وشروق شمس يوم جديد لتداعب وجه آلاء الطفولى البرئ لتستيقظ من النوم وتذهب إلى الحمام تأخذ شاور وترتدى ثياب رياضية وتنزل لوالدتها
آلاء : صباح الخير يا مامى
والدة آلاء : صباح النور رايحة فين عالصبح كدة
آلاء : رايحة اتمشى عالبحر شويه واجرى واعمل رياضة وكدة يعنى
والدة آلاء : ده من امتى ده
آلاء : حاسة انى طخنت امبارح أكلت كتير اوى
والدة آلاء : طيب يا حبيبتي خلى بالك من نفسك ومتتأخريش
آلاء : حاضر يا حبيبتي سلام
والدة آلاء : استنى هنا يا بت انتى اخدتينى فى دوكة ومقولتليش مروحتيش الكلية ليه
آلاء بضحك : هو الواحد ميعرفش يهرب منك ابدا على العموم معنديش محاضرات مهمة انهاردة
والدة آلاء : طيب يا آلاء براحتك المهم النتيجة بالنسبالى
آلاء بضحك : طبعا يا حبيبتي زى كل سنه
ووبعتتلها بوسة فى الهوا وقالتلها حبيبتي والنيعمة يا مامى
وجرت بسرعة قبل ما تضرب
والدة آلاء : ربنا يهديكى يا حبيبتي ويحميكى
***********
على البحر آلاء كانت بتجرى وحاطة الهاند فرى فى ودونها على اغنية حياتى لمحمد نور وفضلت تجرى كتير كتير كتير لحد ما وقفت قدام مكان شكله حلو اوى كان عبارة عن قلب بالورد الأحمر وجواه شمع على اسم آلاء وبعدين فاقت من شرودها وقالت
آلاء : ايه الهبل اللي انا بفكر فيه ده الكلام ده فى الأفلام وبس
وبعدين كملت جرى وهى فى الطريق مى ويمنى وثناء كلموها مكالمة جماعية
يمنى : لولو فينك مش باينة انهاردة ليه
آلاء : مفيش والله يا بنتى انا كنت بجرى عالبحر وانتوا قاطعتونى
مى : ايه الجميل ماله عالصبح
آلاء بضحك : الجميل جعان دلوقتي والله ومفطرش وشكله جاى يفطر عليكى
مى بضحك : هو انتى جعانة ٢٤ ساعة كدة يا بنتى
آلاء: مهو ده بالضبط اللى مخلينى بجرى عالبحر دلوقتي علشان حاسة اني طخنت اوى
يمنى بضحك : لا يا حبيبتي انتى اللى زيك مبيتخنوش انتى تاكلى وبس
آلاء : طب نبطل هزار بقي وقولولى كل واحدة بتعمل ايه دلوقتي
يمنى : انا لسه صاحية دلوقتي وغسلت وشى وفطرت وكلمتكوا
مى : وانا صحيت من النوم الساعة ٥ قريت قرآن وبعدين قعدت عالفيس شويه
ثناء : وانا بقى لسة عالسرير مغسلتش وشى حتى
آلاء بضحك : طب اسيبكوا انا بقى تكملوا مغامراتكوا العظيمة ديه سلام
مى : اوك سلام
يمنى : سلام
ثناء : اصبرى بس انتى وهى هنروحوا النادى امتى انهاردة
آلاء : انا فى اى وقت معنديش مانع
مى ويمنى : واحنا كمان
ثناء : طيب انا هقوم اغسل وشى واخد شاور وبعدين نلبس كلنا ونتجمع فى النادي كمان ساعة
آلاء ويمنى ومى : اوك تمام سلام
آلاء : كل واحده تكلم خطيبها تقوله كمان ساعة يعدى عليها ياخدها
ثناء : اوك
وقفلوا مع بعض وكل واحده راحت تشوف اللي وراها وآلاء قعدت على البحر وقعدت تفكر في النتيجة وكدة ( مشوها النتيجة الناس لبعضيها برده 😂😂)
*********
بعد مرور ساعة
فى النادي كانوا متجمعين كلهم ماعدا آلاء وبعد فترة آلاء وصلت
