انتقام ام سعى وراء الحب الجزء الاول

انتقام ام سعى وراء الحب الحلقة الاخيرة

انتقام ام سعى وراء الحب الحلقة 21 والاخيرة الجزء الاول وال2
ادهم راحلها بكل عصبية الدنيا شدها جامد وخرجوا برة القاعة وراحوا لمكان هادى<br>
سمية:دة اكيد غار عليها...والله طلعت بتفهم حركت رجولته برمشة عين<br>
تسنيم:هو فى حاجة بين ادهم والبت اللى كانت بترقص دى الصراحة باين على ابنى انه معجب بيها وعايزة اخدها ليه<br>
سمية:بقا بذمتك دة كلام تقوليه بقولك شدها من المكان اللى كانت بترقص فيه وخرجوا برة القاعة كلها الله اعلم هو هيعملها ايه<br>
تسنيم:مش ابن عمها فاكيد هيخاف عليها قصدك يعنى انهم هيتجوزا يعنى ولا ايه<br>
سمية:ايوة هيتجوزا هما اصلا حاليا مخطوبين ايه مشوفتيش الدبلة فى ايدها ولا ايه<br>
تسنيم:معلش ياسمية سامحينى العتب على النظر خلاص اعتبرينى مقولتش حاجة<br>
سمية:متزعليش وان شاء الله ربنا هيرزقوا بالبنت اللى تصونه وتصون شرفه فى غيابه<br>
تسنيم:ان شاء الله<br>
عند ادهم وجنة<br>
جنة بخوف:اه ايدى ياادهم فى ايه براحة منا جاية معاك اهو مش بجرى منك<br>
ادهم بعصبية:هو انتى ازاى ترقصى بالطريقة الزبالة اللى كنتى بترقصى بيها انتى فرحانة بلمة الشباب حواليكى ولا ايه ثم انتى ختى اذنى اصلا قبل مترقصى<br>
جنة:اسفة الصراحة الاغنية دى بجبها اوى معلش معرفتش اسيطر على نفسى سورى متزعلش وبعدين انا مش فرحانة بلمة الشباب حواليا ولا حاجة انت اللى بتهيالك كدة<br>
ادهم:جنة متعصبنيش <br>
جنة:انا مش بعصبك انا بس بشرحلك نيتى وبعدين انت مالك بيا اصلا <br>
ادهم بعصبية زيادة:يعنى ايه مالى بيكى <br>
ومسك ايدها:شوفى انت لابسة دبلتى ياهانم يعنى تتصرفى باحترام وادب علشان اى حركة هتعمليها هتتحسب عليا قبل عليكى<br>
جنة انبسطت جدا وقالت:اوعى تكون غيرت عليا <br>
ادهم:غيرت....هههههههه والله غلبانة روحى العبى بعيد ياشاطرة متاخديش مقلب فى نفسك انا بس خايف على منظرى مش اكتر<br>
جنة:ماشى ياادهم على راحتك وقولتلك اسفة ممكن نخش بقا ولا ايه<br>
ادهم:خشى ياجنة واعملى حسابك تفضلى قاعدة جمبى متتحركيش تمام <br>
جنة:ماشى<br>
الدنيا عدت تمام وروحوا على البيت<br>
فى اوضة لميس<br>
جنة:لميس يالميس<br>
لميس:ها انتى بتنادى<br>
جنة:ايوة ياختى بنادى مالك سرحانة فى ايه <br>
لميس بسرحان:بشار<br>
جنة بتمثل السرحان:ماله<br>
لميس:انتى بتتريقى عليا ياجنة <br>
جنة:هههههه اعملك ايه روحى شوفى شكلك اقسم بالله يضحك بجد وبعدين ماله بشار<br>
لميس:باسنى<br>
جنة بصدمة ممزوجة بالعصبية:باسك ازاى وانتى ازاى تخليه يبوسك اصلا هو مينفعش يقرب منك غير لما تبقى مراته شرعا وقانونا طب افردى بقا محصلش نصيب ايه اللى هيحصل اقولك انا هتحسى برحض ونقص وهيفضل يعايرك بالموضوع دة العمر كله<br>
لميس:فى ايه ياجنة انتى مالك قلبتيها دراما كدة ليه بشار مش من النوع دة ابدا وبعدين انا بثق فيه<br>
جنة:الموضوع ملوش دعوة بالثقة يالميس ...صونى نفسك علشان اللى برة يصونوكى غلى نفسك مترخصهاش فاهمانى<br>
لميس:فاهمة <br>
جنة:تعالى بقا احضنينى<br>
لميس حضنتها وقالت بشك:هى مالها كانت بتتكلم كان الموضوع دة حصلها وخايفة تحكيه معقولة لا لا يالميس انتى ازاى تفكرى كدة اصلا جنة مستحيل تكون كدة وايه بقا اللى خلاه مستحيل احنا منعرفش عنها اى حاجة لا الموضوع فيه اينا وانا لازم اعرفها<br>
تانى يوم<br>
بليل<br>
فى البلد<br>
نوارة قاعدة فى البلكونة سرحانة دخل عليها صالح<br>
صالح:الجميل سرحان فى ايه<br>
نوارة:ولا حاجا انا بس سرحانيه شوييه <br>
صالح:سرحانة فعبدالله مش كدة...هو انتى ليه مش مقتنعة انه مش بيحبك ابدا انتى تستاهلى سيد سيده متضايقيش نفسك وبعدين اللى بيحبها بنت بنت حلال وبتحبه فحرام عليكى نفسك <br>
نوارة:معاك حاج ياخوى بس انى تعبانة جوى محدش حاساس بيي ربنا يكفيك شر اينك تحب حد والحد ديه مش حاساس بيك واصل<br>
