شتاوي ع الدمع والفراق والجرح 💔
مانبيه بصيص أنضاري........
......لوكان أيجيب اللي متواري🔵
لوكان بدمعه ينجابوا........
.........ماراهم غيابي غابوا 🔴
نضحك و نساير و نبصر .......
.......والخاطر من جوا متكسر🔵
اهناك اللي مقهور وفاقد.....
......يبكي فالليل وهو راقد🔴
كنك ياعيني ع سبله......
.......الي يشكيلك تبكي قبله 🔵
دمع العين بروحا قاطر......
...... يابال اللي غايب خاطر 🔴
ياريت العين اطاوعني.....
.......تنسى جرح غلا ضيعني🔵
ماملي خانقته العبره.....
.....يزاين ع الناس بصبره🔴
واطي ياغالي مشربها....
... عينك شد احويل عربها🔵
قولو للعين الدماعه ...
... كل ابنادم عنده ساعة🔴
فاقد ولفاقد مايبراء ....
.....ديمه تخنق في العبره🔵
نكمدها وترد وحدها.....
.....نين العبره طااح جهدها🔴
گــل مــريـض دوا نلقــوله....
....غيــر فــاقـد ايـش نـديـروله 🔵
عليها واخد لي زمان....
......البكية والرقده زعلان 🔴
اتصدق راهن مخنوقات.....
.....بعبرة لكن صبارات🔵
