#صغيرتي_كالشمس.tt
》》》البارت 2《《《
هي العروس تبزع منك وتعوفك وكتها اخذ مها
سلام...اكلك متسكت الخاطر الله يريد يورطني جايبلي وحده مااعرفها لى ازوجها لو يغضب عليه هو هذا هم اب
مصطفى..ابو يريد مصلحتك صدكني مراح تندم فكر وشوف نفسك ورداي خبر ماريدك تصفه على الحديده وصدك بس تخلص فلوسك مها تعوفك
سلام....عفت مصطفى واني حسبه تودي وحسبه اجيب بقيت افكر لحد ماغفيت الفجر كعدت ساعه 2الضهر بقيت بالفراش افكر اذا قبلت مها يعني متحبني صدك علمود فلوسي واني شعدي ازوجها وابزعها اخليها هي تطفر حتى بعد ابويه يأمن بيه ويسلمني المصنع بس خلي اشوف مها.....الووو ها حبي مشتاقلج نطلع نتغده بره
مها....ساعه 3وكت غده
سلام..تعبان محتاجج وجوعانه متعارك وي اهلي بعدني ممتغدي
مها...اوكي حبي تعال .....طلعنه وتغدينه بس سلام ضايج
سلام....مها اكولج على شي بس سمعيني للاخير
مها..خوفتني...بكلبي هذا بس لا راح يعوفني
سلام...ابويه يريد يزوجني واذا مقبلت ازوج الي مختاره الي يحرمني من الورث ويطلعني من البيت واي فلس بعد ماكو حتى السياره يسحبها
مها😳وشراح اسوي...راح تزوج
سلام....لا طبعاً انتي عدي اهم من الفلوس
مها...واذا ازوجتها شراح يصير
سلام...يسلمني المعمل
مها..حبي اقبل بعرض ابوك مراح تندم
سلام..وانتي
مها...اني مطايره ...حبي تعرف شنو يعني راح تنحرم من الفلوس يعني لو نموت مراح نكدر نزوج واني حالي حال اي بنيه اريد جهاز وبيت واثاث وعرس وسفر وحياه مترفه اذا تبره منك ابوك هذني كلهن ماكو واذا قبلت راح تستلم المعمل راح تكدر اصيطر اكثر وفلوسك ازيد واذا تحبني هاي البنيه معليك بيها بزعها عوفها لتقربها خليها هي تنهزم بساعتها ابوك راح يقتنع ويزوجنه بلوكت الي انت ثبتت نفسك بلمعمل بشغلك وجهودك
سلام...يعني ماعدج مشكله اذا ازوجة غيرج
مها...لا مو عادي بس لازم نتحمل حتى نكدر نزوج احنه والي تزوجها اريدك تهملها كلش مالك علاقه بيها ابد حتى بلكي تحس من البدايه وتعوفك
سلام..بكلبي حجي مصطفى صح.....رجعت للبيت روحي طالعه لزمت مصطفى كتله كول لابويه موافق
ءمصطفى...عين العقل حبيبي الله يسعدك......
نرجع للعروس الحلوه
فنن..قرب يوم الخطوبه واني ولا جني عروس ولا فرحانه اخذتني امي حفيت واشتريت نفنوف للخطوبه ولحد هسه ما اعرف العريس ولا سألت عليه شكله شغله اسمه ابد طبعاًمن اطلع للسوك ينزل ويانه حرس واحد من اخوتي ...اخذت الهدوم وحضرت نفسي امي مقبلت اخلي مكياج هواي بس شي بسيط باودر خفيف وحمره وردي وعيني رسموها بسيطه وحلوه كولش كاعدين بصالون امي تقره معوذات لان كلها بقت تباوع عليه.....
