#صغيرتي_كالشمس.tt
》》》البارت 3《《《
بالمحكمه اجوي اهله وجابو الاوراق مالته وعقدنه عمي ابووسلام كدر يدبرها عده معارف هواي والفلوس كلشي اسوي بهذا وكتنه ...يوم الحنه سويت حنه لصديقاتي وكرايبي طلعت كولش حلوه بدله نازكه وشعري تسريحه مرتبه ....راحو كلهم ونمت من وكت بعد التفكير بزوج الغامض 😏باجر العرس حتى صوته مسامعته
ثاني يوم عادي مثل اي عروس رحت للصالون ركض بركض ابويه ميقبل عرس قاعه وهمه هم مرادو بس زفه كالو
كملت صالون ورجعت للبيت دا انتضرهم اجه ابويه كال خلي نطك الهم صور بالبيت هنا من يجون ميرحون للمصور صار نفجار ونخاف عليهم كبل للبيت نزفهم اني بقيت ابجي حتى صور عرس ماكو اجتي الزفه وكلبي كام يدك راد يطلع من مكانه خفت حيل ما اعرفه ولا شايفته ما ادري منو هو شنو شكله حتى من يطب ما اميزه بينهم امي ذبت على راسي بركع شويه ثخين ميبين مني شي واني اشوف كدامي بس مو واضح تخاف عليه من الحسد😏 اشوف واحد اجه كعد بصفي اني كلشي مشفت منه
سلام...طبينه بيوم الزفه لكيت العروس مبركعه شاورت مصطفى شنو خويه لهاي الدرجه تخوف مغطينه😞
مصطفى...صارت بعد ارضه بالامر الواقع ربك يحلها😆
سلام...كعدت يم العروس ولا باوعت عليها روحي طالعه وافكر بمها واني هاي الفتره كلها بقيت وياها متعوفنه عرفته علمود الفلوس بس احبها موبيدي .....المهم ردنه نكوم كالو نطك صور للعرس بس خلي العروس توخر الشال الي على وجهها وخرت واني ولا درت عيني عليها خفت لا انصدم وافشل اهلي كدام الناس ما اضمن شنو ردت فعلي واني كل عقلي وضني تشبه ابوها😔
فنن...طكولنه صوره ولا باوعت عليه ابد ولا هو باوع خلصنه صور لزمته من عكسه وصعدنه بسياره وكلبي يكمز مو بس يدك بقيت ابجي على امي شلون فرفحت بجي وزياد طلع من البيت متحمل يشوفني من ياخذوني وهو اصلاً مقابل على هاي الزواجه بس حجايت ابويه متصير ثنين حتى ابويه حسيته نقهر وعينه دمعت بس طبيعته قوي ميبين ابد
سلام....اسوق وهيه كاعده بصفي ولا درت وجهي عليها حتى المسجل طفيته بكلبي قحط ملفلفينه على حورها اووووف ربي كون هسه العروس مهاوي والله احرك الشارع وابقه اكمز واركص صدك تصير ليلة العمر شكول عليك يابه ...ضوجني سجاد كل شويه نازل كدام السياره يركص واني روحي طافره
سجاد...سلام يحب مها رغم عيوبها وحسيت بي مقهور وضايج حيل مبين عليه مغصوب وجن العروسه صدك مو حلوه لان ابد مياباوع عليها وبس يصفن وضايجه بقيت اركص كدام سياره اداهره .....
