ﻟﺠﺰﺀ ﺍﻟﺘﺎﺳﻊ : ﺃﻳﺎ ﻋﻮﻗﺖ ﺭﻭﺣﻲ ﻭ ﺑﺪﻳﺖ ﻧﻤﺸﻲ .. ﻛﻲ ﻭﺻﻠﺖ ﻟﻠﺒﺎﺏ ﻟﻘﻴﺖ ﻋﺠﻮﺯﺗﻲ ﺗﺘﺴﺘﻨﺎ ﻓﻴﺎ .. ﻣﻊ ﺷﺎﻓﺘﻨﻲ ﻭ ﺗﻄﻠﻘﻠﻚ ﻭﺍﺣﺪ ﺍﻟﺰﻏﺮﻭﺗﺔ ﻣﺎﻓﻴﻬﺎﺵ ﻃﻮﻝ .. ﻗﺘﻠﻬﺎ ﻑ ﻗﻠﺒﻲ ﺍﺻﺒﺮﻱ ﻋﻠﻴﺎ ﺑﺮﻙ ﻳﻔﻮﺗﻮ ﻟﻴﻤﺎﺕ ﻫﺬﻭ ﻣﻠﻴﺢ ﻭ ﻧﺪﻳﺮﻟﻚ ﺳﻄﺎﺝ ﻭ ﺭﺍﺳﻚ ﺗﻮﻟﻲ ﺗﻐﺮﺗﻲ ﻛﻲ ﺍﻟﺤﺮﺍﻳﺮ ... ﺍﻟﻤﻬﻢ ﺩﺧﻠﺖ ﻓﺖ ﻟﻠﺼﺎﻟﻮ ﺍﻧﺎ ﻗﻌﺪﺕ ﺑﺮﻙ ﻭ ﻓﻮﺗﺎﻱ ﺗﺎﻋﻬﻢ ﺩﺍﺭ ﻃﺰﺯﺯﺯﺯ .. ﺑﻦ ﻋﻤﻲ ﺯﻫﺮﻱ ﻑ ﺍﻟﺒﻮﻣﺒﺎﺭﺩﺍﺝ ﺧﻠﻌﻨﻲ ﺣﺘﻰ ﻭﻟﻴﺖ ﻧﻜﻮﻧﻔﻴﺮﻣﻲ ﻣﻊ ﺭﻭﺣﻲ ﻳﺎﺧﻲ ﺳﻴﺮ ﻣﺎﺵ ﺃﻧﺎ ... ﺃﻳﺎ ﻣﺎﻻ ﻗﻌﺪﺕ ﺟﺎﻭ ﺳﻼﻓﺎﺗﻲ ﺯﻭﺝ ﻗﻌﺪﻭ ﻗﺪﺍﻣﻲ ﻭﺍﺵ ﻧﻘﻠﻜﻢ ﺗﺴﻜﺖ ﻭﺣﺪﺓ ﺗﻬﺪﺭ ﺍﻻﺧﺮﻯ ﻓﻢ ﺑﻔﻢ .. ﻗﺮﻳﺐ ﻧﻘﻠﻬﻢ ﻻﺷﻴﻮ ﺷﻮﻱ ﺧﺎﺍﺍﻩ ﺍﺗﻨﻔﺴﻮ ﻻ ﺗﻤﻮﺗﻮ ﺍﻭ ﻗﺎﻟﻚ ﻛﺜﺮﺓ ﺍﻟﻜﻼﻡ ﻣﻀﺮﺓ ﺑﺎﻟﺼﺤﺔ .. ﺻﺒﺮﺕ ﺻﺒﺮﺕ ﻣﻦ ﺑﻌﺪ ﻗﻠﺖ ﻣﺎﻓﻴﻬﺎﺵ ﻻﺯﻡ ﻧﻬﺮﺏ ﺑﺎﺳﻜﻮ ﻭﺫﻧﻴﺎ ﻭﻻﻭ ﻳﺼﻔﺮﻭ ﻭﺍﻟﻠﻪ ﺗﻘﻮﻝ ﺑﻮﻟﻴﺴﻲ ﻣڨﻌﻤﺰ ﺩﺍﺧﻠﻬﻢ ﻭ ﻳﺼﻔﺮ ﺩﻭﻥ ﺍﻧﻘﻄﺎﻉ .. .... ﺃﻳﺎ ﻧﻀﺖ ﻗﻠﺘﻬﻢ ﻧﺎ ﻧﻌﻴﻂ ﻟﻠﺮﺍﺟﻠﻲ ﺳﺤﻘﻴﺘﻮ ﻭ ﻧﺠﻲ .. ﻣﻊ ﻧﻀﺖ ﻭ ﺗﻨﻄﻖ ﻋﺠﻮﺯﺗﻲ ﻣﻨﻬﻴﻪ ﻗﺎﺗﻠﻲ ﺍﺑﻨﺘﻲ ﻋﻼﻩ ﻭﻗﻔﺘﻲ ﻛﻲ ﺍﻟﺠﺪﺍﺭﻣﻲ ﻫﻚ ﺳﺎﻳﺴﻲ ﺭﻭﺣﻚ ﻣﺰﻟﺖ ﻋﺮﻭﺱ ( ﺳﺎﻳﺲ ﺳﺎﻳﺲ ﻭ ﺍﻟﻠﻪ ﻳﺎ ﺍﻟﺤﺎﺟﺔ ﻓﻜﺮﺗﻨﻲ ﻑ ﺃﻳﻤﻦ ﺳﺮﺣﺎﻧﻲ ﺍﻟﻠﻪ ﻳﻔﻜﺮﻙ ﻑ ﺍﻟﺸﻬﺎﺩﺓ ) .. ﻗﺎﺗﻠﻲ ﺍﻗﻌﺪﻱ ﺑﺮﻙ ﺍﻭ ﻣﺎﻟﻒ ﻳﺪﺧﻞ ﻫﺎﺫ ﺍﻟﻮﻗﺖ ﻭﻟﻴﺪﻱ ﻭ ﻧﻌﺮﻓﻮ ( ﺍﻟﺤﺎﺟﺔ ﺑﺪﺍﺕ ﺗﻠﻌﺐ ﻑ ﺍﻟﻠﻌﺐ ﺍﻟﺼﺎﻣﻂ ) ﺣﺎ ﻧﻘﻠﻬﺎ ﺃ ﺧﺎﻟﺘﻲ ﻧﺘﻲ ﺍﻟﻠﻲ ﺳﺎﻳﺴﻲ ﻣﺎﺵ ﺍﻧﺎ...هههههه نكمل؟؟؟
*************************""""*"
فوت & كومونت بليز
