صراع الليوث

5

البارت الخامس
صراع الليوث
بديت اسولفلهم الي صار وهمه يستمعون ويضحكون
هههههههههههه شفتو شلون
رائد والله اني جاي اتخيلك عندك ثنين جهال جاسم وجاسميه هههههههه
ثامر لا اني هسه اريد افهم شلون صبرت وما ضحكت
ولك اكلك ختنكت وعلي اريد اصبر ما اكدر هههههههع
رائد اكلك عاد شلونه ام جهالك ينطلع بيهه
فيصل والله يخوي هيه مال حلوه حلوه بس اشوفهه خبله
ثامر ليش
فيصل اكلك زوجتني وصار عدنه ثنين جهال ههههههههههه
بعد وين العقل
هههههههههههه صدك ولك
ثامر وهسه شلون
فيصل ما ادري والله خليه للوكت هوه يحله
اي صح خليه عل الله
رائد خيك اريد اشوف الهاشه اقصد زينب
فيصل ها ولك شعندك وياها
رائد والله ما ادري شو عجبتني
ثامر ها ابو الويو شو كمت تعوي
رائد لا عمي شبيكم بس هيج فضول
فيصل اكلك شو اكعد راحه دخلي اشوف روحي وبعدين عود انته
رائد ها تخليت عن اخيك
خايب كم ولك يا اخوي يا بطيخ هاي ام جنا ههههههههه
رافد يلله اني اروح انام تصبحون عل خير
فيصل رافد
نعم فيصل
شعندك
ها ماعندي شي
لا والله احسك مو عل بعضك
لا خويه لتهتم مابيه شي تصبحون عل خير
ونته من اهل الخير
فيصل اليوم رافد ماعاجبني
ثامر اي صح اكيد اكو شي
رائد اني البارحه سمعته يحجي بلمبايل ويه واحد بس جان يتعارك وسد المبايل وشمره بلكاع اجيت حاجيته كب بيه وطلع
فيصل لا بلله مفهمت شي منه
لا والله بس سمعته يكله اعله ما بخيلك اركبه
فيصل اكيد شغله صعبه حته ماسولفلنه
ثامر اي حته اليوم ولا طلع من البيت وصارله كم يوم حته للمشروع مال التخرج مالته مارايح
يعني شتعتقدون شنو صاير
رائد اني اعتقد مسويله مصيبه
فيصل ولك انجب شني المصيبه الي مسويهه ها الله لا يكولهه
ثامر وبعدين رافد عاقل مو مال مصايب
فيصل صح بس اني خايف عليه لانه ميضم علينه شي لو جانت شغله عاديه جا سولفهه النه بس اكيد شغله موش هينه
رائد اي والله صح بس هسه شلون نعرفهه
خلوهه عليه اني راح احاجيه
هسه تصبحون عل خير
الجميع ونته من اهل الخير

