فى بيت آلاء
آلاء كانت لابسة تيشيرت قط وبنطلون قصير ومسيبة شعرها
الجرس رن
آلاء فتحت ووقفت متصمرة
والدة آلاء : مين عالباب يا بنتى
آلاء : ا..ا..ده...ده
والدة آلاء : ايه يا بنتى بتتهتهى كدة ليه شوفتى عفريت
آلاء : بلعت ريقها وقالتلها ده زين ابن خالة يمنى اللى كلمنى الصبح
والدة آلاء : طب دخليه يا بنتى عيب كدة
آلاء : حاضر يا ماما اتفضل
زين : شكرا
ودخل الصالون
والدة آلاء : اهلا وسهلا يا ابنى نورتنا
زين : ده بنور حضرتك
والدة آلاء : روحى يا آلاء اعمليله حاجه يشربها
زين : لا لا مش مستاهلة انا جاى اخد آلاء وماشى
آلاء : نععععم ايه جاي اخد آلاء ديه هى وكالة من غير بواب ولا ايه
والدة آلاء : احترمى نفسك يا آلاء
انا اسفة يا ابنى
بس انت عايز تاخدها فين مش فاهمة
زين : انا جاى اعتذرلها علشان كلمتها وهى شكلها كدة اتضايقت فقفلت الفون خالص وانا عازم الشلة كلها انهاردة وهما مستنينها دلوقتي
والدة آلاء : طيب يا ابنى خمسة بس هتطلع تلبس وتنزلك
آلاء : ايه اللى انتى بتقوليه ده اروح مع مين يا ماما انتى بتهزرى صح
والدة آلاء : الراجل اعتذرلك باحترام و عازمك انتى وصحباتك وصحابه يعنى مش لوحدكوا وبعدين هو شكله محترم وابن حلال
آلاء : برده انا مش رايحة فى حتة مع حد غريب
زين : طب بصى انا همشى انا وانتى حصلينى بعربيتك علشان متبقيش مضايقة
والدة آلاء : ماشى يا ابنى شوية وهتحصلك
زين : ماشي يا طنط وانا اسف تانى مرة علشان كلمتها عالفون
والدة آلاء : خلاص يا ابنى ولا يهمك
زين : تمام سلام
ومشى زين وآلاء قعدت تتخانق مع مامتها
آلاء : والله ما انا رايحة حتة انا عندي مذاكرة
والدة آلاء : المذاكرة ظهرت دلوقتي وهتروحى يعني هتروحى يا آلاء واطلعى البسى بقي علشان متتأخريش
آلاء : ماشي يا ماما هروح بس انا مش مسئولة عن درجتى علشان انا كنت هذاكر
وطلعت غيرت هدومها وركبت عربيتها وهى فى الطريق اتصلت بزين
زين : ايوة يا آلاء فينك
آلاء : انا طلعت من البيت اهوه هجيلكوا فين
زين : اصبرى هبعتلك اللوكيشن
آلاء : اوك تمام سلام
زين : سلام
وقفلت مع زين وراحت المكان اللى بعتهولها
مى ويمنى وثناء : ايه التأخير ده كله
آلاء : اسكتوا بقي علشان انا جاية غصب عني
جيمى وفؤش واتش بضحك : ليه كده بس
آلاء : والله لو فضلتوا كدة هروح واسيبكوا
جيمى وفؤش واتش بضحك : خلاص خلاص بنهزر معاكى
آلاء : طيب هنعمل ايه فى اليوم اللى مش باينله اخر ده
زين : شوفوا انتوا عايزين تطلبوا ايه علشان بعد ما تخلصوا هنلعب
آلاء : طيب تمام انا عايزة بيتزا بالسجق و نص فرخة مشوية وكباب وكفتة وفراخ بانيه وحاجة ساقعة وبعدين بقى هحلى بكريم كراميل ، انا مرضتش ازود فى الطلبات الا تقول عليا مفجوعة ولا حاجه
زين بضحك : لا لا متخافيش مش هقول خالص يعنى
آلاء بضحك : كويس
والباقي طلبوا واكلوا وشربوا وحلوا والدنيا حلوة
بعد ما خلصوا
زين : يالا نلعب
آلاء : هنلعب ايه
زين : عارفين لعبة الازازة بتاعة سؤال وجواب
آلاء : اه عارفاها
زين : تمام يالا نلعب
كلهم : اوك يالا
ولعبوا لحد ما جيه الدور على آلاء وزين
زين يسأل وآلاء تجاوب
زين : عمرك حبيتى بجد
آلاء : لا ولا هحب
زين : ليه
آلاء : هو سؤال واحد بس وسؤالك خلص خلاص
زين : ماشي
وفضلوا يلعبوا كتير لحد ما تعبوا
آلاء : بجد مش قادرة خلاص دماغى وجعتنى جدا
زين : طيب تمام كفاية كدة
آلاء : طب سلام انا بقي علشان عايزة انام والله
زين : ما تخليكى شويه
آلاء : لا بجد مش قادرة والله
زين : طيب استنى هاجى اوصلك
آلاء : لا لا مفيش داعى انا معايا عربيتى
زين : طيب خدى بالك من نفسك
آلاء مشيت ومردتش عليه
يمنى : مش كدة يا زين آلاء مبتحبش حد يدخل فى حياتها
زين : وانا معجب بيها وهتقدملها قريب
جيمى : بالراحة يا زين مش مرة واحدة كدة
زين : انتوا شايفين كدة
كلهم : اه هو ده الصح
زين : طيب ، سلام انا كمان بقى
كلهم : سلام
وبعد شوية كل واحد وصل خطيبته
واليوم خلص على كدة
اشوفكوا البارت الجاى
دعواتكوا 😻😻😊
