اقـروهـا تـم التعديـل 💚
#مدللتـي
الحـلقـه التـاسعـه عشـر و مـا قـبل الاخيـره
محسن : رقم غريب ساعة 2 ف الليل شن القصة !
اني مستغربة : باهي رد
محسن فتح الخط و قعد ساكت
مصعب : الوو
محسن لما سمع صوته تعصب : تفضل !!! من طالب ؟؟
مصعب تلخبط و شاف للشاشة : هضا رقم اميرة ولاا ؟؟
محسن قمعز متعصب : رقم امك يا كلب انت منووو
و بحت فيا و هو ايفنص
اني خفت و نبضات قلبي بدت سريعة و على طول خطر في بالي مصعب لان مافيش غيره يتصل بيا في عقاب الليل
مصعب فهم اني رجعت لمحسن و قعد ساكت
محسن طربق الخط في وجهه و بحت فيا : فهميني هضا منو اللي يتصل توا ؟؟؟
اني بخوف : مش عارفة
محسن علا صوته : كيف مش عارفة هو تليفوني ولا تليفونك ؟؟!!!!
اني خديت نفس و طولت بالي لان معاه حق يتعصب رقم غريب يتصل بمرته ف الليل و يقوله هذا رقمها لو حد تاني في مكانه راهو انعمى قلبه و بدا يضرب و يعيط طول
محسن يبحت فيا و يرجا في ردي و مبرري مايبيش يتسرع و يشك فيا لانه واثق من حبي ليه
اني : المدة اللي فاتت كلها ولد خالي يتصل بيا و يضايق فيا خصوصا لما سمع بإني رجعت لحوش هلي حطني في راسه و منها و هو طالعلي برقم جديد لاني حاطته في الحظر فا اكيد هو مصعب
محسن عاقد حواجبه : و كنك ماقلتيلي عشان نعدي انحشله رجليه من منبتهم ولا نفصع ارقبته و نجيب اخرته اه ؟ ولا عاجبك اللي صار توا خربت ليلتنا و وصل للي يبيه ؟
اني سندت روحي و رفعت شعري وراي : تو مش عارف ان ماكناش في الابيض اني وياك يعني كيف تبيني نقولك و اني كنت نبي انتطلق منك
محسن فنص فيا و كرني من كتفي على صدره : خلاص اسكتي و معادش تجيبي سيرة الطلاق لنطربق الدنيا فوق راسك توا
اني زرتني الضحكة و ضحكت بلا صوت و بدون مانوضحله
محسن : مانبش حد يشاركني فيك ولا يجي خاطيك ولا حتى يتكلم معاك .. و مش حنسمح لحد ان يخرب بينا او ايخسرنا بعضنا ، اني شكيت فيه هو الكلب العافن لان الصوت مش غريب عليا لكن تو نعرف شن انديرله يومين و نكون عنده ف طرابلس نصفيه من اول طلقة
اني انصدمت : معقولة تقتل واحد مايسواش و توسخ ايديك بدمه ؟؟ و تنحبس و ننحرم منك طول عمري ؟؟ نهون عليك حسوني ؟
محسن عصرني عنده بقوة : عشانك نقتل قبيلة تامة و نضحي بروحي اخرى مش نقتل واحد بس ، اللي يجي خاطيك او يفكر حتى التفكير فيك مستعد نحرقه حرق و مش حنوخر ولا حنندم
اني سكتت و قعدت سارحة نحمد في ربي واجد على نعمة وجود محسن في حياتي و على انه عوضني براجل كيفه يحبني و صايني و يخاف عليا و ينشد بيه الظهر
محسن بحت فيا : كنك ساكتة ؟
اني رفعت راسي و بحتت فيه مبتسمة : لو تحق روحك كيف واكلتك الغيرة ماكلة
محسن رفع حاجبه : و كني ؟ مش عاجبك اوه !!
اني حطيت ايدي على لحيته : تعجبني و تعجب الملك ياروحي 😘
محسن تكلم عند وذني بصوت واطي : يانعلي من هالجمال يا ناس مانقدرش نقاومه و ربي
اني ضحكت و محسن .....
_________________
بعد مرور أشهر 🌹
مهيـب جـاء مـن وراء غزلان 💚و حطلـها البـاقـه فـوجهـا، ضحكـت غـزلان و حطيـت ايديـهـا علـى بـاقـه اتـشم فيـها
مهيـب قمعـز جنبهـا. : كيـف حــالا حبيبـي اليـوم
غـزلان حطـت البـاقـه و ابتـسمـت : حـالي بـاهـي
مهيـب عقـد حـواجبـه و قـام نظراتـا علئ شعـرا و مسـك ايـدهـا: مـن اللـي مضـايقـك و مـزعـلك اه
غـزلان : مهيـب انـي اسبـوع الجـاي جـايينـي عـرب
مهيـب ضحـك: و بـاهـي. ! اول مـره ايجـوكـم عـرب يعنـي
غـزلان ضربـاتـه بالخفـيف و بصـوت فيـه الرعشـه. : بيخطـبونـي
مهيـب : اهـا بـه عـادي شوفـي حياتـك
غـزلان صبـت وجـت قـدامـه: شنـي شـن قـلت
مهيـب حـط ايديـه في اجيـوبـا: قتـلك شوفـي حياتـك لانـي امطـول انـي
غـزلان عزقـت البـاقـه عليـه و ضحكـت: تكـذب ولا ويـن حبـك ليـا ! ويـن عهـودك ويـن هـوبي اللـي ايحبنـي اه
مهيـب صبـا و مسكـها مـن ايديـهـا ضغـط عليـهن و عـض فمـه. : فضحتـي بينـا النـاس تشبحلنـا خـلاص هـسس
غـزلان فكـت ايديـهـا و هـزت راسـهـا بـلا : مـش هضـا عشمـي فيـك ! على قـد مـا حبيتـك كرهتـك
مهيـب ضحـك على جنـب و مشـي
_______________
