#زوجي
اسمي ايمان عمري25 سنه شكلي والله ماسمح بلحيل😂 بس عطني حبه احوينطه☺
المهم لانحب العلاقات ونكره جنس الرجاله وكنت مقرره حتي اني مش ح نتزوج😌 وفي يوم نسيق في حوشنا من برا ونحك في هالفرش😌ويندق باب حوشنا بالقوه والحوش مافيش الا انا😳 قلت يابيا بي هذا فزاع طيح سعدي وفي منظر يابنات الله لا تروعك , المهم لقيت منشف علي المنشر خذيته حطيته علي راسي, وفتحت الباب ويعزق علي واحد جرد ويمسك يدي ويقولي بسرعه اطلعي معاي وشارعنا معبي سيارات ونار وعجل😳 المهم من الفجعه اغمي علي😴اغمي علي 5 دقايق وفطنت قلت في سري لو حكيت ح يضربني علي راسي نقعد ساكته وتشوف من لي خطفني😐 قعدت مفتحه عين ومغمضه عين وقلت في سري ماتخفيش ياموني انتي شجاعه وقعدت نتذكر في الافلام وكيف المخطوفين ايفكو في ارواحهم ويهربو😱 المهم قلبت في راسي كم فلم ومصار شي😢 ومن حسن حظي اني كنت لابسه قبقاب لوح, رفعت كراعي ومسكت صباط الوح ونقوله شلفاط علي راس الخاطف👡 قالي اااي شن درتي ياحافر انتي قتله توا هذا تعترف انت من والله نقطعك بلفرده الاخره👡 قاالي يابقره انا صاحب علي خوك💩 وخوك قتل وهلك ماقدروش يردو للحوش دزوني انا ننقذ فيك😡قتله مستحيل علي يقتل💔 قالي لحظه اسمعي
الو عمتي امنه مش انتي قتيلي جيب ايمان
امي: اها ان شاء الله غير ماصارلها سو
لا ياعمتي اطمني انتو وين توا
امي: في مزرعتنا جيب ايمان شوري
تم ياعمتي
انا: ينعلي نا تقزنت وانا اصغيره
محمد: انتي طبيعيه شنوو هذا هلك عايشين
انا: قصدك ترملت توا😭
محمد: شكلك اتبردي😪
انا: به كيف قتل علي
محمد: اسكتي لعند ماتوصلي للمزرعه ارحمي روحك بدوش بعدها انشدي هلك
انا: اها صح صدقت😭
محمد: عيله ضاربه كلها
انا: نعم ماسمعتش علي حسك👂
محمد: شي شي اهو وصلنا تفضلي انزلي من غير مطرود
انا: تطرد في وانا في حوشك😳😭
محمد: انتي فيك رجه انزلي من سيارتي😕
انا: اها غير حسني مفجوعه ساحمني
محمد: سامحني ; ومسامحك باي
مع طلعت امي تبكي وتضبط في😭 وانا مصدومه نحس فيه مقلب😳😭
يتبع
#جرجيره