سلام..اليوم الخطوبه اتفقت وي ابويه ميجبرني على شي وبس اخلص الخطوبه اسافر معليه بتجهيزات وهاي السوالف هذا جان شرطي عليهم وهمه قبلو....طبينه لبيت العروس ابويه عرفني با ابوها كلت ساعت السوده هم اجباري وهم هذا ابوها جنه نبيل شعيل هذا هم حظي🤦🏻♂️
كعدنه وكطعنه مهر هي وره الباب تحجي واطت الموافقه من خلصو طلعت ابويه كلهم صديقه مسوي حادث واضطر يطلع ضروري عذرونه
فنن...من كطعت مهر كالو راح يجي العريس بس بعدين كالو لا ميجي...اهل العريس من طبو تخبلو عليه امه بقت اصفن ونسوان اخوته 4وحده مخطوبه كالو بس مكدرت اميزهم لان مو من اول يوم راح احفظهم وبالي مويمهم بالي يم هذا الي ازوجته وما اعرفه ولا شايفته😔 بس سمعت السيد يكول تقبلين الزواج من سلام😑
المقدم جان 20مليون والماخر بيت ملك اني استغربت احنه مطالبين مهر وشفته هواي حتى لو واحد الله مكنه بس مو لهاي الدرجه
سلام...كطعت مهر وفلتت ماريد اشوف جهرتاها وره يومين طلعت الفيزه سافرت وي جماعتي كتلهم اطول اطيتهم اوراقي حتى يكطعون مهر محكمه
ابو سلام ....ابو زياد راح نكطع مهر محكمه بس سلام مراح يكدر يجي لان دزيت بشغل وشغله يطول مشاكل مال معمل ودزيت علمود بضاعه للمعرض وانت دتشوف بعينك شلون المخازن فارغه
ابو زياد...اي والله المخازن فارغه ولازم نجيب بضاعه باقرب وكت مترهم
ابوسلام دزيت سلام هو حيدبرها بس يتاخر واحنه نريد نزوجهم قبل لانبلش بالمشروع الجديد مبقه شي خلي نعقد محكمه ونجهز للعرس حتى بس يوصل سلام نزوجهم
ابو زياد الي اشوفونه
سلام...سافرت وي جماعتي وكتلهم معليه بشي انتو سوو كلشي وتونست ولا درت بال لا احد ولافكرت بعرس جماعتي يضحكون عليه شلون هيج مداير بال وشلون لحد هسه مشايف العروسه حتى سجاد اقرب صديق الي نصب عليه
سجاد.. ادري غير اشوفها حتى اذا كلش بضيم تنهزم تتطفر اشوفلك جاره مو بيوم العرس وتتورط
سلام...اسكت هو اني من شفت ابوها جنه نبيل شعيل
ايست بعد😑 كلت خلي اطفر ردت انهزم من الواقع المر🤦🏻♂️
سجاد...هسه نهزمت بعد اسبوع عرسك وين تنهزم😂
سلام..لا اذكرني بشرفك
سجاد..،والله شايل همك اتخيلها ضخمه وجنه وجه ابوها بس عده شعر
سلام...كلشي اتوقع هاي سوالف ابويه التعبانه ميجوز منها...بس يالله ميخالف اخليها نهار كله مكيجه 😉
سجاد...واذا كعدن الصبح ولكيت المكياج ممسوح 😂
سلام...لا هنا اخذ رشاشه وانزل على ابويه 😂😂😂طلقه براسي واخلص من هاي العيشه ولو الشكل مو كلشي😅
سجاد....قشمر نفسك
سلام..طبعاً اقشمر نفسي اذا اصبح بوجه زمال🤦🏻♂️لازم اقنع نفسي
سجاد.....بيوم العرس ابوك يكهرب الباب حتى لا تنهزم😂
سلام...يسويها ابويه واعرفه تعلمني بي😪
سجاد...عوف الشقه احجيلي مها شنو وضعها
سلام...مها طلعت علمود الفلوس لاحب ولابطبخ
سجاد...والعروس شنو وضعها
سلام...العروس لو يجي ما ادري منو لا اريدها ولا اتقرب الها اول تالي فتره واعوفها اريد ابزعها حتى هيه تعوفني ما احب احد يجبرني على شي بس اريد اعتمد على نفسي اول واوكف بالمعمل بعدين اصرف
سجاد...سلام بنات الناس مو لعبه اذا خوش بنيه وادميه ليش لا
سلام....لا ادميه ولا بطيخ اكيد هم جايه على طمع حالها حال مها وال اكو وحده تزوج واحد وهيه مشايفته وين اكو هيج وحده😑
سجاد....كوم سلام راح نتاخر على الطياره يالله شباب فضوها
سلام....بعد وكت شنو القصه
سجاد...لا خاف نتاخر كولشي يصير وانت وراك عرس اذا تاخرنه مو من مصلحتك
سلام ..دفره بجهرتك شكو ذكرتني
سجاد...كوم كوم براسك براسك......
