انتقام ام سعى وراء الحب الجزء الاول

انتقام ام سعى وراء الحب 14 و15

انتقام ام سعى وراء الحب 14_15
الحلقة 14

اتصدمت لميس من اعتراف بشار لحبه ليها مكنتش متوقعة ان دة يحصل بالسرعة دى كانت متوقعة انها غلطانة وبشار مش معجب بيها<br>
بشار:ايه ساكتة ليه متقولى اى حاجة<br>
لميس:مينفعش<br>
بشار:ايه هو اللى مينفعش...مينفعش احبك ولا مينفعش انى اكون عايزك تشيلى اسمى...ولا مينفعش انك تكونى انتى ام اولادى ايه هو اللى مينفعش يالميس<br>
لميس بصوت مش طالع اصلا:مينفعش كل دة..انت انسان متجوز..حتى لو علاقتكوا مش مستقرة انا مينفعش ادخل حياتك بالطريقة اللى انت عايزها<br>
جت تمشى بس هو مسكها ولوى دراعها:انتى مشف فاهمة اى جاجة يالميس...علاقتنا انا ومنة مش علاقة عادية ابدا بين اى زوج وزوجة انا مخترتهاش ابدا...الحاجة الوحيدة اللى اخترتها انتى متبعديش عنى انا عايزك بحلال ربنا ولو وافقتى انا مستعد اطلبك من ادهم<br>
لميس:بس انا مش بحبك<br>
بشار:كدابة عينك بتقول غير كدة<br>
لميس:انا مش مستعدة للموضوع دة...انا معرفش ايه اللى ممكن يحصل معاها...انا مش عايزة اخطفك منها..انا مش هستحمل انها تعيط بسببى<br>
بشار:بتحبينى ولا لا يالميس سوال وعايز جواب
لميس:منكرش دة..بس الظروف اقوى منى ومنك انت متجوز وانا واثقة ان سليم مش هيسيبنى فى حالى هو متعود ان اى مشكلة تحصل بينا انا اللى اصالحه لو ملقاش دة اكيد هو هييجى<br>
بشار:ملكيش دعوة ب سليم هو مش هيقدر يقرب منك..انا هتجوزك يالميس وملكيش دعوة بمنة ابدا<br>
لميس:بشار لو سمحت انا محتاجة وقت افكر
بشار:براحتك يالميس وعلى اقل من مهلك انا مش هفرض نفسى عليكى مهما حصل<br>
لميس معلقتش مشيت<br>
اما بشار قعد على الكرسى وحط راسه وراءه وقال:اه يارب طب اعمل ايه..انا حبيتها بجد..خطفت قلبى من اول لحظة شوفتها فيها.بس انا مستعد فعلا انى اواجه علاقتى انا ومنة...ياترى منة هتقبل..طب ولو سالتنى عن سبب الجوازة دى...اكيد هتعيارنى بالعقم...بس انا يستحيل اخليها تعرف باى حاجة وكمان يستحيل اتخلى عن لميس مهما حصل<br>
فى بيت باسل ونور<br>
نور صحيت من النوم بصت على ايدها المحروقة وافتكرت لما باسل باسها ضحكت تلقاءيا وقالت:يالهوى لو حبيته بجد...ايدة انتى عبيطة يانور.دة سبب كل اللى بيحصلك..انتى ناسية هو عمل فيكى ايه..بس معرفش ليه بحس انه يستحيل يعمل كدة..اوف بقا<br>
قامت ولبست وخرجت برة الاوضة لقيته لسة نايم راحت وقربت منه فضلت تبصله فمتعرفش ليه مرة واحدة حطت ايدها على راسه فحطتها اتغجات بيه سخن جدا<br>
نور:يالهوى دة سخن اوى..طب اعمل ايه <br>
راحت المطبخ وجابت حلة صغيرة وحطت فيها مياه وجابت قماشة وراحتله عملتله كمادات كانت قلقانة عليه بجد فضلت حوالى فوق الساعتين تعمله كمادات ولما هدى شوية اتطمنت ودخلت المطبخ تعمل الفطار<br>
