ماذنبي

البارت 9

#ماذنبي
البارت 9
#Rehab
مسائكم ورد جوري 🌺🌺
لٱ تنسون التصويت حباااايب ❤ فديتككككم 😘😘
*****************

جانت گاعده بالگاع وتلطم ع وجهه ..
وصوت صياحها ملئ اركان البيت ..
تشهگ بالبجي وتلطم ..
منظرها يگطع الگلب ..
يتيمة وفقدت ابوها الثاني ..
شهگاتها بدت تطلع وتعلى والالم بصدرها يزيد ..
دموعها المالحه والمليانه قهر ..
تنزل مثل الشلال وتسقي وجناتها المهلكة والتعبانه ..
بعد ماسمعت خبر وفاه عمها ..
فقدت وماتحس بأي احد حوالينها ..
كل شعور بداخلها مات ..
وهي تردد ع مسمع ‏​‏​منـِْهـ♡̨̐ـِْا ..
للمرة الثانيه تحس باليتم وشعور اليتيم موجع ..
موجع ومؤلم بشكل وصعب ينحمل ..
بدت تصرخ اكثر واكثر ..
وهي تحاول تگوم وتوگع ع التوالي ..
تحس ماعدها قدرة لتتحمل كل ه̷̷َـَْـُذآ ..
كلشي صعب عليها ..
وفوق قدرتها وتحملها وطاقتها ..
حست ع ايدين اتعودت تنقذها وتساندها ..
وهي تحضنها وتبجي وياها ..
جانت متعلكة بأيدين ريام ..
رفعت راسها الها وتباوعلها بعيون حمر ..
ومورمة م̷ـِْن اثر البجي ..
همست بتثاقل ..
_ عفيه اخذيني اله اريد اشوفه واكحل عِيوني بشوفته قبل لٱ ياخذونه
_ بس اهدي واني اخذج والله تعاي وياي ندخل للغرفه ترتاحين وبعدين نروح
فتحت عيونها ع وسعهن ..
وبدون شعور صرخت بيها ..
_ لٱااااا مااريد ارتاح گتلج اريددددد اشوفه
جانت تصرخ ومو حاسه بوعيها ..
فقدت وصار صعب اتسيطر عليها ..
تلقائيا هزت راسها ريام وگالت ..
وهي خايفه عليها وتبجي وياها ..
_ خلص خلص والله اخذج تعاي بدلي ملابسج ونروح بسرعه
اخذتها للغرفه وهي لازمتها م̷ـِْن خصرها ..
تخاف عليها لٱ توگع ..
بعد ماشافت وضعيتها شلون منهارة قبل دقايق ..
دخلت وگعدتها ع السرير ..
وهي تتوجه للكنتور وتطلع منه جبه سودة وشال اسود ..
اخذتهن وراحت وگفت گدام حنين ..
وبدت تساعدها باللبس ..
جانت تلبسها وتحس بحنين مثل الاله او اللعبه الي تحركها مثل ماتريد ..
بدون شعور وحركة ..
بدت تلعن الحظ النحس الي مرافق صديقتها ..
وهو يأخذ ‏​‏​منـِْهـ♡̨̐ـِْا كلشي حلوو ..
ويتركها وحدها بدنيا ..
مابيها امان ولا سند تستند عليه ..
بدلت ملابسها بأسود ..
وهي تعلن الحداد ويه صديقتها ..
ساعدتها تگوم وحاضنتها بقوة ..
تخاف عليها ..
طلعت م̷ـن البيت وتتوجه للبيت المقابيل بيتهم ..
جان مكتض بالجوارين ..
وصوت البجي والعويل مالي الشارع ..
دخلت وشافت التابوت موجود بنص البيت ..
رفعت نظرها لحنين ..
تباوعلها بقلق وحزن ..
ثواني وفلتت م̷ـِْن بين ايدها ..
وشمرت نفسها ع التابوت حضنته وبدت تصرخ وتبجي ..
كل الموجودين يبجون ع بجيها ..
ونحيبها الي يفطر الگلب ..
دموع يتيمة ماضاگت طعم الفرح ..
ولا شافت الراحة والسعادة بعد فقدان اهلها ..
ورجع الموقف اتكرر گدامها ..
بوفاه عمها سندها الوحيد بهاي الدنيا ..
بدت اصوات الزلم تعلى ..
وهمه يطلبون م̷ـــِْن النسوان يبتعدن حتى يفسحولهن المجال يدخلون يشيلون التابوت ..
اخذوا وطلعوا ..
ويرددون بلا حول ولا قوة الا بالله ..
ريام: جانت دقائق ولحظات فاصله
م̷ـِْن طلع التابوت م̷ـِْن البيت ..
وبنفس اللحظه جانت ام عباس ..