صعدة الشقتي سبحت وتمددة علفراشي ضليت افكر برافد لو جان يريد يسولف جان اجه وسولفل بدون ما اطلب منه
باجر اروح للمشروع وشوف شبيه
نمت اجتي عل بالي صورة طيبه تذكرة ادق تفاصيل وجهه عده شامه جو ه شفتهه ملامحه حلوه
ضليت اتخيل بيهه وبحجيهه وضحك عل فطاريتهه وخبالاتهه ههههه لحد منتمت فزيت عل صوت الاذان كعدة لكيت الوالد كاعد عل سجاده
صباح الخير بويه
هله بهلصباح صباح الخير
الولد كعدو
اي راح يتوضون
خوش راح اتوضء وجي
رجعت لكيتهم واكفين صباح الخير
صباح الخير
باوعت الرافد عيونه مورمه ومبين باجي سكتت محجيت
صلينه وكمت اروح الغرفتي صاحني الوالد
فيصل
نعم بويه
تعال بويه عندي شغيله وياك
حاضر
راح الغرفته واني لحكته
تعال بويه اخل وسد الباب
اجيت
اكعد هنا
اسمعني بويه اني سلمتك الشيخه بس متركتك وحدك جنت اتابعك وتابع اخوتك
اكيد بويه احنه من غيرك كلشي منسوه
بويه روح شوف اخوك رافد وساعده تره طايح بمشكله ويخاف يحجي تدري برافد فقير ومايحب المشاكل
ادري بويه حسيت بيه وسالته وكالي ماكو شي بس
انته شمدريك بيه
بويه ابو جاسم صاحب الكاع الي سوه عليهه الجسر اجاني وكلي المشروع صارله اسبوع متوقف
بس رافد يوميه يروح للموقع
اي يطلع بس مايروح للمشروع
اليوم اني ناوي اروح اله للمشروع وشوفه
اي ونا بوك روح شوفه لا تخليه وحده
تدلل بويه
وهاي راسك ابوسه ليضل بالك تنحل انشالله
الله يرضه عليك بويه
طلعت من يم ابوي رحت بدلت وطلعت رحت للاصطبل اخذة اصيل ومشيت
رحت المنطقة الغوالي وصلت للمكان الي شفت بيه طيبه بقيت لمن طلعت الشمس ماكو ما اجت رجعت سبحت وتريكت وطلعت للشركه خلصت كم شغله ورحت للمشروع
وصلت لكيت العمال يشتغلون
كواهم الله
هله بلشيخ الله يسلمك
جا وين مسؤلكم
ذاك ابو محمد كاعد يتريك
ابو محمد مقاول يشتغل ويه رافد يساعده بناء الجسر
ها خوش اخذو راحتكم
رحت يم ابو محمد لكيته يتريك
السلام عليكم ابو محمد
ياهله بشيخ فيصل شلونك تفضل استريح
يالله شلونك ابو محمد
بخير الحمد لله
اكلك رافد ماكو
والله يخوي لا رافد ولا المهندس فاروق شريكه صارلهم كم يوم مامبينيين
زين والشغل شلونه
هلتشوفه عل حطت ايدك صارله اسبوع متوقف الشغل
ليش
والله يشيخ اسال رافد لان اني حته من اخابره مايجاوبني
هسه وين الكه رافد
والله ما ادري بس
بس شني سولفلي اني مامرتاح من شغلت رافد
والله يشيخ قبل فتره اجانا مهندس سال عن رافد ومن شافه رافد تغير لونه وتخربط وكام يصيح عليه ويكله ليش تجي لهنا وذاك المهندس كله هلمره اجيت لهنا باجر اروح للمضيف جان ياخذه رافد ويروح
متعرف منو هلمهندس
لا والله بس رافد جان يصيحله ابو جواد
خوش الله كريم اني اروح ونشالله تنحل
اي والله شيخ لازم نخلص هلجسر هوايه ناس متاذيه من توقف الشغل بيه
انشاء الله خلي احجي ويه رافد ونشوف
في امان الله
الله وياك شيخ
صعدة بسيارتي وخابرة رافد
الو رافد
الو فيصل ها خويه
انته وين
ليش خويه اكو شي
لا بس محتاجك بشغله
اني بلمشروع
رافد اني هسه بلمشروع
ها اني علشط كاعد
يلله عشر دقايق وجيك
سديته منه وشغلت السياره وطلعت
وصلت للشط لكيته كاعد ومدنك
رافد
ها فيصل
شو هنا
ها شويه ضايج
واني جاي اعرف منيش ضايج
هيج شغله بصيطه
والشغله البصيطه تخليك توقف الشغل بلمشروع
انشالله كم يوم ونعيد الشغل
وشنو الي صار
خويه رافد حته الوالد منتبهلك وصاني اعرف شبيك
شفته دنك وخذله حجاره وزته بلشط
واخذ حصره
عفه عليك خويه تتحصر وانه موجود ليش هيج احنه الي تكصدنه الناس نحل مشاكلهه ومشكلتك ما نحلهه
خويه اني اسف
وك رافد لتعصبني عاد احجييييي