سلام....طلعنه للمطار واني ضايج 😤طارت الطياره ومخلصت من دهرت جماعتي وسجاد اكل كلبي
سجاد...اكلك سلام حتى جنها شعيل بس بيها مجال اذا تحف وتمكيج🤔
سلام...وك هو اني شايفها بس عقدنه طفرت خفت لا اشوفهاوابطل واضيع الاول والتالي😫 حتى امي خفت اسألها حلوه لو لا رادو يشوفوني الصور عفتهم وكمت ردت اضوج ابويه😐
وصلنه وطبيت للبيت صار شهر من سافرت لكيت الدنيا مكلوبه وهوسه وامي الدنيا ملامتها وفاتحين اغاني وينضفون نسوان اخوتي عدنه يساعدون امي والمره الي تشتغل عدنه تركص وتشتغل هي والبنات فرحت من شفتهم شكلهم حلو ويونس طبيت سلمت وبوستهم احنه متعلمين نسوان اخوتي مثل خواني ابوسهم واسلم عليهم عادي حتى المحجبه بيهم متلبس كدامي ربطه
مصطفى...هله بالعريس حمد الله على السلامه
سلام...هاي شمسوين
مصطفى..يمعود صار اسبوع راسي نسطر ما اكدر اقره
سلام...خو انت ماعدك غير القرايه
مصطفى...نجب وروح لا ابويه للمخزن محضرلك محاضره طويله عريضه
سلام...لا بشرفك 😨
مصطفى ....الحنه باجر اشتريت هدوم لا
سلام..اي اشتريت مناك حتى قاط العرس جبته...بس على اتفاقنه بس حنه الجماعتي بالقاعه ما اسوي عرس زفه وللبيت حتى فندق ما اخذها
مصطفى...ابن الاوادم ماخذلك فصليه زين منها وراضيه
سلام...دخلي تجي يمي وربك اخلي الفصليه ارحم من حالها خو اذا طلعت جنها ابوها يبووووو ما احجيلك شسوي
مصطفى😃هذا بعده مشايفها ....اكولك سلام واذا تشبه ابوها قابل شبي الرجال
سلام..لا بربك يعني تشبه ابوها🤦🏻♂️خربحظي ال3بربع اذا صدك
مصطفى...اصبر لاتستعجل على رزقك عكب باجر تجي وتشوفها😂
سلام ..باع مصطفى وحق ربك لو ايه من الجمال ما اطخ شعره منها شحال لو طلعت زركه.... بسببها مراح اخذ الي احبها والله اطلع ضيم ابويه بيها
مصطفى...الله كريم بس البنيه حبابه من رحنه للمحكمه شفتها عاقله وهادئه
سلام...شنو فايدت العقل وهي وجه الجوب👊🏻بربك مصطفى اوصفلي شكلها😐
مصطفى...شوصف هي عدها عيون وخشم وحلك ورجلين ثنين وادين ثنين
سلام...كافي افتهمت الحاله مأساويه🤦🏻♂️لاتكمل لا هسه ابطل
مصطفى...دروح ابوك تلكيه ديفور هسه .......
فنن...قرب موعد العرس واني مشايفه سلام ابد حتى بالمحكمه اجوي اهله وجابو الاوراق مالته وعقدنه عمي
كثروو لايكاتكم(purple_heart)(purple_heart)حبايب كلبي
