رحت للتحقيق هناك كطعته تكطع وخابرو على اهله اجو ويتوسلون
ليث اسويهه كعده وياكم خاف ما تعرفوني اني منو اني ليث ابن الشيخ عبد الفقار وهم ضابط وتجاوز عليه اسويهه كعده حضروا روحكم
ابوه وليدي استهي بالرحمن والنعم منك ومن اصلك
امه خاله فدوه لكلبك مو ضربتوه طلعوه المن الكعده ما صار شي وهسه اخليه يبوس ايدك
ليث لا كعده وهالخنيث اخذوه هسه
ادهم لك كواد كلب منو الخنيث اذا انت رجال تعال
رحتله موته تموت واهله يتوسلون بيه
ليث اذا مو كد حجيك لا تحجي رجال وغصبا على الخلفوك فهمت وهاي غلط كعده وما اتراجع
عفتهم ورحت وصلت للبيت كلت لاهلي
ابوي بويه خيولي اتركه
ليث بويه رايد منك طلب
ابوي اطلب واعتبر طلبك نفذ
ليث اطلب منهم فصليه
ابوي ياا خطيه شنو ذنبهه البنيه تجي هنا
ليث اني اريد هذا الشي اطلب منهم
ابوي ماا اطلب ولا اوافق الا تكولي شنوو صاير ومنيه الماخذه عقلك
كعدت وكتله كلشي من طاطا لحد السلام عليكم
ابوي والله يا وليدي مدامك تريدهه وتحبهه اعتبرهه الك ولا تفكر هيه الك الك لو مدري شسوي هيه الك
ليث مشكور بويه ما تقصر الله يطول بعمرك
وبست راس امي ورحت ضليت افكر ثاني يوم سوينه الكعده جنت كاعد بس ما حجيت شي ابوي يحجي لان شيخ عشيره طلب منهم
ابوه اعتبره منفذ يومين ونجيبلكم البنيه مع السلامه
خايف وبالكوه يحجي بس كون ينطوني اياهه هيه مو غيرهه وره ثلاث ايام جابوهه النه وكفنه كلنه بالباب
بعد ما عدلت الغرفه ورتبتهه كعدت ادرس شويه وسمعنه صياح مرت عمي وادهم وعمي نزلت بسرعه واشوف ادهم مضروب تضرب ومرت عمي وعمي يصيحون عليه
ملك شصاير
ليلى ادهم متعارك ويه ضابط ويريد يسوي ذاك كعده عشائريه
ملك الله اليستر ان شاء الله تنحل
رحت لغرفتي ضميت كتبي ونمت ثاني يوم داومت ورجعت الظهر نضفت وسويت غده وتغدينه وراح عمامي واخوان مرت عمي وشيوخ هم راحو العصر اجو وكلهه عدنه عماتي ونسوان عمامي ونسوان ولد عمامي
مرت عمي ها شصار ابو ادهم
عمي طلبو فصليه كلتلهم يومين واجيبهه الكم
الكل شنوو دخيلك يا ربي
عمتي ومنين نجيب فصليه
مرت عمي اكيد ملك تروح قابل اودي بناتي لو اعوف ابني يكتلونه
عمي حمديه (مرت عمي) شنهي بنت اخوي هاي وحده من البنات تروح
ادهم يمه ملك بحسبه مرتي فتره ونعقد ما تروح وحده من خواتي يرحن هيه سنه سته أشهر وترجع شكوو بيهه
مرت عمي بصياح تردون تموتوني انت وابوك اودي بنات وهاي كاعده ببيتي ومرتاحه وهناك بنتي عليهه الكراب غصبا ما على الكل تروح ولك (هشام) هاي بناتك تضحي بيهن علمود بنت اخوك ولك ادهم ولك خواتك توديهن لناس غربه علمود هاي القندره والله تخاف عليهه تتاذه والله على جثتي يرحن بناتي ملك تروح
عمي ملك عمو....
ملك عادي اروح عمو ماكوو شي
عمي عفيه عليج عمو
توقعت عمامي راح يكولون شي يدافعون عني محد حجه شي سكتت عفتهم رحت للغرفه ابجي وطلعت صوره ابوي وامي وشمس
ملك هيج عفتوني ورحتو يمه جنتي تكولين كون ازفج بيدي هسه راح اروح فصليه تالي عمري اروح فصليه بويه وين تركتني ورحت ناس ما ترحم ولك بويه اخوتك ذبوني ومحد دافع عني جا ما عندي ابو
كاعده ابجي تالي نمت ثاني يوم ما داومت نضفت البيت وسويت غده مرت عمي جابتلي كم دشداشه وملابس دخليه ومال نوم وبنات عمي انطوني ملابس منهن هم حضرت غراضي ثاني يوم طلعنه اني وعمي وابن عمي الثاني محمد باوعت لبيتنه ونزلت دموعي 😢 وصلنه هناك راسي منزلته جنت لابسه بنطرون اسود وبدي اسود وفوكاه ستره لحد الركبه مالتي سوده وحجاب وجنطه وحذاء سود ضليت ابجي سلمت على عمي وشبكني ابن عمي محمد ومسح دموعي وكال
محمد لا تبجين فدوه اني قبل تقدمت الج بس ابوج ما قبل لو موافق ما صارلج هالشي احنه كلنه ما موافقين واليوم امي كاعده تبجي عليج من الصبح بس ما بيدينه شي