تضرب بحنين بكل جسمها ..
وتملخ بشعرها الي شبه وگع بأيدها ..
گبت العيطة والصياح ..
وطفرت احمي حنين عن ضربات عمتها الحاقدة ..
والنسوان الموجودة تبعدها عنها ..
وترجع تضربها بكل قوتها وبكل مكان ..
وصوتها العالي وهي تغلط ع حنين
_ ولج ياعار وجه النحس اطلعي م̷ـــِْن بيتي •اللّـہ̣̥ ياخذج وينتقم منج موتيلي رجلج وابو بيتي وبكل عين صلفه جايه لبيتي بدموع التماسيح هاي ..
سحبنها النسوان وهنه يهدن بيها ..
اباوع لحنين جانت فاقدة بحضني ..
ومو حاسه بأي شي ..
وجهه ڱڵـه كدمات وشعرها نصه بالگاع ..
جانت تباوعلها وتبجي ..
بدموع صعب ينشفن ويوگفن ..
بدت تضرب ع خدها وتصرخ ..
_ حنين اروحلج فدوة گومي
صرخت بأمها واجتها تركض ..
اما بقيه النسوان جانن يباوعن ويتفرجن بهدوء عبالك مثل المسرحيه گدامهن ..
ساعدتني امي اشيلها واخذناها للبيت
واتحسب بصوت مسموع ع عمتها وماما تسكت بيه بس بدون جدوى
____________________
بعد مرور شهر كامل ..
شايله سماعه التلفون وتخابر ..
لطمت ع صدرها حييل ..
وياها شهگة وكسرة خاطر ..
انتبه يوسف لتعابير وجه امه شلون تغيرت ..
وكساها الحزن والقهر ..
بقى صافن ومستغرب ..
ينتظر المكالمة تنتهي ويفهم م̷ـِْن امة ..
منو هاي الي تگول عنها ..
_ خطيه ماتستاهل كلشي جرالها
التساؤول بداخله يقرة الالف ..
عدل گعدته بعد ماجان ساند ايده ع المندر ..
ومرتجي بگعدة الشيوخ ..
انتهى الاتصال واخذ الموبايل م̷ـن امة ..
ويعاين لعيونها الي بدت تدمع ..
وتمسح دمعتها بطرف الشيله ...
_ خير حجيه شبيج لَيــِْ♡̷̴̬̩̃̊ـِْش البجي
_ والله يمة مقهورة ع حال هاي البنيه اليتيمة هسه جانت ام باسم تسولفلي وانقهرت عليها وگلبي وجعني
_ سلامتج حجيه والله يكون بعونها
رجع نظرة للموبايل يگلب بي ..
دقايق هو ع هاي الحاله ..
رفع راسه وهو يركز بعيون امه يحاول يستوعب الكلام الي نطقته ..
_ شنو حجيه؟
_ اتزوجها يمة والله خوش بنيه
_ هي منو الي تحجين عنها يابنيه هاي
_ ياااا هاي اليتيمة الي حجيت عنها
_ والله حجيه مااعرف عن ياهي تحجين ويايتيمة وبعدين انَـỲǑŲـْتي تعرفين شايل موضوع العرس م̷ـن بالي شتفرق عن بت عمي كلهن نفس الطبع انسي السالفه حجيه
_ حنين مو مثل سارة ذيج وين وهاي وين فرق السمة عن الگاع
_ رحمه لهلج حجيه بنيه غريبه عن دارنا وموش م̷ـن اطباعنا ولا ثوبنا شعرف عنها واخذها مرة وادخلها بيتي
_ لٱ تظلمها وتصير انَـَتَ والزمن عليها واني عاينتها بعيوني الاثنين جانت شايله هم بنيتك وتفتر بيها بعرس باسم
دخل عليهم كرم وقطع حديثهم ..
گعد ويعاين الوجوه غريبه وموش ع بعضها ..
عاين لاخوه ورفع حاجبه مستغرب ..
أشر يوسف بعيونه وعافهم وگام ..
ادنى كرم لامة وصار ملاصق الها ..
جانت عيونها مليانه حزن ..
وعلامات الكبر وتجاعيدها بارزات ..
زفر بضيق ع حالة اخو ..
ومحاولات امة بأقناعه حتى يعرس وترتاح م̷ـن الهم الي تحمله بداخلها ..
حاول يلطف الجو ويبعدها عن الحزن ..
الي ملئ تعابير وجهه ..
_ اگول حجيه سايري الشيخ وقنعي اخطب ريام وتفرحين بيه وهاي جدامج ماباقيلي جم شهر واخلص كليه وابدي اشتغل واعين روحي ..