يمنى : هو انتى مينفعش تلتزمى بميعاد ابدا
آلاء بضحك : طبع يا بنتى بقي وبعدين هو طبعنا ولا بنشتريه
كلهم ضحكوا وبعدين قعدوا هزروا شوية وبعدين كل واحد وصل خطيبته بعربيته وآلاء روحت بعربيتها
**********
فى بيت آلاء
احمد اخو آلاء الصغير : آلاء تعالى العبى بلاى ستيشن معايا
آلاء : حاضر ثواني هغير هدومى وجيالك استعد للخسارة
أحمد بضحك : كل مرة بتقولى كدة وبتخسرى انتى
آلاء بضحك : احم ايه الاحراج ده ربنا أمر بالستر يا ابنى
أحمد ضحك وآلاء طلعت تغير
وهى فى اوضتها دخلت عليها اختها الكبيرة أية
آلاء : ايه ده يا بنتى مش تخبطى هى وكالة من غير بواب
أية بضحك : خلاص بقى يا لولو عايزاكى فى موضوع مهم
آلاء : خير اللهم اجعله خير
أية : كتبت انهاردة رواية رومانسية انما ايه فظيعة
آلاء وهى بتحدفها بالمخدة : امشى اطلعى برا وربنا وقفتى قلبى وقولت سقطتى ولا حاجه
أية بضحك : سقطت ايه بس فال الله ولا فالك
آلاء : طب اسمها ايه الرواية ديه
أية : اسمها ( وبينا وعد) (اختى أية مجدى كتباها فى الحقيقة فعلا)
آلاء : طيب هلعب مع اخوكى بلاى ستيشن الأول وبعدين هقراها
أية : اوك ومتنسيش تقوليلى رأيك
آلاء : حاضر حلى عن سمايا بقى
أية بضحك : عليكى كلام
آلاء : يا ستى انا حابة نفسى كدة امشى بقى علشان اغير هدومى والعب مع اخوكى وبعدين اقرا روايتك
أية : اذا كان كدة ماشي
وخرجت أية من الأوضة وآلاء اخدت شاور ونزلت لأخوها
آلاء : جهزت للخسارة يا جميل
أحمد : الخسارة ليست فى قاموسنا ( كلمة احمد اخويا فى الحقيقة برده)
آلاء : طيب يالا نشوف
وبدأوا يلعبوا
آلاء : لا لا مش هينفع كدة انت بتغش
أحمد : والله ما بغش
آلاء : لا كداب انت بتغش
أحمد : طب قوليلى بغش ازاى طيب
آلاء : انت عارف حاجات انا معرفهاش
أحمد بضحك : الحاجات ديه انا اللى بكتشفها وانا بلعب
آلاء : لا مليش دعوة قولى انت بتكسب ازاى
أحمد : سر المهنة يا حبيبتي مينفعش اقولك
آلاء : بقى كدة ماشي وقعدت تجرى وراه لحد ما تعبت
آلاء : بس مش قادرة خلاص تعبت
أحمد : وانا كمان مش قادر والله
آلاء : حبيبى معلش ممكن تعملى عصير ليمون انت بتعمله حلو
أحمد : حاضر
آلاء : يحضرلك الخير يا حبيبي
وبعدين طلعت اوضتها علشان تقرا رواية اختها ( وبينا وعد)
آلاء قرت رواية اختها وعجبتها جدا وبعدين اخوها طلعلها بعصير الليمون
آلاء : شكرا يا حبيبي
أحمد : العفو يا لولو اى خدمة
( طبعا الكلام ده مبيحصلش 😂👌)
وشربت العصير وراحت لاختها تقولها رأيها عالرواية
آلاء : يويو الرواية تحفة بجد مكنتش اعرف عنك كدة
أية : شوفتى اتطورنا اهوه
آلاء بضحك : شوفت ياختى
يالا تصبحى على خير بقى
أية : وانتى من أهل الجنة ( أية بتقولهالى علطول فى الحقيقة)
وذهبت آلاء لتنام مودعة هذا اليوم الجميل
واشوفكوا على خير البارت الجاى
دعواتكوا 😻😻❤❤
