انا: الوو سومه قتلك نبي رقم المحاميه لي تقربلك
سومه: ليش😳
انا: نبي نفارق وكذا نبي وحده معاي فهمتي
سومه: بس مش انتي حامل يابنت😒
انا : مش مهم , الراجل مايبنيش
سومه: تي كنا هوا يلقي كيفك😒
انا: توا يلقي , ماحي يموت علي حي
سومه: خلاص تمام توا ندزلك رقمها في مسج ورني عليها
انا: تمام ياخيه😘
دزتلي سومه الرقم ورنيت علي المحاميه
انا: ايوا معاي الاستاذه ريم
ريم: ايواه بالضبط من معاي
انا: انا ايمان ونبي نطلق وين نلقاك علشان نحكووو
ريم: انا توا في المحكمه تعالي لو عندك سياره
انا: تمام وين نلقاك
ريم: ثاني مبني في المحكمه دور الثاني
انا: تمام صحيتي
عديت للمحكمه وجيت الثاني مبني
انا: السلام عليكم وين نلقي المحاميه ريم
مجهول: رابع دار يااختي
انا:السلام عليكم
ريم: عليك السلام
انا: انا ايمان رنيت عليك توا
ريم: اهلا اهلا ايمان شن قصتك احكيلي
انا: قعدت عند راجلي اسبوعين بلكثير وبعدها طلب مني الطلاق
ريم: بروحه هك😳
انا: ولله بدون اي اسباب
ريم: نفهم منك تبي حقوقك
انا: فلوس مايهمنش بس لي في بطني مستحيل ياخذه ولا حتي يشوفه
ريم: والله شن نقولك ياايمان, غلط الطلاق للحامل, يعني لما تجيبي نطلقك عادي بس توا لا انا لا غيري نقدرو نفيدوك , بس ياريت ترني علي زوجك وتقوليلا يجينا لو فاضي
انا: ليش صعب نبي طلاق انا😔
ريم: الله غالب ورني عليه
انا: لحظه هي, الووو انت وينك😒
محمد: تحت روشن دارك وجايب فرقه نبيها تعزفلك
انا: ووووه لي زمان ع ثقاله هذي🌚
محمد: في شقه قاعد وين نبي نقعد يعني
انا: انا توا في المحكمه تعال توا ضروري
محمد: كنك في شي صايرلك شي😳
انا: بلا اطروح وتعال انا عند المحاميه وتبيك.🌚
محمد: عليش انا رد مش ح نرد , انتهينا مش جاي
انا: تعال عندي شروط وتوافق عليهن غصبن عنك
محمد: اها غصب😏 وين بلضبط
انا: تعال وانشد بروحك علي الاستاذه ريم
محمد: تمام تمام عمرك ماريحتي والي🌚
انا: مش وقت حناطتك هي🌚 باي
جاء محمد للمحكمه وكان لي قريب شهر ماشفته😍
محمد: السلام عليكم
انا: عليك السلام
ريم: عليك السلام
محمد: نعم طلبتوني😌
ريم: انا توا للاسف مانقدرش نطلقكم لانها حامل😐 ونعرفو كلنا في الحمل وخاصة الاشهر الاوله يكون قرارت الام غير صائبه علشان الوحم وانت مش غابي في شي هذا
انا: لا اشرحيله 🌚, هذا لازم كل موضوع نعاوده له 99 مره 🌚بيش يفهمه
محمد: مش عارف من الغبيه لي قالتلي اذا باتك وباتي وخوت يعني انا وياك خوت🌚
انا: عليك كذب امتي قلتها🌚
محمد: اذ كنتي ناسي افكرك🌚 يوم لي خذيتكن من المزرعه شور حوشنا
انا: ياريت ماشفت رمتك من يومها🌚
محمد: انا لي يارتني ماشفتك ولا عرفتك🌚
انا: من لي طلبني وقعد ايدز ويجيب من يدز علشان نوافق🌚
محمد: عليك كذب يومها كنتي في الحمام وقلتي موافقه وضحكتي وسمعتك 🌚
انا: نحسابكم تبصرو , كيف نوافق علي انسان معتوه نفسك
ريم: لحظه انجيبلكم امواس تبارزو🌚
انا: مااهوو عايش الدور اني ميته فيه😏
محمد: لا ميته في وغصبن عنك🌚
