.
اصنعي نفسك بيدك، بترنح أغصانك بكل فصولك...
تلك الأغصان الصغيرة تستحق أن تعانق الحياة بطرف ثغرك المبتسم...💜
بقلمي.. awtar ..
زين العابدين: بابا خلي ريحانة تدرس خارجة سادس فدووة
الأب: لا بابا امك وحدها بالبيت تحتاج واحد يساعدها.. اني اروح لشغلي وانت تروح لدوامك وهية وحدها
زين العابدين: لا بابا علية دراستها وهية تبقى وية ماما بالبيت بعد شنو
الأب: يي حتى لو الدراسة الخارجية مابيها نسب نجاح قليل كلش
زين العابدين: لا بابا الله ينطي الشخص على گد تعبة هية ان شاء الله تدرس وتتعب والله يوفقها
الأب باوع لريحانة وگللها
الأب: انت تحبين تدرسين؟؟
ريحانة: يي بابا حييل احب ادرس واتعلم لغة انگليزية
الأب: والله ما ادري شنو اگلكم خليني اتكتكها ابالي واشوف
زين العابدين: على راحتك بوية بس فرصة مادام بداية سنة وهمينة اني مرحلة اولى مو ذيچ الدراسة
الأب: الله كريم بوية
گمت اغسل المواعين وافكر اذا بابا قبل شراح اسوي والله أكل الكتاب أكل ولا ارمش من اقرأ بس خلي يقبل يااارب اترجاك اقنعة خلصت صعدت للغرفة شوي واجة زينو دگ الباب گتلة تعال
زين العابدين: ريحانة لتفكرين اني متأكد راح يقبل بس انت همينة اريد منچ همة ونشاط
ريحانة: زيوني انت شتحچي هو بس خلي يقبل بعد ماتشوفوني من الدراسة
زين العابدين: اها هسة متردينة انشوفچ لعد ياهو يدرسچ ظلي
ريحانة: ولك لا مو هیچ قصدي
زين العابدين: اعرف اعرف يلا الله كريم چاااو
ريحانة: چاو
نمت شوية وگعدت ماما تگعدني
الأم: گومي رورو عندنا خطار على العشة
ريحانة: يي گايمة بس منوو
الأم: اصدقاء ابوچ
ريحانة: اهاا خير ان شاء الله بس بمناسبة شنوو؟
الأم: يعني الا مناسبة يلا يجون هيچ ابوچ عازمهم
ريحانة: اهااا يلا اغسل واجي
الأم: يلا اروح اگل لزيوني يجيب فواكه
زيوووني يلا گوم بس نوم عبالك صارلكم دهر منايمين
زين العابدين: ها ماما خليني نايم بعدين ادرس
الأم: گووم ابوك عندة خطار على العشة گوم اتسوگ النة
زين العابدين: يي بس شوية هسة اگوم
الأم: ولك ماما تأخذك النومة وتتأخر علية واني اذا نزلت بعد مابية اصعد
زين العابدين: يي كمت ياالله
الأم: يلا استعجل
زين العابدين: ان شاء الله
ريحانة:
نزلت جوة يم ماما .طبخت ماما واني احظر الها تجة زيوني جايب الفواكه والخضرة گعدت نظفت الخضرة وغسلتها كملتها خليتها بالصحون كملنة طبخ ..اذن رحنة صلينة تأخر بابا اتصلنة عليه مارد شوية واجو گمنة نحظر الهم اجة زيوني وبابا اخذو العشة اني كمت اكفكف المطبخ خلصت گعدنة تعشينة اني وماما خلصنة وجابو الصواني كمت اغسل المواعين شگدهم.. راح بابا وزيوني يوصلون ابن عم بابا ابو علي.. كملت ورحت يم ماما بالغرفة لشوية واجة بابا وزيوني ... گعدنة نأكل حب شمسي وفواكه بابا گال ريحانة
ريحانة: ها بابا
الأب: اني فكرت واقتنعت بفكرة الدراسة بس بابا اريدچ تشدين حيلچ تعبي گد ما بيچ كلة تالي راجعلچ
ريحانة: بچيت بابا يعني صدگ راح احقق حلمي والله ما اصدگ گمت شبكتة وظليت ابچي
الأب: ماتوقعتچ هيچ تحبين الدراسة
ريحانة: بابا اني احب اتعلم لغة انگليزية من چنت صغيرة ومن بطلت من المدرسة تعلقت اكثر بالدراسة لأن چان عندي أمل يجي هذا اليوم وتوافق اكمل دراسة
الأب: حبيبتي باباتي الله يوفقچ يلا کافي بچي وروحي نامي اريدچ من باچر تدرسين وانت زيوني ما اوصيك على اخيتك
زين العابدين: يا بابا لا توصي حريص اتطمن
الأب،،الأم: يلا تصبحون على الف خير
زين العابدين،،ريحانة: وانتم من اهلة
ريحانة: حبيبي زينوو مشكوووور الله يوفقك
زين العابدين: تدللي رورو
مؤمل:
رحنة اني وعلاوي اخذنة احتياجاتنة ورحنة افترينة نوب علاوي مقبل ارجع لبيتنة عزمني وياه على العشة رحت وياه گعدنة اتعشينة وخلصنة اجة ابو علي ووياه رجال وهذا الولد اخو رورو اني گمت سلمت عليهم
علي: امولي هذا ابن عم بابا ..عمو مصطفى .وهذا ابنة زيوني..
عمو هذا مؤمل صديقي
مصطفى: هلا بيك مؤمل
مؤمل: وبيك اكثر عمي اتشرفنة
مصطفى،زين العابدين: النة الشرف
مؤمل: رجعت للبيت وبالي يم ابو زين العابدين شفتة خوش رجال رحت سبحت وتمددت ماحسيت على نفسي ونمت..
أنتو #رب كل ضحكه تنشاف #أعله_شفتي
#الباقيات ، الما يبينن ، ألهن #الله .
بتبع......
....
...
أنت تقرأ
صمت الأنامل الدافئة•°•
Bilim Kurgu"كان مظهرها لطيف جداً، لا يوحي بأي عواصف تُقام في داخلها." 💙
