المجنون
الحلقه15
زياد:بص ياسيدي انا كان عندي مشكله ف المصنع مع عميل ورحت القسم ولقيت ظابط محترم جدا وساعدني فيها حتي بقينا اصحاب واي حاجه مابيتاخرش عني
احنا نروح ونحكيله الموضوع ودي وطبعا ماتقولش روح ماجي اللي قالت والهبل ده عشان كده بقولك اعتبرها مش موجوده وياريت ماتجيش معاك وتستناك هنا
ماجي :لا انا عاوزه اجي
مازن:يابنت الحلال اهمدي هنا بقي
زياد:لو هتيجي يبقي ماتنطقش ولو نطقت ولا تعبرها ولا اكنها موجوده والا هيشك فيك ويقول مجنون
ماجي :ايه مش يعبرني دي هو انا حشره
مازن:ياسيتي قدام الظابط واما نيجي هنا ارغي براحتك ونكلم
زياد:بالظبط كده
مازن:طب هيقولي عرفت الكلام ده منين
زياد:هتقوله كنت واقف علي باب الاوضه وهو مش واخد باله وسمعت كده منه ان هو اللي عمل الفرامل عشان تموت ويورث وعشان يكمل صفقته
مازن:كمان هكذب
زياد:في حل تاني طالما واثق ف اللي سمعته هي منه ماهو جنان بجنان بقي
مازن:والله انا اتاكدت بنفسي وطلع كلامها صح مع اني ماعرفش حاجه من دي يعني هتخيل كده ويطلع كلامي صح
زياد:لا مايصحش انما يصح ان روحها تيجي تقولك
دا الهبل بعينه بساعمل ايه صاحبي ولازم اقف جمبك يلا بينا
ودخلو العربيه
مازن :ورا ورا
ماجي :حاضر حاضر
زياد:من اولها كده
وبعدين بقي ياتخليها هنا يا تسكت خالص
مازن:خلاص هي هتسكت خالص
صح ياماجي
تشيح بوجهها عنه وتسكت
مازن:وبعدين بقي مش عاوزين زعل الله يكرمك خليها تعدي علي خير
انا بعرض نفسي لبلاوي عشانك اهو قدري شويه
ماجي:اوك مازن انا ساكته اهو
مازن:طب افردي وشك بقي
فيضرب زياد كف علي كف
ماتتلمو بقي دا ايه المصيبه اللي لبست فيها دي
مازن:خلاص ياعم مش بصالحها يعني اسيبها زعلانه
زياد:ماتتفلق يقولو عليك مجنون ولا تصالحها
مازن:لا اصالحها طبعا
فتنظر له وتبتسم
مازن :ايوه كده
زياد:طب يافالح
والله لو لبسوك القميص وسحبوك ع الصرايا الصفرا لهشهد معاهم
مازن:يلا انزلو علي مااركن
وذهبو للظابط سالوا عليه واستاذنوا ف الدخول له
زياد:ادهم باشا
ماجد:زياد ايه خير حد عملك حاجه تاني
زياد:يستجرو دول حرمو دااحنا معانا ادهم باشا بحاله
ادهم:امال ايه خير
زياد:انا جايلك استشاره المره دي دا اخو مراتي اسمه مازن كان بيزور خطيبته ف غيبوبه
ماجي ايه خطيبته دي
فنظر لها مازن وبرق فسكتت
زياد يكمل المهم كان واقف بره لقي بن عمها دخل وبيقول انه قطع الفرامل بتاعه العربيه عشان تموت ويورث ويتمم صفقه مشبوهه هيكسب منها كتير يسد الشيكات اللي عليه
لكن هي ماماتتش ومحتاس حاليا
وخايفين يعمل فيها حاجه او يمضي امها علي اي شيء ودي مهمه مازن فهم امها ماتمضيش الا قدام المحامي
بس لو اقنع امها تشيل الاجهزه عن البنت هتموت ويورث وينفد بعملته
ادهم:هو كلام خطير بس مافيش دليل مجرد كلمتك قدام كلمته
زياد:طب الحل ايه
ادهم :لازم نراقبه ونجيب اذن من النيابه بالتسجيل ومراقبه تليفوناته لعل وعسي يقع بالكلام
مازن:وانا جبت معلومات عنه انه بتاع نسوان وبارات لو حتي ماتكلمش ف الموضوع ولا ظهر ف التسجيلات نسيب عليه بنت وبطريقتها توقعه ف الكلام
ادهم:هي فكره بس الاول بناخد بالطرق المعتاده لو مافيش نتيجه بنعمل بطريقتك
ودلوقت هتقدم بلاغ رسمي باللي قلته وتمضي عليه ف محضر رسمي
وهطلع اذن النيابه بناءا عن المحضر
لكن مش هبعت استجوبه عشان ماياخدش باله وياخد احتيطاته
عاوزينه يفضل حاسس بالامان عشان يقع لكن لو جبته واستجوبته هياخد حذره وممكن ياخد باله من المراقبه او يبقي حويط ومايتكلمش لكن كده هو متاكد ان ماحدش يعرف ونجا بعملته
زياد:تمام جدا كلام عظيم
وفعلا تم المحضر ومضي مازن عليه
وتركو ادهم ليخرج اذن النيابه
ولكن هناك عائق كيف سيتم وضع الميكريفونات ف المكتب والمنزل
ف المنزل امرها سهل ممكن اي فتاه ليل يصطحبها معه تزرع الميكريفونات ولكن ف الشركه كيف وهناك ماجد صديقه ويتحدثون داءما وربما يقال شيءقيم يفيد التحقيق
وفعلا نفذو الموضوع وجعلو فتاه ليل تذهب معه وهو سكران وتزرع الميكرفونات وايضا يسحلون المكالمات التليفونيه
وبعتو فتاه علي انها تريد مقابلته كمندوبه لشركه وزرعت بمكتبه ميكرفون لعله يتحدث مع ماجد
أنت تقرأ
المجنون
Romanceرومانسى كوميدى هذه القصه درب من الجنون حقا لن اتفوه بكلمه فقط احكم انت ولن تندم علي قراءتها ومن يقرأها سيحتفظ بها الي الأبد ويقرأها الف مره ومره هكذا قال لي من قرأها