انا: عليش علشان 6 شعرات لي فيك🌚
ريم: هههههههه😂 تخانقو افضل
انا: يااستاذه نبي نطلق وانا حامل توا 🌚وكان مايسير شي توا نجيب قيصري من تو هذا
محمد:اهووو شفتي الغباء يااستاذه, مازال دم البيبي لي في بطنك🌚
انا: البيبي يعني مش ولدك🌚
محمد: بلا تفسير الكلام غلط🌚
ريم: 😂😂 يسمعو فيكم العرب
انا: خليه يمشي
محمد: مش ماشي العيل نبيه اسبوع عندي واسبوع عندها
انا: عليش علشان تقتله مراتك🌚ويقولو قاتلته مرات بوه🌚😒
ريم:😐غير يلد ويسموه , انتو الاثنين عدو القرقارش
انا: هوا يمشي لنفسيه مش انا🌚
محمد: هذا ليش سيبتها من غباها🌚
انا: ياربي ياريت تموت ونفتك من وجهك🌚
محمد: عليش تدعي يامريضه بس🌚
ريم: وقت علي طلعتي لما تكملو عركتكم كلموني نتلاقو🌚
محمد: صح صح فوتيها
انا: لا يااستاذه والله افسه اهم شي طلقيني مستعده نجهض بس طلقيني نبي نتزوج نا
محمد: تتزوجي🌚
ريم: ووووه يوووه نبي نطلع
انا: حتي انا نطلع😒 كله منك حسبي الله فيك
محمد:😂 حرام
انا: الووو عزو تجي تاخذني😌
محمد: ماصدقتي عاد سيبتك علشان تعديله😊
انا: مش شورك 🌚
حس محمد بلغيره وكلنا نعرفو ان محمد عصبي وغيور😒
محمد: والله ماني مطلقك هي 🌚
انا: مش بارادتك غصبن عنك🌚
محمد: عندك علم نقدر نردك حتي لو ماتبيش🌚
انا: مافي شي غصب
محمد: تي انا قاري قانون وفاهم وعارف كل شي🌚
انا: ووووه قطعتنا بلقانون متاعك , وعليش تناقش في ريم وانت عارف انه مافيش طلاق اثناء الحمل
محمد: نحب نتعبك انا🌚 وتوا ح نرفع دعوه , اسمها الرجوع الي بيت الطاعه😌 وح تردي غصبن عنك
انا: بيت الطاعه🙄
محمد: انعم ناشز وح نحبسك في الشقه ونحرمك من كل شي😌
انا: تكذب🥺
محمد: عطيتك مايكفي علشان يطيب خاطرك , هي لشقه
انا: تي تحسابها سايبه انت🤔تلزني وتردلي امتي ماتبي
محمد: تي ريم نعرفها🌚 وانا لي قلت السومه دلك عليها , وعارفك ماعندك الا سومه , نبيك بروحك ومسكتك🌚
انا: كيف يعني😒
محمد: غبيه يابنت ان شاء الله بنتي ولا ولدي مايطلعوش نفسك🌚
انا: مش فاهمه نا🌚
محمد: ووووه علي الغباء , انا قتلك نبي نطلق بسرعه عارفك ح تمشي للمحكمه , وح تتصلي بسومه , علشان مرات خوها محاميه, وخو سومه نعرفه, ونعرف ريم شرايك😏
انا: تكذب🌚
محمد: والله جد
انا: اسفه مش ح نردو يامحمد لو خيروني الموت اهون لي
محمد: الفتره لي فاتت مرضت جد
انا: تبي تقولي مسحووور ومحسود صح🌚
محمد: لا والله من يبي يسرحني , بس مرضت علشان متخطي قالولي😐
محمد: كيف متخطي🤔
محمد: لوطه في العماره في خزان وانا عفست عليه بدون مانسمي' يمكن صارلي مس🌚
انا: لا متخطي لا تزحف🌚 الا اهبال
محمد: جديات والله
انا: واسماء 😣
محمد: وقتها علمي ضايق بس والله اسماء بذات نفكرش فيها كزواج🌚
انا: عزو جاء نبي نمشي
محمد: مستحيل ياخذك
انا: تبي يضربك بسلاح كي هذك الضربه😌راه مش ح نحز عليك
محمد: اتصلت بعلي وهلك وهلي وعارفينك معاي🌚
انا: بلا كذب🌚
محمد: والله رنيتي علي , رنيت عليهم , انتي لي انا
انا: لا مش لك نبي نعدي 🌚
