#استهتار_رجل
الحلقـ(9)ـة
الساعة 9 الصبحه
قمر:حبيبي اعطيني انكلم امي
هارون:هاكه
قمر:الووو ماما ... جبت امس
نجاة:يروروروروي حمد لله عسلامتك ... شن قنين ههههه
قمر:ايهبلو الزوز زي الفلاليس ههههه تعالي شوفيهم
نجاة:اني جاايه هي
هارون:ايوااا يمه
فطيم:نعم يااوليدي
هارون:قمر جابت زوز فيران ايهبلوو هههه
فطيم:حالهم باااهي اكيد يشبهولك الزوز
هارون:لا يشبهو امهم اكثر الزوز حمر وبيض 😍😍
فطيم:ياوالله نهار مبارك .... تو نقول لي يونس ايجيبني
هارون:نستنوو فيكك.. اي وحتى هيا تسلم عليك
قمر:💗😍
هارون:تسلم عليك وتتحمد علي سلامتك
قمر:امممم سلمهاا .
.
.
قصى:حمد لله ع سلامتك يااغاليه
ميلوده:وخيتي حمد لله ع سلامتك هههه وينهم الفتاريش
قمر:الله ايسلمكم ...اهماا رااقدين
هههه
ميلوده:يااوخيتي يااوخيتي حلاااتهم 😍😍😍😍
قصى:اعطيني نشده ترا
ميلوده:هااا بشووية
قصى:هاا شن صهري شديتهم
هارون:لا والله ماقدرت 😁😁
ميلوده:تعالا نعلمك .... دير ايديك هكي ...
هارون:هكيي .
ميلوده:ايوااا .. وشدهاا هاا. 😍😍
هارون:حي حي قمررر شاادهاا ههههه
ميلوده:ارخي روحك ماتتشنجش ...
هارون:خلاص شديهاا هاك هههه
نجاة:حمد لله ع سلامتك يابنيتي وعلي خشت فطيم
فطيم:يروروروري مبررروك مسعوودد ياوليدي
قصى:اي حقا شن بتسموهم
فطيم:انا الولد بنسميه علي جد "بوعجيله" والبنت سموها علي حناهاا"فطيم"
ميلوده:لا والله 😱😱 ترا يااسرر متعيشوش الصغار المأساءة لي كنت عايشتهاا ترااا ... الصغار بتسميهم اختي شااأ من شاااأ وابأ من ابأ ....😬😬
فطيم:قبل لا ايكونو صغار اختك ... هاذم صغار ولدي
ميلوده:شن نعم ... شن مداريتلها اختي انتي ... باش تسميهم ع مزاجك ... انتي لي حملتي ولا خديت نص التعب ولا تعاملي فيها بالطيبه وحسن النية اسمعي راه سخنت
هارون:صلووو علي النبي
قصي ونجااءة وقمر :😮😮
من الصدمه معش عرفو شن ايقولو
فطيم:شن قلة التربيه هذي ..في مقام امك لني
ميلوده:اميي حشااه منك ...لا خليت الدوق والتربيه ليك ... احني وانتي هلبا
قمر:ميلوده اسسي عيب
ميلوده:النبي خليني ترا انحس فيها اهني عالقه ... قالت بوعجيله وفطيم ياشينك عااار
قمر:😶😶😶
هارون:خلاص اسكتي ... مش كن سكتت خلاص ....
.
.
الدكتورة:معليشي نقصو الاصوات المرضى يشكوو
.
.
ميلوده:حاضر
.
.
وروحوو الحوش ...
امها هيا واختها سبقتهاا رتبو الحوش وبخروه وطيبو الحلبة "علي بالي" 😁😁 وشرو الرب والعسل
.
.
في السيارة
هارون:شن خاطرك تسميهم انتي
قمر:انت البنت خاطري فيها راماا
هارون:خلاص معناهاا الولد رامي 😍😍
قمر:اي حلوووو 😍😍
هارون:امتا تركبي وتيلي كتيب العائله
قمر:حاضر ...
هارون:ياحليلي حلااااهم 😍😍
.
.
.
ووصلو الحوش ...ركب الصغار ...
وهوا نازل
يونس:هارون ... مبارك عليك التؤام يتربو في عزك ان شاء الله ☺
هارون:الله ايبارك فيك العقبال ليك ان شاء الله
يونس:سلمك ....
ونزل وقعمز في السيارة
.
.
قبل سنتين .......👍
.
.
قمر:حبيبي وينك نشغلت عليك
يونس:اهوا اني اهني كنت نساوم في الشامنت ... باش نبني حووشي
قمر:ياااحليلي 😍😍 امتااا
يونس:اهواا قريب معش مزال هلبا
قمر:تمام اهوا نستنا فيك وبنستناك طووول العمر
يونس:توعديني
قمر:ايه نوعدك اصلا نقدرش نعيش بلاك انا ولا ممكن
يونس:اممم ان شاء الله تكوني قد كلامك ونفرح بيك ياقلبي وتفرحي بيااا
قمر:ان شاء الله يارب
يونس:هي سلام توا
قمر:دير بالك ع نفسك باهي نموت من غيرك اني ....
.
.
يسمع قي دقات علي المرش
يعقوب:تي وين هايم ياطير
يونس:لا شي حمد لله ع السلامه ههه امتا رجعت من السفر
يعقوب:شووفت عينك مالياش نص ساعة واصل للمطار
يونس:ليك وحششه ... وخوك جو زوز تؤام
يعقوب:والله جديات ههههه ... امتا
يونس:امس .
.
.
.
والحوش مفضاش ناس جايه وناس مااشيه وعصيده ماشيه وعصيده جاايه..
وفرحانين بيهم قريب ايطيرووو 😍😍
.
.
يتبع
منقوله
تفاعلووو "تصويت🌟 + تعليق💬"
أنت تقرأ
استهتار رجل💔"مكتمله"
General Fictionالروايــه باللهجه الليبيه "الغرباويـه"، تحكـي عن بنت أسمها "قمر"،متزوجه زواج تلقيـدي من "هارون" ليهــم سنــه متزوجيــن، وربي مارزقهمـش صغــار ،بس هارون ايحبهــا ويبهـا، لكن عزوزتها "أمه" تكره قمر ومتحبهاش رغمنها هي اللي خطبتهــا، حتصير احداث مشوقـه...
