اهلا بيكم محبتش اتاخر عليكم
اتمني تعجبكم.... واكون ضيفه خفيفه انا وروايتي
بس من الاول كده مش هلاقي تفاعل مش هنزلها
زي مابقدركم تقدروني.. مستنيه توقعاتكم وريفيوهاتكم
الروايه دي مختلفه شويه هتكون منها من الواقع بس مش كتير 🌹🌹🌹🌹🌹
قراءه ممتعه
ف منزل بسيط ف حي شعبي بس راقي شويه
منزل ممدوح مغازي... والد حسناء بطلتنا الجميله
حسناء نايمه ومش عايزه حد يزعجها
امها الست هدي دخلت تصحيها.... بت ياحسناء قومي كفاياكي نوم بقي
لم تجد رد منها
فتحت الشباك.... ياختي قومي بقي عشان تجهزي
هنا فاقت حسناء
حسناء.. اجهز ع ايه بالظبط كده
هدي.. قومي بس وهتعرفي
حسناء مسكتها قبل ماتخرج
حسناء لا قولي معلش ف ايه
هدي سيبي ايدي بس... بالليل جايلي عريس يشوفك
حسناء حطت ايديها ف وسطها نعممممم
والله لا ينفع ابدا انا قولتلكم ايه مش عايزه افهموني بقي مش بالعافيه
هدي بت انتي اتلمي احسنلك الي ادك معاها يجي 4عيال دلوقتي.. هتفضلي كده لحد امته
حسناء انا حره مش عايزه... فهمتيني مش عايزه انا مش مخلصه كليه السن ومعايا لغات كتير وقورصات اكتر عشان اتجوز واقعد ف البيت.. واعرفوا بقي لو حد اجبرني ههرب او اموت نفسي
وسابتها ونامت تاني
هدي ربنا يهديكي يابنتي مخك اتلحس خالص
وخرجت
قامت حسناء... ياربي اعمل ايه هيجوزوني بالعافيه لا مش هسكت ع كده طب اعمل ايه... ااااااه ماشي انتو الي جبتوه لنفسكوا.. هههههه جيتولي ف ملعبي
ف الخارج
قاعد ابوها ممدوح وبيقرا الجريده
دخلت عليه هدي
هدي.. اسمع بقي ياخويا عقل بنتك احسن والله اكسرها
ممدوح مالها بس عملت ايه
هدي اه اقعد انت دلع فيها لحد ماخيبتها بدلعك ليها
البت مش عايزه تتجوز طب والناس الي جايه بالليل نعمل ايه معاهم
ممدوح طب استهدي بالله كده وانا هكلمها
هدي طب براحتكوا بس يكون ف علمك لو موافقتش ع العريس ده مش هتتجوز تاني هتفضل كده ف ارابيزك
ممدوح طب ماشي انا هكلمها
دخل ممدوح لحسناء
ممدوح حبيبه بابا بتعمل ايه
حسناء بابتسامه اتفضل ياحبيبي
ممدوح مزعله ماما ليه
حسناء عايزه تخلص مني وخلاص
ممدوح متقوليش كده هي عايزه تفرح بيكي
حسناء مش عايزه مش وقته اما اشتغل واكون نفسي
ممدوح هههههه تكوني نفسك ليه هتجيبي شقه وكده
حسناء يابابا بقي افهموني والنبي انا مش عايزه اتجوز دلوقتي سيبوني براحتي عشان خاطري
ممدوح طب انتي عايزه ايه
حسناء انا هروح القاهره واقدم ف شركه كنت قريت عنها وسيبوني اشتغل ولما يجيلي نصيبي هتلاقيني بوافق ع طول
ممدوح خدها ف حضنه.. خلاص ياحبيبتي الي انتي عيزاه
خلاص انا هقول للناس كل شئ قسمه ونصيب
مبسوطه كده
حسناء بفرحه هيييييي طبعا انت اعظم اب ف الدنيا
وحضنته
امها دخلت ف اللحظه دي
هدي اااااه خلاص كده يبقي اتفقتوا عليا صح
ممدوح خلاص ياهدي مفيش عريس انا هكلمهم خلاص الي عيزاه حسناء هنعمله
هدي بقي كده ازاي.....
ممدوح سكتها باشاره من ايده
خلاص بقي لو ليه فيها نصيب هتتجوزه
حسناء طلعت لسانها لامها.... ييييييح شوفتي بقي
هدي ماشي ياختي براحتك بكره تندمي
حسناء ابدا اجهز بقي حاجاتي عشان انطلق
..................
ف منزل شاكر المسلمي
بيته عباره عن فيلا كبيره مقسمه طابقين
الارضي واليامه الي ع اليمين مخصصه لشاكر
والجنب الشمال ل اروي بنته
بس هي بتدرس ف الخارج وهتيجي قريب
وربنا يستر