سلام..وصلنه للبيت وبقو يركصون جماعتي واخوتي باب البيت طببت العروس وطلعت يمهم لحد ساعه وراحو طببوني اخوتي وابويه كالو اخذ عروستك واصعد اخذتها وصعدت للغرفه
طبيت للغرفه فتحت الرباط هيه بقت واكفه كتلها متكعدين شمعت فكر شنو
فنن...بقيت واكفه جان يكلي شمعت فكر شكد ضجت منه بدي اعيط بيه اضربه بس خايفه منه كعدت بدون ما احجي
سلام...كعدت على الجربايه واني روحي طالعه غرفتي سويت كتلها سمعي لج مو ميت عليج وانتي من الخطوبه رضيتي بهذا الوضع لا عبالج يصير بينه شي وبعدين شدعوه هيج ملفلفه نفسج تره ماميت على جهرتج وشوفتج
فنن...حيل صرت اعصاب وضجت منه كوه لازم نفس شنو شايف نفسه هذا ردت اوخر البركع واشوفه بس استحيت
سلام...اختاري وين تنامين هنا لو بصاله
فنن ...كمت ابجي خفت منه حيل خفت لا مخبل مريض بي شي
سلام...باعي اموت من وحده تبجي كومي من جهرتي روحي نامي بصاله ...لحد هنا واني ممباوع بوجها ولا شايفها البركع جبير مغطي حتى اديها كلشي ممبين بس انتبهت مو ضخمه كتلها اخذي هدومج وروحي نامي بصاله كامت هيه طلعت هدوم من الغرفه وراحت بعد مطلعت اهلي جابو عشه اخذته وصحت عليها تعاي اكلي كالت ماريد
فنن..كتله لا ماريد بلعافيه استحيت اطلع بدلت لبست دشداشه بيج ميديم وربع الردان كيبور
سلام..كالت ماريد صوتها حلو وناعم كلت بس تفيك بعدين يطلع الغش تعشيت وعفتها بقيت اراسال مها لكيتها حاركه التلفون عليه حرك ليش مجاوب وينك
حاجيتها كتلها نايم اني بلغرفه وهيه بصاله مصدكت دكت عليه وبقت اسولف ويايه وكل شويه تحلفني ما اوصلها ....واني وج هو اني حتى بجهرتها مباوعت لو اشوفها بشارع ما اعرفها شلون اوصلها مطايقها ابد...بقينه نحجي لحد مغفيت
فنن...ميت من التعب غفيت محسيت ال تلفوني يدك امي كالت راح نجي نجيب الريوك باوعت ساعه عشره كمت سبحت ونشفت شعري بشسوار هو لفاليف وناعم كولش مثل مريم فارس شعري بس اصفر ....ردت اروح اكعده بس خفت تقربت عليه اكعده اول مره اباوع عليه اسمر ولحيته خفيفه ومرتبه شعره اسود الغطه لحد بطنه جسمه كلش حلو ومرتب صحت سلام سلام مجاوبني عفته ولبست حجابي ونزلت لان اخوته بالبيت لكيت خاله ومصطفى جوه
فنن..صباح الخير
الام..صباح النور
مصطفى..صباح النور .....يمه شنو هذا الكمر من الصبح😃حتى مو كمر شمس هاي
الام...صلي على النبي يمه....ليش كعدتي من وكت حبيبتي
فنن..مو ماما خابرت كالت راح يجون يجيبون الريوك
الام...هله بيهم لعد سلام مكعد
فنن...كعدته مكعد
مصطفى...خلي اروح اكعده....دكيت ال باب عليه ماكو اخر شي فتت لكيته نايم تمددت بصفه ...اكعد حبيبي سوسو اكعد
سلام...امممممم وخررري
مصطفى...تقربت عليه وحضنته كوم حبي ابو السوس
سلام...وجع حتى ريحتج جنها ابوج كله جكاير😵فتحت عيوني وعطت يمه شنو هاي
مصطفى...فز من شافني وعاط😂كتله حقك وين هذيج الجهره وين هاي
سلام..وجع بكلبك والله عبالي مرتي اخترعت
مصطفى...هيج اني حلو😃
سلام ....نجب
مصطفى...اي سولفلي شسويت البارح
سلام..نطمرت😐
مصطفى...شنو يعني انطمرت😧كلشي مسويتو
سلام...لا ختولي
مصطفى...كمت اشك بيك خلل كل هذا الجمال نام يمك وانت كلشي مسويت😧
سلام..حتى بجهرتها مباوعت طردتها للصاله ونمت اني هنا
مصطفى...لا تشاق😦
سلام...هي مال شقه
مصطفى...سلام والله سويتها بليه ملح اكو واحد مصباح عرسه ومشايف عروسته !!!
