مرحبا اسمي ملك عمري 17 سنه اني يتيمه الام وابوي معوق وعندي اخت وحده شمس ☀ متزوجه وعايشه بالسليمانيه عايشه اني وابوي ببيت ويمنه بيت عمي هو المسئول علينه بيتنه تعبان 🤒 وحالتنه الماديه مو زينه بس الحمدلله عايشين شكلي روعه ترفه وشفافه وجني شمس من كد البياض كلش كلش بيضه عيوني عسلي فاتح وخشمي طويل حلوو حلكي صغير
كعدت ب5 الصبح غسلت ورحت لبابا كعدته وسويتله ريوك وكلته وشربته دوه وغسل ونام رحت لزمت كتابي وكعدت ادرس وصارت ب7 وربع بدلت ورحت للدوام المدرسه قريبه علينه رحت التقيت بصديقاتي وسولفنه وخلصت المدرسه ورجعت للبيت من طلعنه اني وصديقتي تبارك من المدرسه اشوف البنات واكفات ويباوعن رحنه ونشوفهن واكفات يباوعن لشاب يعني حلوو لابس زي ضباط بس ما أهتميت اله كملت مشيتي وهاي تجرجر بيه علمود تبقه تشوفه فتت من يمه شميت عطره سطرني سطر
مرحبا اني ليث عمري 29 سنه ضخم طويل معضل حنطاوي ما عندي لحيه ولا سكسوكه عيوني جوزي فاتح ونضرتي حاده قاسي ايدي والضرب بحكم عملي اشتغل ضابط ابويه شيخ عشيره عندي امي وابوي الله يحفظهم
واختي حنان عمرهه 20 ما متزوجه كملت سادس وكعدت بالبيت
حنين 17 بالخامس اعدادي
كعدت الصبح سبحت وبدلت ونزلت ردت اروح للدوام كالت حنين وصلني للمدرسه وتعال عليه ب12 وربع رحت وديتهه ورحت لدوامي انوب ب12 وعشره رحتلهه البنات نخبصن عليه بس ما أهتميت الهن كد ما أهتميت لهاي البنيه شكلهه مو طبيعي حتى ما باوعتلي نزلت عيونهه وكملت مشيتهه لا وانوب عطرهه موتني من فاتت من يمي ما اعرف تخربط كياني دخلت لكلبي اخذت حنين ورحنه للبيت دخلت للغرفه بدلت وانمطلت ضليت صافن افكر بيهه وبشكلهه وجذبني حلكهه اوووف لو الزمج الا اشكك شفايفج ببوسه وحده بياضهه ما ينوصف يمكن احلى من القمر اني ليث القاسي اللي ما تهزني بنيه هاي خربطتني ضليت كل يوم اودي حنين واشوفهه حبيتهه كلش قررت اصارحهه واَكوللهه علمود اروح اخطبهه اجيت من وكت اجت حنين
حنين ها ليث يله ما نروح
ليث انتظري هنا هسه اجي
شفتهه طلعت رحتلهه
ليث عفوا ممكن شويه من وكتج.
ملك تفضل
ليث شوفي اني معجب بيج ورايدج على سنه الله ورسوله تقبلين بيه
ملك شنو هالحجي انت ما تستحي طايح حظ ما عندك خوات استغفر الله شنو هالبشر
وراحت وعافتني اني صارت عيوني براسي اتنرفز من شخص يعوفني ويروح واني ما مكمل كلامي لا وانوب تهيني اني ابوي ما هايني انوب هاي اني اعلمج بسيطه صعدت بالسياره نزلت بسرعه رحت للغرفه من دون ما اسلم اني صاير اعصاب دخلت ركعت الجامه بوكس تكسرت انوب رحت للكنتور توليته بوكسيات ما خليت بيه شي صاحي واصيح ادبسسز ترفضيني وتهينيني اني اعلمج انتي الي يعني الي الا اندمج والعباس وحق ابن أبي طالب انتي الي والا اندمج انوب كعدت ايدي تصب دم ومورمه والغرفه مكسره وامي وخواتي يصيحن عليه وامي تبجي
ليث روحي يمه ما بيه شي
رحت بدلت وغسلت وطلعت من البيت اسمع امي تبجي وتصيح عليه عفتهه ورحت سئلت عليهه وعلى عايلتهه انوب رحت لشغلي لازم افكر شلون اخذهه الي اجت ببالي فكره بس خاف رب العالمين يعاقبني عليهه كلت ميخالف المهم تكون الي رحت سئلت على ابن عمهه وعرفت يمته يطلع الصبح وبالليل وعرفت شكله وكفت بالسيطره وتانيته يجي