هو صحى من النوم كان تعبان فبيبص لقة الحلة والقماش استغرب فلما حط ايده على راسه عرف انه كان سخن وهى اللى عملته كمادات فراحلها المطبخ <br>
باسل:صباح الخير<br>
نور بصتله وقالت:صباح النور <br>
باسل متصنع العصبية:هو مين اللى قالك تعملى اللى انتى عملتيه دة...حد قالك تعمليلى كمادات...بصراحة انتى زوجة مطيعة جدا<br>
نور:بطل تريقة لو سمحت..انا شوفتك سخن  فقولت اعملك كمادات يمكن تهدا شوية وعلى فكرة لو قلت شكرا مش هتخس النص<br>
باسل قرب منها وقال:شكرا ياستى حاجة تانية<br>
نور بصتله بصدمة:هه انت قلت شكرا بجد لا سمعنى تانى كدة<br>
باسل:نور<br>
نور:خلاص ياعم متقفش بقولك هو انت هتروح تتدرب انهردة صح متاخدنى فى طريقك علشان رايحة عند ماما <br>
باسل بعصبية:برده يانور انتى مش هتستريحى غير لما يقتلك بجد.دة مش اب ابدا..انا اول مرة اشوف اب كدة..هو ليه بيكرهك كدة<br>
نور:معرفش..من ساعة متولدت وهو بيعاملنى كدة.بقولك ايه بلاش كلام فى السيرة دى هتوصلنى ولا لا<br>
باسل:ايوة هوصلك<br>
ولبسوا وباسل وصل نور عند سلوى<br>
فى العيادة<br>
جنة وادهم راحوا العيادة عادى مفيش حاجة مهمة حصلت معاهم يومهم كان ماشى تمام ورسمى<br>
فى بيت نور<br>
نور:ازى حضرتك ياماما<br>
سلوى:وحشتينى اوى يانين عين امك عاملة ايه.<br>
نور:بخير الحمد لله ختى دواكى ولا لسة<br>
سلوى:ايوة خته بس لسة فاضلى الابرة <br>
نور:طب تعالى انا هديكى الابرة حاضر من عينى ياامى<br>
سلوى:تسلمى عيونك يارب يانور<br>
راحت وايديت لسلوى الحقنة وقعدوا<br>
سلوى:قوليلى عاملة ايه مع جوزك<br>
نور:الحمد لله ياماما متقلقيش<br>
سلوى:لا انا عمرى مقلق عليكى وانت معاه..هو بيحبك فعلا يانور..هو بيحب يناكشك بس<br>
نور:هههههه انتى غلبانة اوى ياامى دة بنى ادم معندوش ريحة الانسانية ابدا...انسان غامض متفهموش تعرفى لو عملت دكنوراه علشان اعرف افهمة هفشل فشل ذريع.<br>
سلوى:نور انتى متعرفيش لما كنتى ماسكة الفحم كان بيتعذب معاكى انا شوفت فى عنيه دة<br>
نور باستغراب:يستحيل ياامى انتى متعرفيش هو عمل فيا ايه<br>
سلوى:عمل ايه<br>
نور حكت لامها كل حاجة<br>
سلوى بخضة:يالهوى يانور..يعنى خطفك وابتزك علشان تتجوزيه يعنى اللى حصل مكنش بمزاجك<br>
نور بعياط:مزاجى ايه ياامى انا يستحيل اخلى حد يقرب منى بالحرام هو خطفنى علشان ينتقم منى انا عارفة مكنتش ينفع اسمع كلام الزفتة ياسمين دى من الاول<br>
سلوى:طب وياسمين دى عايزة تعمل كدة فى جوزك ليه<br>
<br>
<br> نور:والله معرف ياامى<br>
سلوى:طب انتى روحتى عند دكتورة امراض نسا تكشفى على نفسك تتاكدى <br>
نور:اتاكد من ايه بقولك خطفنى وضيع شرفى وجاب رجالة يعملوا فيا اللى ميتعملش دة انسان همجى وخاين<br>
سلوى:طب ليه اتجوزك طالما هو همجى وخاين<br>