مسك محمد يدي وركبني في سياره من لاوره نفس اول مره تلاقينا فيها😂😒
انا: هذي اسمي عملية اختطاف🌚
محمد: اسكتييي نبي نحكي مع الراجل, الوو علي راهي معاي او وافقت خلاص بشر هلك💓
علي: الله يبارك احسن مادرتو
انا: كذااب ياعلي راه خطفني😳
محمد: اسكتي ياروحي لي يسمع يصدق😂
نجك لي حوينطه اختك ياعلي🌚
علي: ههههههه اخيرا توا غير تريحت
انا: ولله نبلغ فيك الشرطه😡
محمد: صكر خوك ماعندك عليش تعيطي واهووو وصلنا للفندق
انا: مش نازله 🌚
محمد: لحظه شوفي شن جبت معاي🌚🕷
انا: ينعلي ياامي حوله حوله كيف مسكته البشبو😷( صرصور) مش تخاف منه
محمد: انزلي راه نعزقه عليك
انا: تي حامل انا حسبي ربي فيك🌚
محمد: انزززلي 🌚
انا: هووووف يارب تموت هي😭
محمد: عني مانرد
نزلنا للفندق
انا: عليش هالدروج , قولي انك تبيني نجهض وخلاص🌚
محمد: ووووه من هالجلاطه,شكلي بنجيب لصقه ونلصق هالفم👄
انا: هذا لي ناقص ياخطاف الصبايا👀
محمد: رايفت عليك😎
انا: كذااااب معش نحبك نا☹
محمد: والله نحبك🤨ا
انا: الميه والف قلتها وترد مرضتك وتقولي نبي نطلق😔مليت منك بجد
محمد: وعد معش تكرر يااجمل انسانه عرفتها
انا: ايوا ايوا ديرلي حركات عبدالحليم حافظ لشاديه , مستحيل نصدق لا يامن عرفت لا يا ما احلي😒 نبيكش يعني مانبيكش
محمد: فرصه علشان البيبي به🌚
انا: شن هالعطر المقرف الي متعطر بيه🌚
محمد: ووووه بدينا ف الكذب ولوحم
انا: بجد ريحته مقرفه😷
محمد: شن ندير علشان تسامحيني ياانجلينا جولي😂
انا: 😌 اي شي نطلبه اديره😌
محمد: انديره وفداك حتي انا🌚
انا: نبي ايفون اكس 8 ونبي نت متاعي خاص بي, نبي طاقم ذهب واخره تغير الشقه الشؤوم نبي حوش دوبلكس واخره دبش بقيمة 10000 دينار🌚
محمد: امتي تحبي نحددو جلسة الطلاق قتيلي😂
انا: 😂 بجد نحبك حتي وانت حقير😒
محمد: عيب تقولي الراجلك حقير😒 وتعالي جنبي ياعيوني👄
انا: حول ياسخيف ياصايع يامستغل🌚
محمد: ساد جفاء يابنت😎
انا: 🙈
ومع مرور ثلاث اشهر عدت ايمان دير في صوره ع بيبي ذ
الدكتوره: اول مره تعايني ولا شن
انا: اها والله نحبش الدكاتره بكل🌚
محمد:😳😳تبصر يادكتوره راه, ايمان كنك
انا: اها هههههه عطني حبه نحب انبصر, قصدي مانحبش الدواء
الدكتوره: ضروري من خامض الفوليك بداية الثلاث شهور
محمد: عادي تاخذه توا
الدكتوره: اكيد لانه ضد التشوه
محمد: به شن وضعه يادكتوره الجنين
انا: تعال ارقد بدالي دير الصوره وخلاص🌚
محمد: تغار😂
دكتوره: نعم
انا: فوتيه واحكي معاي
الدكتوره: طبعا انتي حامل بثلاث توائم 😌
انا:😳
محمد:😳 تحكي جد
الدكتوره: نبي نكذب عليكم يعني
انا:😳
محمد: 😭ينعلي من الام يبو يجوني 3😭
وبعد وصلت لثامن قررولي عمليه وفعلا جبت 3 توائم بنتين وعيل😘
محمد: ياوليه سكتي ضناك😣
انا: ينعلي خلينا نتبرعو بيهم يامحمد😭 راسي بيصدع منك الهم😭
انا: شن قصدك😠
بثينه: امتي تعقلو, خوذو اقتلو بعضكم وخلاص
امي: 😂 من اول يوم وهم هك😣
وهك انتهت قصة ايمان ومحمد
ان شاء الله غير عجبتكن يابنات😘
