المجنون
الحلقه 21
ماجي :شوف ياسيدي انا هحكيلك اتعرفت علي حسام ازاي
وقصت له ماحدث بالتفصيل
مازن بنرفزه وازاي واحد لسه عرفاه ف يوم وتقبلي تجوزيه بالسرعه دي انتي هبله ولا ايه حكايتك
ماجي:يووه يعني انا غلطانه اني بحكيلك وهبت لتمشي
فامسك ذراعها واجلسها خلاص كملي وبعدين
ماجي واتفقنا انهارده الفرح زي مانت عارف
فلاش باك
عنايات :ماجي واحده صاحبتك جيالك
ماجي صحبتي مين
عنايات معرفش يابنتي اول مره اشوفها بس قالت تعرفك
ماجي:اوك مامي انا نازله حالا
وفعلا نزلت ووجدت انسه لا اعرفها
ماجي :حضرتك مين
سها:يمكن حضرتك ماتعرفنيش لكن انا اعرفك كويس اوي
انا مرات حسام وحامل منه
ماجي :انتي بتقولي ايه انتي كدابه ومين قالك تقولي كده
سها:انتي عاوزه تسمعي ولا تفضلي مخدوعه لحد مايحصل معاكي زيي
ماجي :قولي عاوزه ايه
سها :انا اتعرفت بحسام ف بار من البارات واجوزنا عرفي وبدا يسحب مني فلوس لحد ماشطب عليا وكان واعدني اما حاله والده تتحسن هيجوزني رسمي
ولما عرفت بخبر جوازه واجهته قالي دا ماجد صاحبي لما لقي شركتي هتفلس عرض عليا نلعب عليهة واجوزها وتعملي توكيل واخد فلوسها وارميها
ومافيش غيرك ياجميل وكلام من ده
فقلتله بس انا حامل
اتخض واتغيربس ما علقش وبعدها واحده صحبتي سمعته بيتفق مع واحد يخلص مني😢😢
السافل الحقير بعد ماخد مني كل حاجه
قلت حتي لو مت ابقي عملت حاجه كويسه واكشفه ليكي وماهنيهوش علي انه ياخد منك فلوسك ويلعب بيكي زيي😢😢
ماجي:طب اهدي بس ايه يثبتلي
سها:حتي العقد العرفي سرقه بس اللي ف بطني ابنه وانا لو ليا عمر هجيب حقه وهثبت نسب بالDNA
ماجي :ربنا معاكي ومتشكره جدا
مش عارفه اقولك ايه بس لازم تبلغي عنه بعدم التعرض عشان تحمي نفسك منه وابنك كمان واجب عليكي تحميه
سها :انا فعلا رحت القسم وعملت بلاغ وقالولي هنجيبه يمضي بعدم التعرض ليكي ولو حصلي حاجه يلبس هو فيها مش هروح بلاش الا اما اخده ف ستين داهيه معايا
ماجي :واي حاجه عوزاها انا تحت امرك
سها :متشكره جدا
انا كده عملت اللي عليا حتي لو مت يبقي ضميري مرتاح
رجوع من الباك
بس ياسيدي دا كل اللي حصل وطبعا كنت منهاره خدت عربيتي وجيت هنا وخرجت اتمشي سمعت المسرحيه فدخلت اسال اللي هنا علي قناه ايه
لقيتك انت بالصدفه
مازن:اجمل صدفه حصلت ف حياتي
انتي حياتي معاكي كلها صدف
هو انتي مش حاجزه الاوتيل انهارده للفرح
ماجي :اه
اوووو انا نسيت الغي الحجز والناس هتروح مش هتلاقي عروسه
مازن :ليه هتلاقي العروسه والعريس
ماجي:فين ده
مازن:انا وانتي
ماجي :ايه الجنان ده
مازن:والله اخبطك بطبق المكرونه ف وشك
والي انا كنت فيه بسببك مش جنان جت علي دي يعني يلا يابت نلحق نظبط واروح للحلاق وهبعتلك الكوافير ع الفيلا
ماجي :طب مش هنتصل بيهم عشان يجهزو هقول لمامي تبعتلي الكوافير انا مشيت وماقلتلهاش حاجه
هبعتلها تاكد معاه المعاد
مازن:وانا هتصل ع الحلاق بتاعي اصلي مابغيرش بيجي يروقني
ماجي :طب ياريت تغيره انهارده بالذات عشان مش عجباني التسريحه
مازن:لا مؤاخذه انا مابغيرش الصنف لو عاجبك
ماجي:لا مش عاجبني بقي
خلاص مافيش جواز
مازن:خلاص اتفلقي قال اغير ابو لبده قال دا لا عاش ولا كان
طب انتي عاوزه تسريحه ايه
ودي مش عجباكي ف ايه دا البنات بتتهبل عليها
ماجي :مش بحبها ثم انا اللي بشوفك يبقي لازم تعمل اللي احبه
مازن:خلاص تعالي لابو لبده قوليله عاوزه ايه
ماجي :طب بلاش ابوليده انهارده وانا هوديك لواحد تاني
مازن:لا بقي الا دي الراجل معايا ع الحلوه والمره ويوم فرحي اتخلي عنه
ابدا
انا مش قليل الاصل
تعالي قوليله عاوزه ايه وهو ذكي وهيعمل نفس القصه دي اصله مايعرفش غيرها
والله الراجل نادرها يوم جوازي لازم يحلقلي يرضيكي اتخلي عنه وابيعه ف ليله مفترجه زي دي
بدل مايدعي عليا والدعوه تيجي ف الصميم ماترضاهليش
ماجي :خلاص اعمل اللي عاوزه
مازن:لاانتي علانه
ماجي :خلاص مش زعلانه
مازن:والله شكلك زعلانه
ماجي :يووووه مش زعلانه قلتلك
دا انت خنيق بشكل
مازن:طب مش عاوزه شويه سخونه ندفي
ماجي :يلا يامازن قبل ماالغي الفرح
ومش هجوز خالص
مازن:طب يلا يامجنونه
أنت تقرأ
المجنون
Romanceرومانسى كوميدى هذه القصه درب من الجنون حقا لن اتفوه بكلمه فقط احكم انت ولن تندم علي قراءتها ومن يقرأها سيحتفظ بها الي الأبد ويقرأها الف مره ومره هكذا قال لي من قرأها