سلام..اي اكو اني هسه شتريد مكعدني من الصبح
مصطفى..كوم اهل مرتك حيجون عيب
سلام...شسويلهم شعدهم جايين من الصبح
مصطفى...جايين يشوفون صخام وجهك 🙌🏻الاغم نايم وطاردها من الغرفه شراح تكول لا اهلها هسه عبالهم انت مو رجال الاثول🙌🏻
سلام...شنو😳مجتي بالي جانت لعبانه نفسي منها وضايجه وكتلها كومي
مصطفى...هو انت وين مباوع بوجها حتى لعبت نفسك يالاثول
سلام....هوووو دكوم خلي اسبح
مصطفى...باوع راح انزل اصيح مرتك فهمها متحجي شي لا اهلها تكلهم كلشي تمام تره عيب تطلع عليك حجايه ..بس وداعت عزيز كلبك من تصعد هسه باوع بوجها شويه ...وحق ربك تغم روحك شلون البارحه نمت وعفتها👊🏻
سلام...وين تولي هيه كبالي بعدين شخبصتني بيها
مصطفى...من اشوفها تعرف ليش خبصتك بيها...طب اسبح حصيحها
فنن فنن ....نعم....صعدي سلام يريدج....اي صار🚶🏼♀️🚶🏼♀️🚶🏼♀️
فنن...طبيت لكيته ماكو سمعت صوت الدوش بالحمام فتحت الشال بس بقيته على راسي ود اعدل بلفراش حسيت واحد ورايه
سلام...حضرت جنابج ليش مكعدتيني
فنن...اني روحي طالعه منه شكد مغرور وشايف نفسه كرهته من قبل لا احجي وياه اني يطردني بيوم عرسي من غرفتي .....كتله كعدتك وانت مكعدت
سلام...شنو اشورين نفسج
فنن...صحتك وكعدتك انت مكعدت كلت خاف تعبان خليتك نايم...بكلبي اووف ربي شيخلصها وياه اول يوم وكاعد يدور شي يرزلني عليه
سلام...باعي لج اي احد يسألج تكليله كلشي تمام
فنن..اي صحيح😏
سلام...هذا الحجي هيه تعدل بالفراش ومتباوع عليه واني دا ابدل من كالت اي صحيح فرت اجيت اضربها درتها عليه بعصبيه جان اشوف اقوه صدمه بحياااتي😳😳😳😳😳😳😳😳بقيت نص ساعه يمكن بهاي الوضعيه حتى النفس كطعته 🤦🏻♂️
فنن..من دارني عليه حسيت راح يضربني لان عصبي بس شو هذا فز وبقه فاك حلكه وصافن احجي وياه ميجاوبني عبالك شاف جني....سلام شبيك شفت جني
سلام..ها😦ليش اكو جني هيج
فنن...اني نازله عفته ونزلت
مصطفى...حسيت بسلام راح ينصدم بقيت انتضر حتى اذا مطلع من الغرفه اني اروحله😂طلعت فنن ونزلت جوه دخلت لكيت سلام صافن على الحايط😦😦😦
مصطفى😂😂😂😂اسم الله عليك خويه اسم الله😂اجيبلك ماي
سلام...اكولك هاي مرتي
مصطفى....اغبر هاي البارحه اليل كله يمك وانت نايم وعايفها🙌🏻🤣
سلام...غمني غمني ولك غمني امداني اي والله 😦استغفر الله هي هاي هم خلقه عليمن هيج شكلها هاي كوم خلي ننزل
مصطفى...😂😂😂شويه صحصح لاتفشلنه كدام الناس
سلام...وك كوم نزلني احس رجليه متشيلني من الصدمه ....
كثروو لايكاتكم(purple_heart)(purple_heart)حبايب كلبي
