صراع الليوث

26

صراع الليوث
البارت السادس والعشرون
#طائر بلا تغريد #
ثاني يوم الصبح رحت للمركز قابلت ملازم محمد
السلام عليكم
وعليكم السلام شلونك شيخ ها بشر
والله ابو جاسم تاكدة من حجي البنيه
ها شلون
اولا رحت عليهه المنطقتهم وسالت هواي ناس كلهم اكدو قصته
خوش
وبعدين تفضل شوف هلسيديات
تاكد اعتداء عمر على قمر بمكان عملهه
يلله هسه خلي اشغل السيديى
ثامر بعد مشاف الاقراص
هسه شيخ نكدر نحظر لهاي العمليه
اولا اريدك تستظيف الست قمر عندك بلبرنامج وتخليهه تسولف قصتهه
بعدهه احنه نتخذ اجراء بوقف المدعو عمر عل ذمة التحقيق
بس الاول لازم نتاكد ان عمر موجود هنا بلبصره حته مينهزم
احسنت شيخ هذي اني اقوم بيهه انته هسه روح حظر البرنامجك
واني انطيك خبر من اكون جاهز حته تبث البرنامج
يعني ا اطلعت للناس هسه
لا طبعا حته نتاكد من عمر
اوكي الف شكر
لا شكر عل واجب هذا واجبنه
تسلم والله
طلعت من المركز خابرة عل قمر
الو ها خيي شلونك
هله خيتي انتي شلونج
لا اليوم احسن
دومج يارب
اي بشرنه رحت للملازم محمد
اي والله توني طلعت. من يمه
اي وشكال
طلب مني اسوي لقاء وياج وتحجين بيه كلشي
شوكت
باجر انشاء الله بس خلي نتاكد من عمر موجود بلبصره حته ماينهزم
اها خوش يعني باج. نبث القصه
انشاء الله يلله خيتي اني اترخص
الله وياك
بعده رجعت للبيت تلكتني ابوي
السلام عليكم بويه
وعليكم السلام ها بويه شلون صارت سالفت البت
والله حجي انشاء الله خلصت
ها خوش جا تعال سولفلي شصار
صار بويه هسه بس ابدل واجيك
رحت بدلت ورجعت للوالد
اي بويه سولف
سولفت للوالد كلشي
الله شنهي من ناس شنهي من بشر الله اكبر عليهم

والله بويه لو تشوف شكم عائله تدمرت من وره هذا عمر
الله كريم بويه الله عل حق ما ياذي الله يمهل ولا يهمل
ونعم بلله
اسمع بويه اليوم عدنه كعده بلمظيف موش تنسه
لا بويه ماناسيهه انشاء الله اليوم ما اطلع
اي ونه بوك هذي مصالح ناس ومعتمدين علينه الله سبحانه وتعالى من اطانه هلمكانه راد يختبرنه نكدر نشيل مسؤوليته لو لا
انشاء الله بويه نكدر عليهه
انشاء الله
يلله بويه كومنه نصلي ونتغده
اي بويه كوم
صلينه وتغدينه بعده صعدة الشقتي سبحت ولبست الزي العربي ونزلت
رحت للمضيف
السلام عليكم
وعليكم السلام شلونك شيخ
من الله بخير بعدهم الربع ما حظرو
اي هسه عل جيه
خوش جا صبولنه كهوه
لشوي اجو الناس اهل الكعده وبدة السوالف لحل القظيه

شيخ ثامر الله بلخير
الجميع الله بلخير
شلونكم يوجوه الخير
الحمد لله
اخوان من رخصت ابوي الشيخ فاضل
شيخ فاضل مرخوص بويه
شيخ ثامر الله من خلق الكون وكمله خلق الملائكه وبعده خلق الحيوانات والجماد والنبات واخر شي خلق الانسان
خلق الملائكه وخلالهن طاعه الله والعقل
وخلق الحيوانات وخلا لهن الغريزه والشهوه
ومن خلق الانسان راد يميزه عن كل مخلوقاته فجمع بيه العقل والشهوه والحب بعده عرظ الانسان عل ملائكه فامرهم ان يسجدو له فسجدو الا ابليس الا وستكبر
فالله سبحانه وتعالى من جمع بينه هل اشياء الثلاثه قال
من غلب عقله قلبه فهو في عيشته راظيه
لاكن من غلبت شهوته عقله فهو في عيشه
فاحنه يا اخوان من تجي نحكم شهوتنه وتخلي غريزتنه هيه الي تمشينه صرنه اجلكم الله حيوانات
صح لو لا
الجميع اي والله شيخ صح حجيك
زين انتو من رحتو تضاربتو ويه الوادم وصوبتولكم جم زلمه عل شغله تافهه مثل هاي
ولحد يزال مني لان سوايتكم محد يسويهه
اكو واحد يصوبله انسان عل حساب هايشه كلت الزرعات تره حته الله يكول اذا زرع احدكم زرعا واكلت منه دابه او طير في السماء له اجره
موش صح
اي يشيخ صحيح كلامك
جا ماطوله كلامي صحيح ليش تهجمتو عل الوادم وصوبتوهم ولو ما الله ستر جا كتلتوهم