هاي السالفة صارت من كان عمري ١٠ سنين يعني كنت بالرابع ابتدائي اذكر توفت زوجة خالي طبعاً انة اخاف من المقبرة بذلك الوكت كنت اظن حفر مامدفونة ف انة الطريق كلة خايفة من المقبرة
وصلنة للمقبرة الظهر طبعاً ف كالو الي يخاف لا ينزل وهم اخاف اظل وحدي 🤨 المهم نزلت وية النازلين وامشي وانة خايفة لين شفت القبور 🤣 شكلها عادي ماتخوف ف رحنة لقبرها وكعدنة يمة شوي طبعا بدينة نسوي ظوظاء شحتونة كلونة روحو لعبو طبعاً انة ظليت يمهم مارحت وية الجهال شوي وطشو الكل راح يم كبورهم طبعاً جانت عمة ابوي ويانة ف هي كاعدة يم قبر بتها وتصرخ وتنوح وكومي كعدي الله يخليج ليش خليتيني ورحتي كومي يمة خلي انام مكانج انة بهذا الوكت عبالي اكو باب يطلعون منة جاي ادور بالكبر اجة خالي يمها كلها يلا حظري روحج عمة نطلعها ونحطج مكانها 🤣 طفرت من مكانها وكالت لا يمة جاي اشاقة وياها👣 انة مشيت صاحولي الجهال نلعب حلية كعيدة هههه هنا بدينة نركض ونطفر ع الكبور طبعاً يصيحون علينة ولكم مايصير ذول اوادم حرام تطفرون عليهم بس احنة وين نلعب ومانسمعهم ف وصل دور ابن خالي انة كلش بطيئة بالركض الكل يركض وراي ف اجة يركض بسرعة وانة اجيت وكعدت وبعدها اختفيت
طبعاً انة طب طبيت بكبر مفتوح 😱🤣🤣 وظليت مكاني خاف اصيح ويكضوني ويصير براسي ههههههه هناك وصاحو غيرنة حلية لبيدة طبعاً الي مانلكا جائزتة يكعد يم خالي والسايق طبعاً مو لا الله علمود انو يم السايق حب وحلويات واكل كلشي وكلاشي يجي للسايق والي يمة اول شي قبل لا يروح لباقي السارة طبعاً ظليت لاذان المغرب كاعدة بالكبر الصراحة عجبني 🤣 اجة وكت الروحة للسيارة انة ماموجودة كام الدوار يدور هنا وابن خالي تذكر شفتها فلان مكان وخذاهم يم المكان ظلو يصيحون ويصيحون وانة ماخذتلي قيلولة 😴🤣 هناك وسمعت الصوت يعني انتهت اللعبة وانة الفايزة 🤣🤣🤣🤣 صحتلهم انة هنا كالو وين هنا هنا بالحفرة هاي 🤣🤣🤣🤣 ماشوف الأ خالي يمي بالكبر كلي شسوين هنا حتة ابرء روحي ومحد يكول علمود الجائزة كتلهم هذاك ركض وراي وطحت 🤣🤣🤣ختية انكتل كتلة معدلة😭🥺 انقهرت علية😔 بس الجائزة حلوى وماتتفوت ههههههههه اهم شي انة فديتني كظيت وكت روحة لكربلة ورجعة للبصرة وانة يم خالي ويم الشباك احلى مكان بالسيارة هههههههه ختية البقية ميتين قهر شسوي مو بيدي انة الفايزة هههههههه