_ يااااا بس لْـۆ اعرف شبيك ملگوف ع العرس شو ذاك اخوك شالع گلبي واني اقنع بي وهو راسه يابس ومايكن ولا يريحني جااا يمة ياريت اخوك يصير مثلك ويگلي خطبيلي ..
خله ايده ع اكتاف امة ويضغط عليهن ..
بمحاوله يسويلها مساج وگال ..
_ جااا حجيه هسه شدخل عرسي بيوسف هو راكب راسه ماياخذ مرة تأذي بته وحسباله كل النسوان حالهن حال سارة ..
بدت اعصابها ترخى ..
وعيونها بعيون كرم ويغمزلها ..
_ ياااا تسودن ولدي شبيك يمة شبيهن عــيونگ اخافن يوجعنك وهيج تسوي
وخر ايده عن امه وگعد وكتف ايدينه الاثنين ..
_ لٱ حجيه مابيهن شي اگوم اني احسلي ادري بروحي مااقنعج ..
_ وين تگوم ولك
_ تُعباُنٌ يمة اگوم انام وراي دوام باجر
گام وجرته امة وگعدته يمها ..
_ اگعد واسمعني
_ هاا حجيه أمري شصاير
_ اريدن مـڼـڱ تكعد يم اخوك وتقنعه والله يمه البنيه درة مالت •اللّـہ̣̥ واني عاينتها بعيوني وفقيرة ويتيمة ..
أشر بعيونه ..
_ م̷ـن عِيوني تدللين هسه گايم احجي وياه واقنعه
جرته وباسته بخدة ..
_ بعد روحي يمة واني اروح اعاين ابوك أإأذأإأ  گاعد احجي وياه بسالفتك
_ هههه ان شاء •اللّـہ̣̥
صعد الدرج وهو متوجه بخطواته لغرفه اخوة ..
ويحاول يقنعه بأي طريقه ..
مو لخاطر سالفته بس عبن حالة اخو مامريحته حتى هو ومسبب قلق للبيت ڱڵـه  ..
دگ الباب ودخل ..
جانت الغرفه ظلمة وباردة ..
بس ضوه خفيف وباهت ..
صادر م̷ـن الحمام الموجود بالغرفه ..
شغل الاضويه ودخل ..
انتبه ليوسف متمدد ومغمض عيونه ..
ومخليه ايدهه ع عيونه ..
والايد الثانيه جوة راسه ..
رفع راسه بعد ماحس بوجود احد بالغرفه ..
شاف كرم واكف ..
عدل گعدته ونزل رجليه وهي تلامس الارضيه الباردة ..
_ شبيك واگف تَعاّإاّإلّ اگعد
اجه گعد بصفه ..
بقوا ساكتين لفترة ..
وبس صوت نفسهم اليصعد وينزل ينسمع ..
كسر الهدوء وگال
_ امي گالت خوش بنيه ويتيمة لَيــِْ♡̷̴̬̩̃̊ـِْش  رفضتها قبل لٱ تعرفها ترى امي حقها مرة جبيرة وتريد تأمن عليك وتفرح عبن تشوفك مرتاح بحياتك لَيــِْ♡̷̴̬̩̃̊ـِْش  تصعبها عليك وعلينه ..
جر حسرة وگال ..
_ ياخويه مالي نفس بالنسوان ومااريدن اجرب مرة ثانيه كل همي هسه بنيتي
_ بنيتك تريد ام تريد حنان
_ ماادري ماادري وهاي البت غريبه عنه يخوي واخافن يصير شي لبنتي
_ امي ماتحجي الا أإأذأإأ جانت مختارتها بثقه وعبن تعرفها گد تتحمل مسؤوليه طفله ورجال
جر حسرة ومسح وجهه بكفوف اديه وگال ..
_ هاي هي ماعندي اعتراض مدامها امي واثقه ‏​‏​منـِْهـ♡̨̐ـِْا ..
ربت ع كتف اخوة ومبتسم
_ بيها الخير خويه وربي يجعلها م̷ـن نصيبك أإأذأإأ جانت خوش بنت
طلع م̷ـــِْن الغرفه..
تارك اخو يزفر بضيق والف فكرة وسؤال براسه..
_________
بمكان ثاني جان البيت مخبوص وهوسه ..
كلها ترتب وتحضر لجيه الشيخ واهله ..
وحدة منهن جانت تشتغل ..
بس بدون ماتبدي اي شعور ..
فاصله عن العالم وحايرة بوضعها ..
مر شهر عليها ..
وهي عايشه بيت ام باسم ..
باتت حزينه ومنطويه ع نفسها ..
كل ليله تمر عليها ..
تقضيها بالدموع والبجي ..
الا ان يطل الفجر وهي مضايقه طعم النوم والراحة ..
كل ليله دموعها تترس مخدتها ..
وحرارة البجي تجوي خدها ..
