شيءٌ ما بأعماقي يؤلمُني، ربما هيَ روحي تَحتضِر."♡
بقلمي.. Awtar ..
ريحانة:
گعدت ادرس شوية وسمعت بابا يصيح وية واحد بالتليفون اني خدرت رجلية ما اعرف شنو صار متت من خوفي دخلت للبيت واني اگول ها بابا شبيك تصيح واسمع امي تگول ولچ ريحانة زيوني راح يروح من ايدي اني بهاي اللحظة متت وجمد الدم بجسمي گلتلها ماما لا عليچ بداعتي لچذبين اخوي زيوني مايعوفني احچي واني دموعي تجري مثل الشلال
الأب: إذا صار بأابني شي اني اموت قبلة والله
الأم: يبوووو لتگول هيچ مصطفى مابية افگد اثنين بنفس الوقت اترجاك روح شوف زيوني خو ماغمض عيونة
ريحانة:
سمعت كلام بابا متت من البچي وماما كلامها يگطع بگلبي صحت بصوت شبه عالي يااربي اترجاك اخذني بدال اخوي حبيبي يااربي والله ما اتحمل الصدمات نخيتك ربي وما اضنك تخيبلي ضني اوووف گلبي راح يوگف
مؤمل:
خلصنة محاظرات وطلعت سلمت على زين العابدين واخذت علي چنت توني طالع من باب الكلية وسمعت بنات يصرخون يگولون اندعم اني ركضت وما اتوقعت اشوف هذا المنظر شفت زين العابدين نايم على الأرض وبأايدة دم اني من شفت المنظر ضجت حييل وركضت شلتة بسرعة واخذتة لسيارتي ومشيت حيل وصلت ورة ربع ساعة بس ميت من القهر خفت اخاف يروح من ايدينة لأن ارتاحيتلة وحبيتة هوااي بعد عناء طويل من التفكير وصلت للمستشفى نزلت شلتة ودخلت وجابولي سدية خليتة على السدية واخذو اني بقيت برة مدخلت لشوية وشفت اصدقائة اجو گلتلهم دخلوو جوة وما اعرف بعد بعدهم مطلعو
حسين(صديق زين العابدين): ان شاء الله خير ياربي ..قبل شوية اني اتصلت على والدة وانطيتة خبر
مؤمل: إن شاء الله خير ..خطية ابو زيوني فوگ تعبة هسة يجي يشوف ابنة وينقهر علي
مؤمل:
لشوية وشفت اهل زيوني اجة وشفت رورو جاية وياهم بس حالها يبچي الصخر هية وامها يبچون. يكسرون الخاطر اجة يمي ابو زيوني يريد يدخل للغرفة لزمتة گتلة مابي شي بس شوية تعال اگعد .هدي نفسك هسة يطلع ويرجع وياكم للبيت
الأب(مصطفى): لك مؤمل والله اذا صار بوليدي شي والله اموت اني مابية حيل اشوف وليدي او بنتي يتأذون وگدام عيني والله تجيني جلطة واموت
مؤمل: عمي گول يا الله وصلي على محمد ترة اسم الله على وليدك زيوني مابي شي ليش تگول هيچ
ريحانة: بابا عليك بداعتي فدووة گوم شوف زيوني والله راح اموت وشوف ماما راح تروح امي بابا فدوة اترجاك گوم شوفة
مؤمل: من سمعت کلام ابو زيوني متت بقهري وشفت شگد يحب ابنة وبنتة حييل ... ومن شفت حال رورو وهية تترجة بأابوها حتى تشوف اخوها هنا نزلت دمعة من عيني لشوية وطلع الدكتور
أنت تقرأ
صمت الأنامل الدافئة•°•
Science Fiction"كان مظهرها لطيف جداً، لا يوحي بأي عواصف تُقام في داخلها." 💙