نور:معرفش انسان غريب انا والله مش بفهمه ساعات بحس ان حنية الدنيا فيه وساعات بحس انه شرس فعلا<br>
سلوى:ولا غريب ولا حاجة روحى اكشفى على نفسك يانور بس لو طلعتى فعلا بنت بنوت هتعملى ايه<br>
نور بحيرة:مش عارفة بقولك ايه ياماما الاكل سخن جوة كلى وانا هروح واجى فوريرة اوك<br>
وجريت<br>
سلوى:ربنا يهدى سرك يانور يابنتى يارب ولو انسان طيب وبيحبك يصلح حاله ويالف قلوبكم على بعض امين يارب العالمين<br>
نور راحت العيادة وفضلت مستنية وقت طويل خلص الوقت ودخلت <br>
نور:السلام عليكم<br>
الدكتورة:عليكم السلام<br>
نور بتوتر وكسوف:انا جيت علشان اكشف عذريتى لو سمحت انا اتعرضت لحالة اغتصاب وحابة اعرف<br>
الدكتورة:انتى متجوزة<br>
نور بتوتر:لا<br>
الدكتورة:تمام اتفضلى معايا<br>
نور راحت معاها وعمالة بتدعى ربنا انها تكون بنت بنوت وتكون ظلمت باسل<br>
الدكتورة كشفت عليها وخرجت<br>
نور:خير يادكتورة طمنينى بالله عليكى7ت<br>
الدكتورة:متقلقيش انتى بنت بنوت دة مفيش حد لمسك اصلا دة باين جدا<br>
نور عيطت عياط ممزوج بالفرحة طالما هو معملش فيها حاجة وحشة ليه اتجوزها ليه فضحها دة مش انتقام دى تربية هو عايز يربيها وبس<br>
نور:شكرا جدا يادكتورة<br>
الدكتورة:العفو ياحبيتى دة واجبى<br>
نور جريت وخرجت برة العيادة ورنت على <br>
باسل:الو<br>
نور بعياط:انت فين ياباسل لو سمحت تعالى بسرعة انا مستنياك فى البيت متتاخرش عليا انا محتاجاك بجد<br>
باسل قلق عليها وكان مستغرب كمان:انتى كويسة يانور ايه اللى حصلك ابوكى تانى ردى عليا يانور<br>
نور برده عمالة تعيط <br>
باسل بعصبية:بطلى عياط هو انتى معندكيش غيره اقفلى يانور انا جاى<br>
نور قفلت معاه وراحت على بيتهم <br>
عند باسل<br>
هنا:فى ايه ياباسل مالها نور<br>
باسل:مش عارف البت دى من يومها بتاعت مشاكل يخربيت كدة انا مش فاهم ايه الحظ ا الزفت دة للى وقعنى فى البت دى انا هروح اشوفها<br>
وفعلا ركب العربية وروح <br>
فى بيت باسل ونور<br>
باسل فتح الباب وعمال بينادى على نور<br>
نور خرجت برة الاوضة وجريت واترمت فى حضنه وفضلت تعيط جامد هو اتصدم واتصمر فى مكانه مش عارف هى اللى عملت كدة ولا واحدة غيرها عياطها خوفه جاى يبعد علشان يغهم منها بس هى مسكت فيه اكتر<br>
نور بعياط:اوعى تسيبنى خليك جمبى اياك تسيبنى انا مجتاجة وجودك معايا علشان خاطرى ياباسل <br>
باسل حضنها علشان يهديها:طب اهدى في ايه بس يانور بطلى عياط وفهمينى ايه اللى حصل<br>
نور:اللى حصل انى عمرى محسيت بطعم الحنية ولا حد يرعانى ويخاف عليا انا طول عمرى مصدر تعب ياباسل انا ساعات كنت بتمنى الموت علشان ارتاح وريح الناس معايا انا معرفش ليه ابويا بيكرهنى كدة بدل مكان يدينى حضن يقولى فيه انا معاكى وفضهرك يدينى كرباج ويفصل يضرب فيا على طول شايفة حور بتاخد كل حاجة منى خليك معايا ياباسل ابوس ايدك<br>