ليالي قاسيه مرت عليها ..
ترسم ملامحهم بالاطياف ...
بعد كلشي صار وياها ..
اصبحت الدقائق والساعات حارقه ..
واصبحت اكتوي بثوانيها ..
الفراق مؤلم وقاسي ..
نزلت دمعه ع وجناتها ..
وهي ترسم طريقها ع خدها المتعب ..
مسحتها بطرف ايدها ..
ورجعت تكمل شغل ..
جانت عيون مجرورة بالكحل تراقبها ..
ومنتبهه لكل حركاتها ..
تمنت لْـۆ تگدر اطلعها م̷ـــِْن وضعها الي صارت عليه ..
رغم كلشي سوت وجربت ..
بس عجزت تشيل حزنها والمها ..
وهي كل ليله تسمع ونينها وشهكاتها المكتومة ..
فزت م̷ـن سرحانها ..
ع صوت ندى وهي تطلب ‏​‏​منـِْهـ♡̨̐ـِْا تجي تساعدها ..
_ اي جايه جايه ياطلابة ريام الماتخلص كلها موجودة والا ريام خانوم تجي تساعدكم البنغلادشيه مالتكم اني
_ وووول بالعه لسان طير توك توك توك ... ماتسكتين ابد •اللّـہ̣̥ يعين الياخذج
تلعب بشعرها وايدها الثانيه ع خدها ..
_ لٱ گولي هنياله شفايتله ياخذني اصلا امة داعيتله بالخير الي ياخذني
جانت تضحك وتسولف ..
وضحكتها تجيب التايهه ..
فزن ع ام باسم وهي تصيح
_ شلون بالله تشتغلن لْـۆ اجي واعلمجن الشغل ع اصوله
اتراكضن ووحدة تصطدم بالثانيه وراحن ع شغلهن بدون صوت مسموع بعد الرزاله الي اخذنها ..
صارت الساعه ب 11
وصلوا اهل الشيخ والزلم راحوا للديوان ..
والنسوان دخلن للصاله ..
سلمن وگعدن وحدة بصف الثانيه ..
ساكتات ويستمعن للحجي ام يوسف وام باسم ..
جانت عيونها تباوع للطفله ..
الگاعده بحضن ام محمود ..
ابتسمت الها ..
وتحس فرحانه الًيَوُمًِ ..
يمكن لان شافت زهراء او اكو شي ثاني هي ماتعرفه يخليها تضحك ..
گامت م̷ـــِْن مكانها وراحت اخذتها ..
ورجعت گعدت يم ريام وندى ..
يلعبن وياها وهي تضحك ..
_ والله ياخيتي الًيَوُمًِ جايتج بطلب وان شاء •اللّـہ̣̥ ماتردونه خايبين
كلها انتبهت لام يوسف ..
وسط تساؤولاتهن وحيرتهن ..
الفضول العدهن اشتغل ..
ولازم يعرفن شنو هالطلب ه̷̷َـَْـُذآ ..
وحدة تباوع للثانيه مستغربه ..
كملت حجيها الحجيه وگالت ..
_ تعرفين يوسف الشيخ رادله بت عمه بس البت موش گد المسؤوليه وبعد ماانقرت الفاتحه كل واحد راح لطريجه والشيخ اقتنع ان بت اخو مو كفو تكون حرمة لولدي يوسف
_ اي حجيتيلي
_ اي بعد ماعاين بت عمه وحطها بأختبار وفشلت الوليد گال مااريدن اعرس بعد بس انَـỲǑŲـْتي تعرفين اني مودايمة اله واريدن اعاينه مرتاح وعايش حياته مثل هالوليدات الي بعمرة ..
وبعد تفكير طويل لگيتله المرة السنعه وعبن متأكدة راح تعوضه وتصير ام لبنيته
_ بيها الخير يارب ومنو هاي
حنين:
م̷ــِْن انذكر اسم يوسف ..
احس گلبي يدگ سريع ..
مثل الطبل ..
وشرايين قَلبـ♡ـي توقفت عن السريان ..
وقلبي الذي يتسارع نبضاته ..
للحظه احسست انه عمر بأكمله ..
حتى عِيوني احس فضحن شوقي اله ..
رغم جانت دقايق التقيت به ..
گدر يستحوذ ع گلبي ويأسرني ..
بنظراته الحادة والقويه ..
حسيت ع قبضه ايد ريام ..
رفعت راسي الها ..
جانت تباوعلي بنظرات حنان ..
گدرت تدخل لاعماقي وتعرف ان هالشخص مو احد غريب عني ..
انتبهنه للحجيه وهي تگول
_ اني رايده حنين لولدي يوسف وهاي الحجي گدامها صار

يتبع
..............................
متابعه ممتعه 😊