ايه ماما دوك تجي و جيبلي معاها بيبرون و سوسات ...............لالا يا بنتي كي شفتك صغيرة قلت بلاك مجيتيش و حدك و وحدة صغيرة في عمرك واش رح تشري عند محل يبيع غير حوايج نساء..............وحدة في عمري عنها 19سنة و جات تشري كيما كامل الناس ..............ااااه انت 19 سامحيني ماتبانيش ................اي المرة الجاية نعلق ورقة فوق راسي و نتب فيها عمري باش ميزيدوش يغلطو فيا ...................سامحيني و قوليلي واش راكي حابة تشري ..............بدات تشوف و تخير و على الغش لي كان فيها خيرت صباط عالي رجعها بوطو و راحت لدار ................ماما راكي هنا ...................ايه راني في الصالون ارواحي ...................شريت صباط شباب ..............جاوبتها فلة و هي تشرب في تايايه روحي قيسيه مع الكراكو و ارواحي .............اوكي ماما و قولي لطاطا صليحة طيبلي تاي _____ وبلا سكر متنسايش ......................ايه عمبالي غير في هاذي عكس زهوة كانت تحب تاي حلو..................خرجت ليك في هادي فيفي ...................لبست الكراكو و راحت لفلة تشوفها .........فلة غير شافتها عينيها دمعو وقاتلها ياعمري على بنتي كبرت و ولات عروسة بصح مزالت حاجة ناقصة ..............راحت لبيتها جبدت باطة قديمة و رجعت لياسمين جبدت خيط الروح(زينة تتحط على الراس مع الكراكو) هذا الشي لوحيد لي ديتو من عند امي الله يرحمها و مكانش لي تستاهلو اكتر منك ...........كان رح يتحول الجو لدرامة فلة بدلت الكلام......................اما كاين حاجة غريبة راني نشوف فيها كيفاش الفيوزة الصغيرة ولات بوطو ههههههههه..................ماما حتى انت مكفانيش كازانوفا.............شكون هاذا كزنوفا تان ...............والله ما نعرفو تلقيت بيه اليوم مع امال و سماني المراهقة الطايشة .................ياخي امال مادارتلك والو ...........لا ماكانتش سامعة بيا مسكينة لاسقة غير في كازانوفا بلاك هذاك هو لي وعدت امها باش تصيدو كيما دارت ختها ................ايه ممكن يكون هو يديرو واش يحبو المهم يبقاو بعاد علينا ...............لحق نهار الحفلة ياسمين لبست ولات عروسة اما محبتش تغمق الماكياج دارت حاجة خفيفة و طلعت شعرها و دارت خيط الروح وراحت غير لحقت كامل يشوفو غيها اول مرة يبان عمرها تع الصح و مع الباس التقليدي زادت جلبت النضر حتى الاساتذة تعها فوتت الحفلة و كرموها مع الطلاب المتفوقين و دات الجائزة و النضار.
********************
فوت & كومونت بليز