باسل صعبت عليه جدا:طب اهدى..خشى ارتاحى شوية يانور شكلك تعبان انا مش عارف ايه اللى حصلك انا سايبك كويسة<br>
نور عمالة بتعيط من كتر العياط داخت <br>
باسل اتخض عليها وشالها ووداها الاوضة وحطها على السرير جى يمشى بس هى مسكت ايده:انت مين ياباسل<br>
باسل:نامى يانور<br>
نور:خليك معايا نام جمبى انهردة لو سمحت<br>
باسل شافها تعبانة فراح ونام جمبها هى دفنت راسها فى صدره وغمضت عينها ونامت   
منة دخلت مكتب بشار<br>
منة:كيفك حبيبى ليش بدك يانى<br>
بشار:تعالى يامنة اقعدى <br>
منة قعدت جمبة وقالت:خير يابشار قلقتينى<br>
بشار استجمع شجاعته واتكلم:منه انتى عارفة انى يستحيل اتخلى عنك وكمان عارفة ان انا مقصرتش معاكى فى حاجة كزوج ليكى وعارف كمان انك ضحيتى علشانى <br>
منة:ايوة الحاجات دى كلها عارفاها بس ايه اللى خلاك تقولى كل دة ايه اللى فى دماغك يابشار <br>
بشار:انا قررت اتجوز يامنة..بس صدقينى مش هظلمك..حقوقك هتاخديها ومش هجور عليها مهما حصل<br>
منة قامت مرة واحدة وقالت:ايه التخاريف دى يابشار عايز تتجوز بجد هو انت ليه بتعمل فيا كدة...انا عارفة انك مغصوب على الجوازة دى بس انا عوضتك انى معاك بالرغم من انك عقيم عايز نبقى فى حضن واحدة تانية غيرى وياترى بقا ست الحسن تعرف انك عقيم <br>
بشار:ممكن تهدى وتسمعينى انا بحبها يامنة انا مش هسيبك دة اللى اقدر اوعدك بيه بس انا مش هتخلى عن لميس من حقى اتجوز مرة واتنين وتلاتة مش هتقدرى تمنعينى<br>
منة:هتندم يابشار شوف بقا انا هعمل ايه قسما بالله مهخليك تتهنى بيها خلى دة فى دماغك سلام ياعريس<br>
ومشيت<br>
بشار مسك موبايله ورن على<br>
بشار:الو<br>
لميس:ايوة يابشار<br>
بشار:انا مستنيكى فى كافيه...بسرعة يالميس انا فى موضوع مهم عايز اتكلم معاكى فيه<br>
لميس:ماشى يابشار مسافة السكة سلام<br>
طق طق<br>
سلوى بتفتح تلاقى باسل<br>
<br>
<br>
<br>
<br> <br>
سلوى:انت<br>
باسل:ازى حضرتك انا اسف لو جيت فجاه بس الموضوع صدقينى يستاهل<br>
سلوى:خير ان شاء الله اتفضل<br>
باسل دخل وقعد على الكنبة<br>
باسل:هو ايه اللى حصل لنور...حالتها صعبة انا عايز اعرف هى عيشتها معاكوا كانت عاملة ازاى البنت نفسيتها مدمرة من ابوها<br>
سلوى:عيشتها كلها مرار يبنى نور طول عمرها هى اللى شايلة البيت وشايلانى كانت مهما تعمل ابوها يعمل نفسه مش شايف من يوم متولدت وهى مشافتش يوم حلو كانت على طول من وهى صغيرة تجيب المشاكل كانها بتطاردها انا عارفة انها غلطت معاك بس صدقنى يمكن ربنا عمل كدة علشان يعوضها بيك خلى بالك منها اوعى تتخلى عنها<br>
باسل:انا برده مش فاهم ليه بيكرها اوى كدة..دى حتة منه.انا مش هسيبها ان شاء الله بس هى حالتها صعبة انا سايبها نايمة <br>