صالح:معلاش يانوارة جلبى وبعدين خوشى جوواة الجو ساجعة جوى عليكى <br>
نوارة خرجت هى وصالح من البلكونة  <br>
الكبيرة:عترغوا فى اييه فى البلكونى ياولاد جابر<br>
صالح:ولا حاجا ياما بجولك ايه انا مسافر على مصر بكرة<br>
الكبيرة بصدمة:يامرارى عايز تسافر ياصالح وتسيب امك ليوحديهي وبعدين ليه دلوق دى انتيه اللى مصبرنى على العيشيه بعد باسل ليه ياولدى<br>
صالح:يامى متخافيش انا تعبان وعايز ارتاح اسبوع بالظبط وهاجى على طول مش هطول صدقينى انا مقدرش اعيش من غيرك ياست الكل<br>
هريدى:سيبيه براحته ياكبيريه لو عايز ترتاح وتسافر ياولدى روح ربنا معاك<br>
صالح:ماشى<br>
فى بيت بشار<br>
منة قاعدة بتحط ميكاب على التسريحة <br>
منة:شو رايك فينى بشار<br>
بشار:منيحة<br>
منة:ليك كيف عرفت انى منيحة انت ما شوفتنى لحتى تحكم عليا<br>
بشار:شو بدك هلا<br>
منة:لا يابشار انا بجد زهقت انا حقوقى على فكرة مش باخدها انا تعبت على فكرة<br>
بشار:تعبتى وانا على فكرة تعبت انا كمان خلاص ياستى انا هسيبلك البيت وماشى<br>
منة:انت عايز تسيبنى يابشار كل دة ليه علشان خاطر واحدة احطها تحت جزمتى دى متسواش تلاتة تعريفة فى سوق النسوان <br>
بشار ضربها قلم وقال بنبرة تهديد:اياكى اسمع منك كلمة وحشة تجاه لميس انتى فاهمة وبعدين انا قولتلك مليار مرة مش بحبك مش بطيقك مش طايق ابص فى وشك ارحمينى يامنة بقا<br>
<br>
<br>
<br>
<br>
<br> منة:انا اللى ارحمك انا يابشار هو انت ليه محسسنى انى طفيلة رخمة عايزة تتطفل عليك بالعافية ليه مصمم تحسسنى انى رخيصة ليه يابشار<br>
بشار:علشان انتى كدة فعلا بقولك ايه انا مش طايق ابص فى وشك انا همشى<br>
منة مسكته بس هو زقها وخرج برة البيت كله<br>
فى العربية<br>
بشار:الو<br>
لميس:ايوة يابشار مال صوتك ايه اللى حصل<br>
بشار:اتخانقنا انا ومنة<br>
لميس:ليه بس اكيد بسببى انا اسفة اوى يابشار <br>
بشار:لا على فكرة مش بسببك احنا اصلا كدة من قبل مشوفك مكنتش بتكلم اصلا بس لما شوفتك تعبت من العلاقة دى بجد والله يالميس مستني اليوم اللى تدخلى فى بيتى ساعتها هحبسك جوة قلبى ومش هخرجك منه ابدا<br>
لميس ضحكت وقالت:ان شاء الله ياحبيبى<br>
بشار:روحى😍<br>
لميس:انت فين دلوقتى<br>
بشار:فى البيت<br>
لميس:بس انا سامعة دوشة اوعى تكون سيبت البيت يابشار<br>
بشار:يخربيت سنينك انتى يابت مخوية ولا ايه ايوة ياست سيبت البيت مقدرتش انا مش طايق ريحتها اصلا<br>
لميس:يااااه للدرجادى يابشار<br>
بشار:واكتر والله يالميس انا مخنوق بجد عايز اترمى فى حضنك واقعد اعيط للصبح مش هتكسف لانى نايم فى حضن مراتى وام عيالى وسندى<br>
لميس بكسوف:بشار الله عيب كدة<br>
بشار:مع السلامة خلى بالك من نفسك<br>
لميس:وانت كمان سلام<br>
بشار:سلام<br>
فى اوضة لميس<br>
جنة:ربنا يخليكوا لبعض<br>
لميس:تسلمى ياروحى<br>
جنة:انا هنزل فى الجنينة شوية عايزة حاجة<br>
لميس:جنينة ايه دلوقتى ياجنة الوقت اتاخر وادهم هيزعق<br>
جنة دخلت البلكونة لقت ادهم<br>
جنة:انا هنزل وخلص الكلام باى<br>
ومشيت<br>
لميس:ربنا ميحميكى من الهبل ياجنة امين يارب العالمين<br>
فى الجنينة<br>
جنة:ايدة انت هنا<br>
ادهم:ومالك مستغربة كدة ليه<br>
جنة:لا وانا استغرب ليه يعنى بقولك ايه هو يعنى مش علشان جوازنا غصب تبقى تعاملنى بالاسلوب دة<br>
ادهم:جنة والله انا بعزك صدقينى وجوازى منك انتى لازم تعرفى انه علشان احميكى <br>
جنة:كتر خيرك <br>
ادهم:ايه كتر خيرك دى انتى شايفة نفسك بتشحنى على باب السيدة ولا ايه<br>
جنة:اومال عايزنى اقولك ايه طيب ادهم انا مش عايزة اخسرك لو مش زوج يبقى اخ او صديق <br>
ادهم ضحك وقال:انا هبقى ضهرك وهراعيكى واحميكى دة اللى اقدر اوعدك بيه<br>
جنة:وانا مش عايزة اكتر من كدة يلة تصبح على خير<br>
ادهم:وانتى من اهله<br>
جات تمشى بس فى ايد مسكتها وحطت السكينة حوالين رقبتها<br>