امها حامل بيها في الشهر السابع باباها دار اكسيدون ومات و امها كي سمعت الخبر انهارت و ولدت قبل الوقت والطبيب مقدرش ينقضها سمات بنتها ياسمين و ماتت بلا متشوفها و تشم ريحتها و هكذا ...خلاوها والديها وحدها في هاذي الدنيا و ياسمين نحرمت حنان الاب والام في يوم ميلادها رباها عمها ومرت عمها.. عمها يازيد ..اقل ما يقال عليه طرطور و بهلول وبوهالي كل هاذي الصفات قلال عليه و مرتو سليمة السم القاتل تقولو موت يموت ميرجعش النفس قدامها و عندهم زوج بنات توام امال و نوال اكبر من ياسمين بعامين عاشت معاهم رغم انهم يكرهوها ويغيرو منها نهار كامل و هي تخدم في شغل الدار و تقرا و تعاون امال و نوال في قرايتهم و الدلال و الفشوش كلو ليهم و الذل كلو ليها لكن هي كانت راضيا بحكم الله تعالى لكن كانت ديما تحس الي هي ناقصة .........ياسمين عندها زين رباني عكس امال ونوال لي نهار كامل و هوما بليماسك و وجهم تقول عليه طابلو تع بيكاسو يزيدو شوي و يولو يرقدو بالمكياج و يضلو عند الحفافة (الحجامة) هذا كيراتين وهذا ديفريساج وهذا مناكير واللبسة لا هدرة عليها يعني بالمختصر قريب ميلبسوش و القرايا يجيب ربي اما ياسمين عينيها كبار ولونهم نوازات في ضو الشمس يولو عالم وحداخرا و مكحلين خلق ربي عينيها برك يسواو مرا و شعرها شتان فونسي (قريب اسود)و طويل كي تقعد يقعد معاها بشرتها برونز وصافية كيما لبيبي ومشاء الله ناجحة في قرايتها ولات تقرى مع امال ونوال في سنة وحدة برك هي علمية وهما ادبيين مسكينة عامها تع الباك تقرى قرايتها و تزيد قرايتهم باش ترضى عليها مرت عمها و عمها مايدافع عليها ماياذيها و جودو مثل عدمو .. في دار عمها كل واحد عندو بيتو الا هي كان عندهم وحد البالكون ضيق رجعوهولها بيت . وهي تشوف فيه قصر ..........
يااااااسمين ياااااااسمين يا وجه الهم يا وجه النحس نوضي راهي السبعة و منضتيش والله ومتنوضيش تخلصيها غالية ....نوضي كملي شغلك و روحي تفوتي الامتحنات ولا راكي حابة الناس يقولو مرت عمها ضلمتها و حرمتها من قرايتها نوضي.....ناضت تجري سامحيني طاطا والله مقصدي بصح مقدرتش نوض البارح مرقدتش كرشي توجع ..........بففففف انت كل شهر تعاوديلي هذا الفيلم حفظتو روحي للفريجيدار اشربي الدوا و كملي شغلك انا نروح نوض امال ونوال مساكن يشربو قهوتهم و كاش ماياكلو .. راهم تعبانين وقتاش يفوتو هاذ الامتحنات تع الباك ويرتاحو
**** ******************
فوت & كومونت بليز
