ايا انا رجعت ندي في لفاست ونلقا لوجين تحكي مع عبدالرؤووف جيت زادمة اووو واش كاين وش راكم تخطو بلا بيا قلي عبد الرؤوف قتلي لوجين مدلي... قاطعاتو لوجين قتلي قتلو برك مغسي على الضيافة تاعك و عيطتو رايي في الخدمة و المطعم ☺
انا قلت ايا اوكي هيا ازربي عليا خلينا نروحو للدار -_- قتلي اوكي وجات معايا ايا و حنا نمشو في طريق جا واحد زطالجي مي بوقوص اه *.* هو جارنا اسمو جلال واحد لمافيا كبييير يلبس لاكوست و لكاسكيطا من داك ستيل انا نكرهو منطيقوش يحوس علا لوجين صحبتي هههه ايا جا فايت عنا قلها لوجين يا تجي معايا يا نضربك بالموس قتلو اييي روح اخطينييي قتلو انا جلال راك كبير صحيبي ايا روح اخطي الطفلة خلينا ترونكيل ..دار كالة شمة خخخخ ممبعد خزر فيها و فيا وقلها في خاطر قمر برك اني رايح ههه☺ ايا روحنا هيا راحت لدارها وانا روحت للدار ممبعد قاعدة نتفرج في مسلسل *-موسم الكرز- عيطلي عبد الرؤوف قتلو الو وي لاباس؟ قلي وي الحمدلله وانتيا بخير؟ قتلو وي و فجأة تجي ماما زادما عني نبع الحنان ايا نوضييي يا الميصيبة الراقدة الفنيانة لي ماتصلح لوالوووو لي فيها وفيها.... وانا نقلها ماما اسكتييي راني نحكي مع لبروف تاعنا قتلي هاتي ديجا التلفون نحتهولي من يدي قتلها استناي ماما دقيقققققة قتلو الو نتا هو استاد قمرٌ ؟ قلها وي مدام وش كاين قتلو او زير عنها مليح راها دبدبت في قرايتها مهيش تقرا طووول قلها وي هي مليحة مي تتحسن ان شاء الله قتلو صحا وعطاتني تلفون وراحت انا متت بالخلع قتلو ياااوحد لحلووووف تعينت تعرف لقوالب اه قلي ايييه اي متخافيش عني حبي ♥ قتلو واش قلت؟؟؟ قلي قلت متخافيش عني قمر ☺ غلطت برك
وممبعد ضحكنا مع بعض ايا حكينا شوي ممبعد قلي لوجين صحبتك حابة تخدم معايا في ريسطو ☺ قتلو اووواااش نن مكانش منها ديجا هي صحبتي و تقلي كلش قلي اني قتلك ونتي دبري راسك...كي خرجتي منا قتلي اني حابة نخدم هنا قتلها وي مرحبا بيك ارواحي نهار الاثنين نتفاهمو و تخلصي مليح ☺
قتلو اوكي نورمال ..حسيت بحاج في قلبي كي شغل ماشتيتش كي ولات راح تخدم مع عبدو مممبعد قلت نورمال ياك هي صحبتي و تستاهل ايا ممبعد كوبيت عليه و رحت نرقد zzzz
نضت صباح نلقا لوجين تعيط ...الو صباح الخير حبيبتي ☺
صباح نوور -_- هداوين فطنت
اوكي معليهش نسقسيك
وييي اهدري برك من لخر وش كاين
حبيت نقلك اا قمر بلي عجبني عبد الرؤووف وحابة نمشي معاه☺♥
تشوووكيييت قتلها كفاه يعني؟ قتلي وي هادي هيا عجبتني عقليتو مسرار و يحب يضحك والبارحة حكيت معاه وراح نبدا نخدم معاه☺ قتلها انا منيش علابالي علاه راكي تقوليلي سقسيه هو
قتلي اوكي اعطيني نيمروه الا عندك
من لول ترددت قلت منمدولهاش ممبعد قلت اي ربي يسهل و عطيتولها
قتلي مغسي قتلها نورمال قتلي ممبعد بلاك نجيك☺
اوك؟ اوك
ممبعد واحد 3 سوايع باه جاتني تبكي قتلها وشبيك غير لخير قتليي قبيل كنت في ريسطو مع روؤف أأاأأأأ
اووووه كملي برك اني نسمعلك... اوكي جيت خارجة جاني جلال قلي لوجين نتيا ليا و جبدني ليه قلي نزيد نشوف تهدري مع واحد نقتلك و راكي علابالك بيا ماش صحيححح...
اضرببببببببببب
انتظرونا في الحلق القادمة هههه علابالي سمطتهالكم مي تعبت وانا نكتب
ايا قولولي رايكم و طاقيو صحباتكم يقراو القصة بلاك تعجبهم
ياك انا بنت بلادكم ايا فازززي نكمل
♥♥♥♥شيماء♥♥♥
