ﺍﻟﺠﺰﺀ ﺍﻟﺨﺎﻣﺲ ﻋﺸﺮ : ﺃﻳﺎ ﻧﺎ ﻗﻠﺘﻠﻬﺎ ﻫﻜﺎﻙ ﻭ ﻫﻲ ﺗﺮﺑﻌﺘﻠﻲ ﻭ ﺑﺪﺍﺕ ﺗﺸﺎﻳﺦ ﻋﻠﻰ ﺍﻟﺜﻮﺭﺓ .. ( ﺭﺑﺤﺖ ﻛﻨﺎ ﻓﺎﻟﺘﺮﻳﻴﺔ ﺍﻻﺳﻼﻣﻴﺔ ﻭﻟﻴﻨﺎ ﻑ ﺍﻟﺘﺎﺭﻳﺦ .. .. ﺍﺭﻭﺍﺣﻮ ﺗﻮﻣﺎ ﺿﺮﻙ ﻭ ﺳﻜﺘﻮﻫﺎ ) .. ﻣﻦ ﺍﻟﺜﻮﺭﺓ ﻓﺎﺗﺖ ﺩﻳﺮﺍﻛﺖ ﻟﻼﺳﺘﻘﻼﻝ ﻭ ﻣﺎ ﺑﻌﺪ ﺍﻻﺳﺘﻘﻼﻝ ﻗﺘﻠﻬﺎ ﺃ ﺧﺎﻟﺘﻲ ﺩﻳﺮﻱ ﺑﻮﺯ ﺗﺮﺍﻩ .. ﻓﺎﺻﻞ ﺻﻐﻴﺮ ﺑﺮﻙ ﺍﺷﺮﺑﻲ ﻗﻬﻮﺓ ﺃﺭﻭﻣﺎ ﻭ ﻻ ﻧﻌﻴﻂ ﻟﻤﺤﻤﺪ ﻳﺠﻴﺒﻠﻴﻚ ﺗﺸﻴﻮﺍﻭﺍ ! ؟ ! ... ﻗﺎﺗﻠﻲ ﻻﻻ ﺍﺑﻨﺘﻲ ﺍﻟﻘﻬﻮﺓ ﻗﺎﻟﻲ ﺍﻟﻄﺒﻴﺐ ﺑﻌﺪﻱ ﻋﻠﻴﻬﺎ ﻭ ﺗﺸﻴﻮﺍﻭﺍ ڨﻬﻤﺖ ﻣﻨﻬﺎ ﻳﻈﻞ ﻳﻮﺻﻞ ﻓﻴﻬﺎ ﺷﻴﺨﻚ ... ﻭ ﺍﻧﻄﻠﻘﺖ ﻛﻤﻠﺖ ﺗﺤﻜﻲ ﺍﻟﻤﻬﻢ ﻭﺍﺵ ﻧﻘﻠﻜﻢ ﺑﻮﺗﻔﻠﻴﻘﺔ ﻭ ﻣﺎﻣﻨﻌﺶ ﻗﺎﺗﻠﻲ ﻭﺍﻟﻠﻪ ﻣﺎﻧﻌﺮﻑ ﻭﻛﺘﺎﻩ ﻳﻮﺩﻉ ﺍﻟﺸﻌﺐ ... ﻗﺘﻠﻬﺎ ﻋﻼﻩ ﻭﻳﻦ ﺭﺍﻧﺎ ﺭﺍﻳﺤﻴﻦ ﺣﺘﻰ ﻳﻮﺩﻋﻨﺎ ﺣﻨﺎ ﺛﺎﻧﻲ ﺭﺍﻧﺎ ﻣﻦ ﺍﻟﺸﻌﺐ ﻣﺎﺍﺗﻨﺴﺎﻳﺶ ( ﻗﻠﺖ ﻻ ﻣﺎﻛﺬﺑﻨﻴﺶ ﺭﺑﻲ ﻋﺠﻮﺯﺗﻲ ﺭﺍﺡ ﺗﺒﻌﺜﻨﺎ ﺷﻬﺮ ﻋﺴﻞ ﺑﺪﻳﺖ ﻧﺘﺨﻴﻞ ﻑ ﺍﻟﺠﺰﺭ ﻭ ﺍﻟﺸﻮﺍﻃﺊ ) .. ﻣﺎﻛﻤﻠﺘﺶ ﻣﺎﻡ ﺑﺎ ﻫﻲ ﻗﻄﻌﺘﻨﻲ ﻗﺎﺗﻠﻲ ﻳﺎﻱ ﻗﺼﺪﻱ ﻭ ﻛﺘﺎﻩ ﻳﻤﻮﺕ ﻭ ﻳﻮﺩﻉ ﺍﻟﺸﻌﺐ ( ﻳﻌﻨﻲ ﻳﺎ ﻋﺠﻮﺯﺗﻲ ﻳﺎ ﺍﻟﺰﻳﻨﺔ ﻏﻴﺮ ﺧﻠﻴﻨﺎ ﻧﺤﻠﻤﻮ ﻳﺎﺧﻲ ﺑﺎﻃﻞ ) ﻗﺘﻠﻬﺎ ﺍ ﺧﺎﻟﺘﻲ ﺍﺳﺘﻐﻔﺮﻱ ﻣﻮﻻﻙ ﺍﻟﻤﻮﺕ ﺏ ﻳﺪ ﺭﺑﻲ ﻣﺎﺩﺭﻳﻨﺎﻫﺎ ﻋﻨﺪﻱ ﻭ ﻻ ﻋﻨﺪﻙ .. ﻭ ﺗﺸﻌﻞ ﻓﻴﺎ ﻗﺎﺗﻠﻲ ﻻﻩ ﻫﺬﺍ ﻧﻲ ﻣﺎﺯﻟﺖ ﻋﻠﻰ ﺩﻳﺪﺍﻧﻲ ﺭﺑﻲ ﻳﻄﻮﻟﻲ ﻑ ﻋﻤﺮﻱ ﻭ ﻧﺮﺑﻲ ﻭﻻﺩ ﻭﻟﻴﺪﺍﺗﻲ .. ﻗﺘﻠﻬﺎ ﺍﺳﻤﺤﻴﻠﻲ ﺍ ﺧﺎﻟﺘﻲ ﻋﻨﺪﻙ ﺣﻖ ﺍﻧﺎ ﺍﻟﻠﻲ ﻛﺒﻴﺮﺓ ﻭ ﻧﻀﻔﺮ ﻑ ﺍﻟﺸﻴﺐ .. ﻭ ﺍﻧﺖ ﻟﻲ ﺻﻐﻴﺮﺓ ﻭ ﻋﻠﻰ ﺩﻳﺪﺍﻧﻚ .. ﻣﺎﺗﻠﻮﻣﻴﻨﺎﺵ ﺑﺮﻙ ﺣﺎﻟﺔ ﺍﻟﻜﺒﺮ ﺍﻟﻠﻪ ﻏﺎﻟﺐ .. ﻣﻦ ﺑﻌﺪ ﻭﻻﺕ ﺭﺍﺣﺔ ﺗﺤﻜﻴﻠﻲ ﻋﻠﻰ ﻧﻬﺎﺭ ﻋﺮﺳﻬﺎ .. ﻗﺎﺗﻠﻲ ﺍﻧﺎ ﻛﻨﺖ ﻗﺎﻓﺰﺓ ﻣﺎﺵ ﻛﻴﻔﻚ ﻭﺍﻟﻠﻪ ﻣﺎﺧﻠﻴﺘﻮ ﻳﻜﺴﺮﻧﻲ ﻟﻴﻠﺔ ﺍﻟﻌﺮﺱ ﺣﺘﻰ ﺍﻟﻠﻴﻠﺔ ﺍﻟﺜﺎﻧﻴﺔ ﺑﺎﻩ ﺳﻬﻞ ﺭﺑﻲ ..... ﻗﺘﻠﻬﺎ ﺃﻭﻭﻭﻭ ﺳﻴﺒﺎڥﻐﻲ .. ﻭﺍﻟﻠﻪ ﻳﺎ ﻋﺠﻮﺯﺗﻲ ﻣﺎﻟڨﺮﻱ ﻣﺎﺗﻘﺮﺑﻴﻠﻲ ﻣﺎ ﻧﻘﺮﺑﻠﻚ ﺑﺼﺢ ﺳﺒﺤﺎﻥ ﺍﻟﻠﻪ ﺧﺮﺟﺖ ﻟﻴﻚ
*******************
فوت & كومونت بليز
