منو يحب ولفه بيكم يرفع ايده
اريد انطي احچايات التفيده
قانون العشك مثل التصاوير
القديمه تصير اعز من الجديده
طعم كلشي قديم تحسه بي روح
مثل طعم الاخبار ال بالجريده
من تكعد بعمرك تعزل ايام
تلكه ايام من عمرك فريده
ايااا طعم الجكاره وانت سهران
تورثها وتفكر بالتريده
وتمر ارسومه بيك وتصرخ الله
مثل بيت اليجيسك بالقصيدة
اليدفيك وانت بكلها بردان
اليقرب المسافات البعيدة
تجي وتصيحه من فطر الحياطين
نار فراكك تموع الحديده
جبير الحب الاول وحده يعيش
ويضل معزول عن وجه اليريده
مثل طير الزريجي بحظرة ايمام
لا تجنا ولا تكدر تصيدة
ها عكلي شو مخبوص وسمع ضجيجه
بس لا ذكرت ارسوم وجهي العتيجه
والسلام عليكم 😊