سلوى:روحلها وخليك معاها وابتدوا مع بعض من جديد ونسيها حياتها اللى هى عاشتها معانا اوعدنى يبنى<br>
باسل:اوعدك ياامى حاضر<br>
سلوى ضحكت ودعيتله هو استاذن ومشى <br>
فى الكافيتريا<br>
لميس:خير يابشار<br>
بشار:انا هتجوزك يالميس.وصدقينى مش هتندمى بس الاول لازم تعرفى حاجة<br>
لميس:حاجة ايه دى<br>
بشار:منة مش بحبها بس هى واقع ومفروض عليا بس انتى لا.منة بنت عمى يعنى مسءوليتى مينفعش اتجاهل دة وخاصة انها يتيمة وملهاش غيرى وهى اصلا مريضة انا تعبت منها<br>
لميس:انا مش فاهمة مريضة بايه...يعنى هى عارفة انك بتحبنى انت قولتلها بجد<br>
بشار:ايوة قولتلها..لميس انا كدبت على منة وفهمتها انى عقيم بس هى اللى عقيمة مش انا<br>
لميس بصدمة:بس انت ليه قولتلها كدة..ليه كدبت عليها طب لو الموضوع دة انكشف هتعمل ايه يابشار..قصدك ان احنا لو اتجوزنا مش هنخلف انت قصدك كدة<br>
بشار:انتى عبيطة يالميس دة انتى الوحيدة اللى اتمنى انى اخلف منها بس الموضوع دة هيحصل بامر الله لكن بترتيب الاول بس انتى موافقة<br>
لميس:خايفة<br>
بشار:مينفعش يقرب منك وانا جمبك<br>
لميس:طب لو قولتلك موافقة هتعمل ايه هتواجه منة لوحدك..هى ست وبرده مش هتستحمل اخطف جوزها منها..دى هتقتلنى<br>
بشار:انا هكلم ادهم وبعد كدة يحلها حلال بس الاول هاخد موافقته ومتقلقيش انتى هيبقى ليكى شقة وهى كمان<br>
لميس بغيرة:يعنى هتبقى على ذمتك..هتشاركنى فيك..انا مش هستحمل دة..انا فعلا بحبك بس برده كرامتى يابشار<br>
بشار:معنديش اختيار تانى والله حاجة خارجة عن سيطرتى ابوها وصانى عليها ومينفعش اجبر بخاطره ابدا ساعدينى نتخطاه الموضوع سوا<br>
لميس:ربنا يسهل يابشار ممكن تروحنى طيب<br>
بشار:طب خليكى معايا شوية<br>
لميس:طب بشرط<br>
بشار بفرحة:اشرطى والله يالميس لو طلبتى النجوم هجيبهالك<br>
لميس:لا مش للدرجادى انا عايزاك تتكلم لبنانى الصراحة دمك بيبقا اخف<br>
بشار:ههههههههه ماشى ياستى هكلمك لبنانى<br>
وفضلوا يهزروا مع بعض القرب بينهم زاد جدا كل واحد عرف حاجات كتير عن التانى<br>
بليل <br>
فى العربية<br>
ادهم:ايه رايك فى الشغل<br>
جنة:اه كويس جدا هو مش بكرة اجازة<br>
ادهم:ايوة انا مش رايح العيادة بكرة<br>
جنة:طب هو انا ممكن اطلب منك طلب..وعلى فكرة انا بطلب كعشم وعلشان احنا صحاب<br>
ادهم:قولى ياجنة<br>
جنة:ايه رايك لو روحنا دريم بارك انا عمرى مروحتها خالص وحبة اروحها معاك لو مش حابب تروح معايا لوحدك انا ممكن اكلم لميس تيجى معانا<br>
ادهم:لا مش مسالة مش حابة اروح لوحدى معاكى المسالة انه مينفعش هوديكى دريم بارك عادى معنديش مشكلة وهكلم لميس تيجى معانا تمام ياستى<br>
جنة فضلت نتنطط كانها طفلة هو بصلها وضحك حب الطفولة اللى فيها وروحوا البيت <br>