وشروق شمس يوم جديد لتداعب وجه آلاء الطفولى البرئ وتذهب الى الحمام لتأخذ شاور ثم تذهب الى والدتها في المطبخ
آلاء : صباح الخير يا مامى عاملة ايه يا حبيبتي
والدة آلاء : صباح النور يا حبيبتي زى ما انتى شايفة محتاسة فى المواعين اللى حضرتك مرضتيش تغسليها امبارح
آلاء بضحك : والله يا ماما كنت جاية من الكلية تعبانة وبعدين ميبقاش قلبك اسود بقي
والدة آلاء : ماشي يا حبيبتي ده اللى انتى فالحة فيه
آلاء بضحك : خلاص بقى يا مامى المهم بابا والواد احمد والبنت اية فين
والدة آلاء : باباكى فطر ونزل الشغل واحمد قاعد بيلعب على البلاى ستيشن واية قاعدة على الفون اللى مبتسبهوش من ايديها ابدا ديه
آلاء : يالا ربنا يهديهم المهم عاملالنا فطار ايه انهاردة من ايديكى الحلوين دول
والدة آلاء : انتى يا بنتى انتى بقيتى شحطة ولسة عايزانى اعملك فطارك روحي من قدامى وسيبينى محتاسة فى المواعين ديه
آلاء : بقي كدة يا مامى طيب انا هروح الكلية من غير ما اكل
وخرجت من المطبخ ودخلت اوضتها وغيرت هدومها وركبت عربيتها وراحت الكلية
********
فى كلية الهندسة
ركنت آلاء عربيتها ونزلت منها وقلعت نظارتها الشمسية ووضعتها على شعرها البنى القصير ثم دخلت الكلية
يمنى : كنتى فين يا زفتة كل ده تأخير
آلاء بضحك : يمنى حبيبتي والله وحشانى
يمنى : اه كلى بعقلى حلاوة يا بت
آلاء بضحك : لا لا بلاش حلاوة عالصبح كدة
يمنى : يالا يا عسل هنتأخر عالمحاضرة
آلاء : اوك يالا
وطلعوا حضروا المحاضرة
********
فى كافيه كان قاعد جيمى وفؤش واتش ومى وثناء مع بعض ومستنيين آلاء ويمنى
مى : الزفتة يمنى هى وآلاء مش ناويين يجوا بقى
ثناء : مش عارفه والله إتأخروا ليه دول
جيمى : يمنى قالتلى ان هما عندهم ٣ محاضرات انهاردة
فؤش : طب لو جوعتى انتى يا ثناء اطلبلك اكل
ثناء : لا يا حبيبي انا فطرت قبل ما انزل
مى : اتعلم من فؤش يا اتش ها واخد بالك انت
اتش بضحك : ينفع كده يا فؤش بتجبلنا الكلام انت والله
فؤش بضحك : انا مالى بيك يا اخويا انا بكلم خطيبتى
آلاء ويمنى مع بعض : بخخخخخ
مى بخضة : عااااااا قلبى وقف يخربيتكوا
جيمى : كدة يا حبيبتي تعملى فيا كدة
يمنى بضحك : معلش بقي يا حبيبي بهزر معاك
آلاء بضحك : منورين والله
كلهم مع بعض بضحك : ده بنورك وربنا
آلاء بضحك : الله يكرمكوا والله مش عارفه ارد اقول ايه والله احرجتونى
ثناء : لا بعد الشر متقوليش كدة يا شيخة احرجناكى ايه بس
آلاء بضحك : المهم يالا ناكل انا على لحم بطني من الصبح وربنا
مى : ايه ديه مش معقول آلاء مأكلتش من الصبح وقاعدة عادى كدة
آلاء بضحك : شوفتى الدنيا والزمن يا بنتى
يالا بقى عايزة اكل
اتش : طب شوفوا عايزين تطلبوا ايه علشان انادى الجرسون
آلاء : انا عايزة بيتزا بالبسطرمة وبيتزا بالسجق و بيبسى لترين
ثناء : ايه يا بنتى ده كله بقالك سنة مبتاكليش
آلاء بضحك : بقولك على لحم بطني من الصبح يعنى لو قعدت اكتر من كدة هفطر عليكوا
اتش بضحك : لا وعلى ايه هجبلك حاضر
وانتوا عايزين ايه
كل واحد طلب اكله واكلوا وخلصوا
آلاء : هوووف الحمد لله الواحد كان حاسس انه مأكلش بقاله اسبوع والله
ثناء بتبص فى طبق آلاء لاقته فاضي
ثناء : يخربيتك انتى خلصتى الأكل كله ده انا قولت انك مش هتكملى واحدة وانك بؤ على الفاضي
آلاء بضحك : هنقر بقي قل أعوذ برب الفلق
ثناء : لا يا ستى مش هنقر ما شاء الله عليكى
آلاء بضحك : ايوة كدة اتعدلى والا كنت هحلى بيكى والله
ثناء بضحك : لا وعلى ايه يا حبيبتي بالهنا والشفا يا قلبى
آلاء : يالا بقى علشان اجيب ايس كريم
اتش وفؤش وجيمى مع بعض : انتى مبتشبعيش يا بت انتى لسة هتحلى
آلاء بضحك : مينفعش كده بقى كل واحدة تلم خطيبها وانا الحمد لله سينجل محدش ليه دعوة بيا اكل براحتى واحلى براحتى
ثناء بضحك : يالا ياختى علشان تحلى والله لو ما حلت بأيس كريم هتحلى بينا احنا يالا يا حبيبتي قدامى
آلاء بضحك : ناس مبتجيش الا بالعين الخضرة
كلهم ضحكوا على طريقة آلاء
وراحوا اشتروا ايس كريم وبعدين اتمشوا على البحر شوية وبعدين كل واحد روح خطيبته بعربيته وآلاء روحت بعربيتها واليوم خلص على كدة
اشوفكوا البارت الجاى واتمنى ان البارت يكون عجبكوا 😻😻❤❤
